సూర్యతో సుప్రీమ్ కు పోటీనా..?
on May 7, 2016
వైవిధ్యమైన సినిమాగా తెరకెక్కి భారీ అంచనాల మధ్య రిలీజైంది సూర్య 24. మెగా హీరో సాయి ధరమ్ తేజ్ సూర్యకు పోటీగా వస్తుండటంతో, సినిమా చాలా బాగుంటే తప్ప కష్టం అనుకున్నారు జనాలు. కానీ సాయి కూడా తన రేంజ్ పెంచుకుని, కెరీర్లోనే భారీ ఓపెనింగ్స్ ను సుప్రీంకు సాధించాడు. రిలీజైన తర్వాత బాక్సాఫీస్ ను పరిశీలిస్తున్న ట్రేడ్ పండితులు, సూర్య సినిమా వల్ల సుప్రీమ్ కు ఎలాంటి నష్టమూ ఉండదని తేల్చేస్తున్నారు. రెండింటికీ మధ్య జానర్లో చాలా వ్యత్యాసం ఉండటమే అందుక్కారణం. సూర్య సినిమా కంప్లీట్ సైఫై గా సిటీస్, మల్టీప్లెక్స్ జనాలను రప్పిస్తుంటే, సుప్రీమ్ పూర్తి మాస్ ఎంటర్ టైనర్ గా బి,సి సెంటర్ల ఆడియన్స్ ను అలరిస్తోంది. అందువల్ల రెండు సినిమాలకూ మధ్య మంచి ఆరోగ్యకరమైన పోటీ ఉంది. ఎవరి ఆడియన్స్ వాళ్లకు ఉండటంతో, సాయి ధరమ్ అండ్ కో నిశ్చింతగా ఉన్నారు. మరో వైపు సూర్య సినిమా కూడా, అన్ని వైపులా మంచి టాక్ తో దూసుకుపోతోంది. సాయి, సూర్య ఇద్దరూ కూడా లాభాలతోనే సమ్మర్ ను దాటుతారని అంచనా వేస్తున్నారు సినీజనాలు. 20 వ తారీఖున బ్రహ్మోత్సవం వచ్చేవరకూ బాక్సాఫీస్ వద్ద మరో పెద్ద సినిమా లేని కారణంగా, వీటి రన్ కు ఎలాంటి అడ్డూ కనిపించడం లేదు. మరోవైపు సుప్రీం సాయిధరమ్ కెరీర్లోనే బెస్ట్ కలెక్షన్లతో నిలుస్తుందని అంచనా..
.gif)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
