రోజుకు భావన సంపాదన ఎంతో తెలుసా?!
on Jul 31, 2021
దాదాపు ఒకటిన్నర దశాబ్ద కాలం నుంచీ టీవీ వీక్షకులకు భావన తెలుసు. నటిగా, ప్రయోక్తగా తెలుగువారికి బాగా దగ్గరైన తారల్లో భావన ఒకరు. మొదట్లో హీరోయిన్గా సీరియల్స్లో కనిపించిన ఆమె, ఇప్పుడు నెగటివ్ రోల్స్లో, ఇతర ప్రధాన పాత్రల్లో కనిపిస్తోంది. ఇంత కాలం టీవీ ఇండస్ట్రీలో ఉంది కాబట్టి ఆమె బాగానే సంపాదించి ఉంటుందనేది చాలామంది అభిప్రాయం. ఆమె రెమ్యూనరేషన్ ఎంత తీసుకుంటుందనే టాపిక్ కూడా ఇండస్ట్రీలో నడుస్తుంటుంది.
ఆమె పారితోషికం ఎంతనే విషయం పక్కనపెడితే తన ఆదాయంలో కొంత చారిటీకి వెచ్చించే మంచి లక్షణం భావన సొంతం. మనం సైతం కోసం తనకు తోచినప్పుడల్లా వెయ్యో, రెండో వేలో ఇస్తూ ఉంటుంది. ఇలా ఒక్కసారి కాదు, ఆ గ్రూప్కు చాలా సార్లు ఆమె డబ్బులు ఇచ్చింది. వీటిని ఇండస్ట్రీలో ఎవరికైనా ఆరోగ్య సమస్యలు వస్తే, వారి చికిత్స కోసం వెచ్చిస్తుంటారు. సాధారణంగా సినీ, టీవీ సెలబ్రిటీల ఇళ్లల్లో పిల్లల బర్త్డేస్ వస్తే గ్రాండ్గా సెలబ్రేట్ చేస్తుంటారు. కానీ భావన అలాంటి సెలబ్రేషన్స్ చెయ్యలేదు. వాళ్ల పుట్టినరోజు నాడు కేన్సర్ హాస్పిటల్లో ఉండే రోగులకు భోజనం పెడుతుంటుంది.
గత ఏడాది ఆమె ఇంకో మంచి పనిచేసింది. మనకు ఇష్టమొచ్చిన ఫుడ్ తయారుచేసి వాళ్లకు పెట్టడం కంటే, వాళ్లకు ఇష్టమైన ఆహారాన్నే వాళ్లతో తినిపించాలనే ఆలోచన ఆమెకు వచ్చింది. స్టార్ ఫౌండేషన్ ద్వారా వాళ్లను మధ్యాహ్నం హోటల్కు రప్పించి.. దాదాపు 35 మందికి బిర్యానీ సహా ఎవరికి ఏమేం తినాలనిపిస్తుందో, ఆ భోజనం పెట్టించిందామె. వారి బిల్లు మొత్తం తనే చెల్లించింది. ఇలాంటి మంచి హృదయం భావనది.
సరే ఇంతకీ భావన రెమ్యూనరేషన్ ఎంత? "ఒక సీరియల్కు రోజుకు 5 వేలు, ఇంకో సీరియల్కు 6 వేలు, మరో సీరియల్కు 7 వేలు ఇస్తున్నారు. వీటిలో అసిస్టెంట్స్ కన్వీయన్స్, టీడీఎస్, పెట్రోల్ ఖర్చులు లాంటివన్నీ ఉంటాయి. చివరకు మిగిలేది చాలా తక్కువ." అని ఓ ఇంటర్వ్యూలో వెల్లడించింది భావన.
Also Read