మే 19న కొమరం భీమ్ ఫస్ట్ లుక్!!
on May 11, 2021
జూనియర్ ఎన్టీఆర్, రామ్ చరణ్ ప్రధాన పాత్రల్లో ఎస్ఎస్ రాజమౌళి దర్శకత్వంలో తెరకెక్కుతున్న మల్టీస్టారర్ చిత్రం ఆర్ఆర్ఆర్. బాహుబలి తర్వాత రాజమౌళి దర్శకత్వంలో వస్తున్న చిత్రం కావడం, స్టార్ హీరోలు కలిసి నటించడం వంటి కారణాలతో ఈ సినిమాపై దేశవ్యాప్తంగా భారీ అంచనాలు ఉన్నాయి. ఆ అంచనాలకు తగ్గట్టే ఈ చిత్రానికి సంబంధించిన ఒక్కో అప్డేట్ ప్రేక్షకుల్లో ఈ సినిమా చూడాలన్న ఆసక్తిని మరింత పెంచుతున్నాయి. కాగా ఇందులో తారక్ కొమరం భీమ్ పాత్రలో నటిస్తున్నాడు. దీనికి సంబంధించిన ఫస్ట్ లుక్ పోస్టర్ ఈ నెల 19 న విడుదల కానున్నట్లు తెలుస్తోంది.
ఇప్పటికే ఈ చిత్రంలో చరణ్ పోషిస్తున్న అల్లూరి సీతారామరాజు పాత్రకి చెందిన ఫస్ట్ లుక్ పోస్టర్ విడుదలైంది. చరణ్ పుట్టినరోజు (మార్చి 27) సందర్భంగా ఆ ముందు రోజు(మార్చి 26) సాయంత్రం పోస్టర్ చేశారు. అలాగే కొమరం భీమ్ ఫస్ట్ లుక్ పోస్టర్ కూడా అతి త్వరలో విడుదల చేయనున్నారని సమాచారం. తారక్ పుట్టినరోజు(మే 20) సందర్భంగా ఆ ముందు రోజు అనగా మే 19 సాయంత్రం పోస్టర్ విడుదల చేస్తారని తెలుస్తోంది.
కాగా, తారక్ ఇటీవల కరోనా బారిన పడ్డారు. దీంతో మొన్నటివరకు తారక్ బర్త్ డే, ఆర్ఆర్ఆర్ అప్డేట్ కోసం ఎదురుచూసిన అభిమానులు ఇప్పుడు ఆయన త్వరగా కోలుకోవాలని ప్రార్థిస్తున్నారు. ప్రస్తుతం ఆయన స్వల్ప లక్షణాలతో హోమ్ ఐసోలేషన్ లోనే ఉండి ట్రీట్మెంట్ తీసుకుంటున్నారు. ఈ వారంలో ఆయన కరోనా నుండి కోలుకొని, ఆయన బర్త్ డే ని కొమరం భీమ్ ఫస్ట్ లుక్ పోస్టర్ తో సెలెబ్రేట్ చేసుకోవాలని అభిమానులు ఆశిస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
