English | Telugu
శ్రీముఖీ... ఇంతున్నావ్, నువ్ తగ్గు ముందు!
Updated : Jul 22, 2021
కామెడీలో బాడీ షేమింగ్ కూడా ఓ భాగమైంది. ముఖ్యంగా టీవీ షోల్లో కామెడీ కోసం ఎదుటివ్యక్తి బాడీని విమర్శించడం పరిపాటిగా మారింది. రీసెంట్గా 'జబర్దస్త్'లో వర్ష బ్లౌజ్ మీద ఇమ్మాన్యుయేల్ పంచ్ వేశాడు. ఇక, 'హైపర్' ఆది స్కిట్స్లో బాడీ షేమింగ్ను జనాలు పట్టించుకోవడం మానేసి నవ్వడం మొదలు పెట్టారని అనుకోవాలేమో. ఇప్పుడు టీవీలో ఇప్పుడిప్పుడే ఎదుగుతున్న సద్దాం వంతు వచ్చింది. శ్రీముఖి బరువును ఉద్దేశిస్తూ అతడు పంచ్ వేశాడు.
'స్టార్ మా' ఛానల్లో సీరియల్ ఆర్టిస్టులు అందరిచేత ఒక ప్రోగ్రామ్ చేశారు. అదే 'స్టార్ మా పరివార్ ఛాంపియన్షిప్'. ప్రేక్షకులు మెచ్చిన బుల్లితెర ఆర్టిస్టులు అందరూ ఒక్కచోట సందడి చేయనున్నారు. ఆ షో సండే ఆరు గంటలకు టెలికాస్ట్ కానుంది. ప్రేక్షకులకు ఎంజాయిమెంట్ మామూలుగా ఉండదని చెప్పే క్రమంలో 'తగ్గేదే లే' అని శ్రీముఖి చెప్పింది. ఏమాత్రం ఆలస్యం చేయకుండా 'ఇంత ఉన్నావ్. నువ్ తగ్గు ఫస్టు' అని సద్దాం పంచ్ వేశాడు. టీవీ షోల్లో ఇవన్నీ కామన్ కాబట్టి శ్రీముఖి లైట్ తీసుకున్నట్టు ఉంది.
రీసెంట్ గా రిలీజైన ప్రోమోలో హైలైట్ ఏంటంటే... 'డాక్టర్ బాబు మీరు తగ్గాలి. పెళ్లిళ్ల విషయంలో తగ్గాలి' అని శ్రీముఖి చెప్పింది. 'కార్తీక దీపం' సీరియల్ లో సంగతులను గుర్తు చేస్తూ! అందుకు 'తగ్గేదే లే' అని నిరుపమ్ పరిటాల జవాబు ఇచ్చాడు. 'తెలుసు తెలుసు... ఎన్ని అయినా తగ్గవ్' అని మరో ఆర్టిస్ట్ అనడం కొసమెరుపు.