నేను చూసిన రాణివి నువ్వే!
on May 13, 2021
'సుడిగాడు' సినిమాతో టాలీవుడ్ లో హీరోయిన్ గా ఎంట్రీ ఇచ్చింది మోనాల్. ఆ తరువాత వివిధ భాషల్లో పదికి పైగా చిత్రాల్లో నటించినప్పటికీ.. సరైన గుర్తింపును మాత్రం సంపాదించలేకపోయింది. గతేడాది ప్రసారమైన బిగ్ బాస్ సీజన్ 4లో కంటెస్టెంట్ గా పాల్గొని కాస్త క్రేజ్ తెచ్చుకుంది. అయితే హౌస్ లో ఉన్నంతకాలం ఆమె అఖిల్ సార్థక్తో ఎంత క్లోజ్ గా ఉందో తెలిసిందే. బయటకి వచ్చిన తరువాత కూడా ఈ జంట చెట్టాపట్టాలేసుకొని తిరుగుతుండడంతో ఇద్దరి మధ్య ఏదో నడుస్తుందనే మాటలు వినిపిస్తున్నాయి.
ఇదిలా ఉండగా.. ఈరోజు మోనాల్ పుట్టినరోజు సందర్భంగా అఖిల్ ఆమెకు విషెస్ చెప్పిన తీరు నెటిజన్స్ను ఆకట్టుకుంటోంది. ఇన్స్టాగ్రామ్ లో మోనాల్ తో కలిసి తీసుకున్న ఫోటోలను షేర్ చేస్తూ.. తను రాణులకు సంబంధించిన చాలా కథలు విన్నానని.. "కానీ నిజజీవితంలో చూసిన రాణివి మాత్రం నువ్వే." అంటూ మోనాల్ ని తెగ పొగిడేశాడు. ఇంతకుమించి మోనాల్ గురించి ఎలా అభివర్ణించాలో తనకు తెలియడం లేదని.. తనకు ఇలాంటి అద్భుతమైన వ్యక్తిని పరిచయం చేసిన బిగ్ బాస్ కి థాంక్స్ చెప్పాడు.
ఎల్లపుడూ నీ వెంటే ఉంటానంటూ.. ఎలాంటి పరిస్థితి ఎదురైనా నీకు అండగా ఉంటానంటూ మోనాల్ ని ఉద్దేశిస్తూ ఎమోషనల్ కామెంట్స్ చేశాడు. అఖిల్ పెట్టిన ఈ పోస్ట్ ఇప్పుడు తెగ వైరల్ అవుతోంది. ఈ పోస్ట్ చూసిన నెటిజన్లు మోనాల్ కి విషెస్ చెబుతూ అఖిల్ ఎమోషనల్ మాటలకు ఫిదా అవుతున్నారు. త్వరలోనే ఈ జంట 'గుజరాతి అమ్మాయి తెలుగు అబ్బాయి' అనే పేరుతో తెరకెక్కుతోన్న సిరీస్ లో నటించబోతున్నారు.
Also Read