"తుమ్మెద" మనసు లేని ప్రేమికుల కథ !
on Jul 1, 2013
భాస్కర మూవీస్ పతాకంపై ప్రొడక్షన్ నెం.1 గా నరేష్ అడపా- సరయు చిట్టాల సంయుక్త నిర్మిస్తున్న చిత్రం 'తుమ్మెద''మనసు లేని ప్రేమికుల కథ ' అనే ఉప శీర్షికతో రూపొందుతున్న ఈ విభిన్న ప్రేమకథా చిత్రంలో ' ఆనంద్' ఫేమ్ రాజా,విజయ్,వర్ష, అక్షయ ముఖ్య తారాగణం.ఈ చిత్రం ద్వారా పలువురు ప్రముఖ దర్శకులు వద్ద పనిచేసిన కె.నారాయణ దర్శకుడిగా పరిచయమవుతున్నారు. ఒక పాట మినహా షూటింగ్ కార్యక్రమాలు పూర్తి చేసుకున్న తుమ్మెద' ఆడియో త్వరలోనే విడుదల కానుంది.
ఈ సంధర్భంగా చిత్ర దర్శకులు కె .నారాయణ మాట్లాడుతూ అసభ్యత - అశ్లీలతలకు తావులేని సకుటుంబ సమేతంగా చూసి ఆనందించతగ్గ క్లీన్ ఫ్యామిలీ ఎంటర్ టైనర్ 'తుమ్మెద ' మా హీరో రాజాకు ఆనంద్ ఎంత పేరు తెచ్చిందో తుమ్మెద అంతకు మించి మంచి పేరు తెస్తుంది.మా నిర్మాతలు నరేష్ అడపా - సరయు చిట్టాల ఎంతో ప్యాషన్ తో, ఎక్కడ రాజీ పడకుండా ఈ చిత్రాన్ని నిర్మిస్తున్నారు. నిర్మాతలుగా వారికి దర్శకుడిగా నాకు చక్కని శుభారంభాన్నిచ్చే చిత్రమిది . ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి.వచ్చే వారంలో మిగిలి ఉన్న పాటను హీరో రాజా - వర్ష లపై చిత్రీకరించి నెలాకరున ఆడియో విడుదల చేసేందుకు సన్నాహాలు చేస్తున్నాం అన్నారు. జీవా, రమణమూర్తి, ధనరాజ్ ,సుమన్ శెట్టి,చంటి ,అన్నపూర్ణమ్మ,డబ్బింగ్ జానకి, పావలా శ్యామల ఇతర ముఖ్య పాత్రలు పోషిస్తున్న ఈ చిత్రానికి ఎడిటింగ్ : సత్య, కెమెరా: మహి, సంగీతం : రాబిన్, సాహిత్యం: వనమాలి, నిర్మాతలు : నరేష్ అడపా-సరయు చిట్టాల, రచన - దర్శకత్వం: కె.నారాయణ