బిగ్ బాస్ సీజన్-9 లో పదకొండవ వారం ఫ్యామిలీ వీక్ మొదలైంది. ఇందులో మొదటగా తనూజ వాళ్ళ అక్క పాప, చెల్లి అనూజ హౌస్ లోకి ఎంట్రీ ఇచ్చారు. ఆ తర్వాత కాసేపటికి సుమన్ శెట్టి భార్య లాస్య హౌస్ లోకి ఎంట్రీ ఇచ్చింది.

లాస్య హౌస్ లోకి రాగానే సుమన్ శెట్టి చిన్నపిల్లాడు అయిపోయాడు. ఎగిరి గంతేసి తన భార్యని హత్తుకొని బుగ్గన ముద్దులు పెడుతూ తన ప్రేమని చూపించాడు. ఇంట్లో అందరూ ఎలా ఉన్నారు.. అమ్మ ఆరోగ్యం ఎలా ఉంది.. బాగా ఆడుతున్నానా.. నువ్వెందుకు ఇలా చిక్కిపోయావ్.. నేను లేకుండా ఎలా ఉంటున్నా అంటూ వరుసగా ప్రశ్నలు వేసి మురిసిపోయాడు సుమన్.

ఇక వెళ్లే ముందు సుమన్‌కి తన భార్య లాస్య ఒక సలహా ఇచ్చింది. సంజన గారితో కొంచెం ఇబ్బంది.. మిమ్మల్ని తొక్కలో కెప్టెన్ అన్నదానికి ఇప్పటికీ మేం డిజప్పాయింట్ అవుతున్నాం.. అలానే మీరు తనూజతో తగ్గించండి అంటూ లాస్య చెప్పింది. దీంతో బాలేదా నెగటివ్ వస్తుందా.. అని సుమన్ అడిగాడు. నెగెటివ్ కాదు తనే హైప్ ఉంటుంది.. తను ఎవరు హైప్‌లో ఉంటారో వాళ్లని మంచి చేసుకుంటుంది.. అందుకే చెప్తున్నా కొంచెం జాగ్రత్తగా ఉండండి.. నేను అంటున్నది మంచిగా మాట్లాడినా.. నమ్మకండి.. మీ మాటికి మీరు పని చేసుకోండి అంటూ క్లియర్‌గా చెప్పింది.

ఇక ఆ తర్వాత అందరి గురించి అడిగి తెలుసుకున్నాడు సుమన్. నా ఆట ఎలా ఉంది.. హౌస్ లో ఉన్నట్టుగానే ఇక్కడ ఉంటున్నాను కదా అని అడుగగా అవును నేచురల్ గా ఉ‌న్నావని లాస్య అంది. ఇక లాస్య వెళ్లేముందు తనతో డ్యాన్స్ చేశాడు సుమన్ శెట్టి. భార్య ఇచ్చిన టిప్స్ తో సుమన్ శెట్టి తన ఆటని మెరుగుపర్చుకొని టాప్ లో ఉంటాడా లేదా అనేది చూడాలి మరి.