నాని నిర్మాతగా చిరంజీవి సినిమా స్టార్ట్
on Dec 3, 2024
ఒకరు మెగాస్టార్ చిరంజీవి(chiranjeevi)ఇంకొకరు నాచురల్ స్టార్ నాని(nani)ఎవరు ఊహించని విధంగా ఇప్పుడు ఈ ఇద్దరి స్టార్ హీరోల కాంబోలో ఒక మూవీ తెరకెక్కబోతుంది.కాకపోతే చిరుతో నాని సిల్వర్ స్క్రీన్ ని షేర్ చేసుకోకుండా సమర్పకుడి హోదాలో వన్ ఆఫ్ ది ప్రొడ్యూసర్ గా వ్యవహరిస్తున్నాడు.దసరా ఫేమ్ శ్రీకాంత్ ఓదెల ఈ మూవీకి దర్శకత్వాన్ని వహిస్తున్నాడు.ఈ విషయాన్నీ నాని సామజిక మాధ్యమాల ద్వారా వెల్లడి చెయ్యడమే కాకుండా, ఆ చిత్రం యొక్క ప్రీ లుక్ ని ప్రేక్షకులతో పంచుకోవడం జరిగింది.
ప్రీ లుక్ లో చిరు చెయ్యి నెత్తురోడుతుండగా,అతను హింసలో శాంతిని వెతుక్కుంటున్నాడంటూ రాసిన పోస్టర్ పలువురుని ఆకర్షిస్తుంది.ఇక చిరుతో సినిమా నిర్మించడంపై సోషల్ మీడియా వేదికగా నాని స్పందిస్తూ 'చిరంజీవి స్పూర్తితో పెరిగాను.ఆయన నటించిన సినిమా టికెట్ల కోసం గంటల తరబడి లైన్లో నుంచొని సినిమా చూసిన వాడ్ని.అలాంటిది ఇప్పుడు ఆయన చిత్రాన్ని సమర్పిస్తున్నాను.నా జీవితం పరిపూర్ణమయ్యిందంటూ ఒక పోస్ట్ చేసాడు.మిగతా నటీనటులు సాంకేతిక నిపుణుల వివరాలు త్వరలోనే వెల్లడికానున్నాయి. సోషల్ మీడియాలో నాని, చిరు మూవీ వైరల్ అవుతుండంతో ఆ ఇద్దరు కలిసి స్క్రీన్ షేర్ చేసుకోవాలని ఇరువురు అభిమానులు కోరుకుంటున్నారు.
.webp)
ఇక ఈ మూవీ నెక్స్ట్ ఇయర్ లో సెట్స్ పైకి వెళ్లే అవకాశం ఉంది.ఎందుకంటే శ్రీకాంత్ ఓదెల(srikanth odela)ప్రస్తుతం నానితోనే 'ది పారడైజ్' అనే మూవీ చేస్తున్నాడు. ఈ మేరకు రీసెంట్ గా అధికార ప్రకటన కూడా వచ్చింది.ఈ మూవీ కంప్లీట్ తర్వాతే చిరు మూవీ షూట్ కి వెళ్లే అవకాశం ఉంది.కాకపోతే చిరు విశ్వంభర కంప్లీట్ తర్వాత గాడ్ ఫాదర్ డైరెక్టర్ మోహన్ రాజాతో ఒక సినిమా చేస్తున్నాడు. అధికారకంగా కన్ఫార్మ్ అయిన ఈ మూవీకి చిరు పెద్ద కూతురు సుస్మితా నిర్మాతగా వ్యవహరిస్తోంది.మరి ఆ మూవీ కూడా కంప్లీట్ అయ్యాకే, నాని సినిమా షూటింగ్ లో చిరు పాల్గొంటాడా, లేక రెండు సినిమాల షూటింగ్ లని ఒకే సారి స్టార్ట్ చేస్తాడా అనేది త్వరలోనే తెలియనుంది.ఇక ఈ మూవీని ఎస్ఎల్ వి సినిమాస్ పై సుధాకర్ చెరుకూరి నిర్మిస్తున్నాడు.బాలకృష్ణ నట వారసుడు మోక్షజ్ఞ డెబ్యూ మూవీకి కూడా సుధాకర్ చెరుకూరినే నిర్మాత.
.webp)
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
