ఏకాభిప్రాయాలే టికెట్ టు ఫినాలేనా?
on Dec 2, 2022
బిగ్ బాస్ చరిత్రలో ఇప్పటివరకు ఎన్నడూ లేనంత వింతగా ఈ సీజన్ సాగుతోంది. ఇప్పటివరకూ టాస్క్ లో గెలిచినవారిదే కెప్టెన్సీ. దాంతో గేమ్ లో బెస్ట్ ఫర్మామెన్స్ ఇచ్చేవారు. ఇప్పుడేమో ఈ టికెట్ టు ఫినాలే కోసం ఏకాభిప్రాయంతో నిర్ణయం తీసుకోండి అని బిగ్ బాస్ ప్రతీ టాస్క్ లోని లెవెల్ లో చెప్తూ వస్తున్నాడు. దీంతో హౌస్ మేట్స్ హై ఇంటెన్స్ గా ఫీల్ అవుతున్నారు.
నిన్నటి ఎపిసోడ్లో ప్రతీ కంటెస్టెంట్ బిగ్ బాస్ కి ఎదురు తిరిగారు. ఎందుకంటే టాస్క్ లో కష్టపడి ఆడి ఆరుగురు గెలిస్తే వారిలో నుండి ఏకాభిప్రాయంతో ఇద్దరిని తొలగించాలి అంటే కంటెస్టెంట్స్ కే కాకుండా, అలా ఎలా అంటూ చూసే ప్రేక్షకులకు కూడా విసుగొచ్చింది.
గత రెండు రోజుల నుండి 'టికెట్ టూ ఫినాలే' టాస్క్ జరుగుతోంది కానీ ప్రతీ లెవెల్ లో ఒక్కో కంటెస్టెంట్ ని ఏకాభిప్రాయంతో తొలగించాలి అని చెబుతూ వస్తున్నాడు బిగ్ బాస్. కంటెస్టెంట్స్ మధ్య టాస్క్ పెడితే వాళ్ళలో ఎవరు ఎంత ఆడతారో అని తెలిసిపోతుంది అలాంటిది ఏ టాస్క్ పెట్టకుండా ఏకాభిప్రాయం ఏంటి? అని ప్రేక్షకులు ప్రశ్నిస్తున్నారు. రోహిత్ లాంటి మెరుగైన కంటెస్టెంట్ కి సరైన టాస్క్ లు ఇవ్వకుండా వేరొకరి మీద నిర్ణయాన్ని ఉంచడమేంటి ? అంటూ నెటిజన్లు కామెంట్స్ చేస్తున్నారు.