బాలకృష్ణ vs కార్తీ.. గెలుపు ఎవరిది!
on Oct 9, 2025
పాన్ ఇండియా సిల్వర్ స్క్రీన్ వద్ద సినిమాల మధ్య పోటీ అనేది అభిమానులతో పాటు ప్రేక్షకుల్లో మంచి ఆసక్తిని కలగచేస్తుంది. మూవీ లవర్స్ అయితే మాత్రం ఎన్ని చిత్రాలు వచ్చినా కంటెంట్ నచ్చితే సూపర్ హిట్ చేయడం ఆనవాయితీ. కాకపోతే పోటీ అనేది మాత్రం కలెక్షన్స్ పరంగా ట్రేడ్ సర్కిల్స్ పై ప్రభావం చూపిస్తుంది.
డిసెంబర్ 5 న నందమూరి నటసింహం గాడ్ ఆఫ్ మాసెస్ 'బాలకృష్ణ'(Balakrishna)అఖండ 2(AKhanda 2)తో పాన్ ఇండియా సిల్వర్ స్క్రీన్ పై అడుగుపెడుతున్నాడు. ఈ చిత్రం ద్వారా సెల్యులాయిడ్ పై బాలయ్య తాండవం చేయనున్నాడని, మరోసారి కెరీర్ లో బిగ్ హిట్ ని అందుకోబోతున్నాడనే టాక్ ఇండస్ట్రీ వర్గాల్లో వినపడుతుంది.అభిమానులు కూడా అదే నమ్మకంతో ఉన్నారు. ఇప్పుడు ఈ చిత్రంకి పోటీగా కార్తీ అప్ కమింగ్ మూవీ 'వా వాతియార్' డిసెంబర్ 5 నే పాన్ ఇండియా వ్యాప్తంగా విడుదల కానుంది. ఈ మేరకు మేకర్స్ రీసెంట్ గా రిలీజ్ డేట్ ని అధికారంగా ప్రకటించారు. కార్తీకి సుదీర్ఘ కాలం నుండి తమిళ చిత్ర పరిశ్రమలో ఎంత ఆదరణ అయితే ఉందో, తెలుగులోను అంతే ఆదరణ ఉంది. విజయం సాధించిన చిత్రాల శాతం కూడా ఎక్కువే. అగ్ర నిర్మాణ సంస్థ 'స్టూడియోగ్రీన్' నిర్మిస్తుంది. ఈ సంస్థ గతంలో తెలుగులో ఎన్నో చిత్రాలని నెంబర్ ఆఫ్ థియేటర్స్ లో రిలీజ్ చేసింది. ఈ నేపథ్యంలోనే అఖండ 2 , వా వాతియార్ మధ్య పోటీ ఉంటుందని సినీ ట్రేడ్ సర్కిల్స్ అంచనా వేస్తున్నాయి.
వా వాతియార్(Vaa Vaathiyaar)పక్కా యాక్షన్ కామెడీ చిత్రంగా తెరకెక్కుతుండగా, కార్తీ(Karthi)పోలీస్ గా కనిపించబోతున్నాడు. ఇప్పటికే రిలీజైన ప్రచార చిత్రాలతో మంచి అంచనాలు ఏర్పడ్డాయి.మరి అఖండ 2 , వా వాతియార్ భిన్నమైన జోనర్స్. మరి రెండు చిత్రాలని ప్రేక్షకులు ఆదరించే అవకాశాలు ఉన్నాయి. కాకపోతే పోటీ అనేది పాన్ ఇండియా ప్రేక్షకుల్లో మంచి ఆసక్తిని కలుగచేస్తుంది. అఖండ 2 తెలుగుతో పాటు, తమిళ, మలయాళ, కన్నడ, హిందీ భాషల్లో రిలీజ్ కాబోతున్న విషయం తెలిసిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
