ఆదివారం విత్ స్టార్ మా పరివారం ఈ ఆదివారం షో ఫుల్ జోష్ తో సాగింది. ఈ షోకి ఇల్లు, ఇల్లాలు, పిల్లలు సీరియల్ నుంచి రామరాజు ఫామిలీ, భద్రావతి ఫామిలీ వచ్చారు. ఇక రామరాజుకు సీరియల్ లో ముగ్గురు కొడుకులు ఉంటారు. చందు, సాగర్, ధీరజ్ వచ్చారు. ఐతే మీ పెద్దబ్బాయికి పెళ్లి ఎప్పుడు చేస్తారు..నేను ఉన్నా చూడండి...మా జంటను ఒకసారి ఎలా ఉంటామో చెప్పండి అనేసరికి రామరాజు చందుని, శ్రీముఖిని పక్కపక్కన పెట్టి పిన్ని పక్కన నిలబడినట్టు ఉంది పక్కకు రా అనేశాడు. దానికి శ్రీముఖి గట్టిగా నవ్వేసింది. తర్వాత సాగర్ దగ్గరకు వెళ్ళింది శ్రీముఖి. వెంటనే సాగర్ శ్రీముఖి కాళ్లకు దణ్ణం పెట్టేసరికి "అయ్యో నేను మీకంటే చిన్నదాన్ని" అనేసింది. తర్వాత సాగర్ తన వైఫ్ అంటూ చూపించాడు. వెంటనే శ్రీముఖి వాళ్లకు బ్లేసింగ్స్ ఇచ్చి రామరాజు గారిని తాతయ్యను చేయాలి అంటూ చెప్పింది. వెంటనే సాగర్ దగ్గరకు రామరాజు వచ్చి "వాడికి పెళ్లయ్యింది కానీ ఇంకేం జరగలేదు. చందు పెళ్ళైతే కానీ సాగర్ ఫస్ట్ నైట్ జరగదు" అంటూ చెప్పుకొచ్చాడు. వెంటనే శ్రీముఖి పెళ్ళైపోతుందిలే .. ఫస్ట్ నైట్ ప్రాప్తిరస్తూ అంటూ వాళ్ళను దీవించింది. ఇక ఈ సీరియల్ లో మెయిన్ లీడ్ చేస్తున్న ఆమని ఈ షోకి ఫస్ట్ టైం వచ్చింది.

ఇక శ్రీముఖి ఐతే "హే భద్రావతి రావే చూసుకుందాం" అంటూ గట్టిగా చిటికేసి మరీ పిలిచింది. తర్వాత భద్రావతి ఫామిలీ రానే వచ్చింది. అందులో విశ్వాని చూసి ఫుల్ జోక్స్ వేసింది శ్రీముఖి. విశ్వాకి షేక్ హ్యాండ్ ఇచ్చి త్వరలో పెళ్లి కావాలని కోరుకుంటున్నా ఇంతకు ఎలాంటి అమ్మాయి కావాలి అంటూ అడిగింది. దానికి ఆ విశ్వా ఐతే "నీలాంటి అమ్మాయి కావాలి" అంటూ శ్రీముఖిని చూపించేసరికి ఆమె తెగ సిగ్గుపడిపోయింది. అందరికీ "నేనే కావాలి" అంటూ తెగ ముచ్చటపడిపోయింది. తర్వాత రామరాజుని చూసిన శ్రీముఖి ఒక రిక్వెస్ట్ అంటూ "రామరాజు గారిలా గంభీరంగా కాకుండా ప్రభాకర్ గారిలా ఉంటే బాగుందనిపిస్తోంది" అనేసరికి "అలా ఐతే ఐ లవ్ యు శ్రీముఖి" అంటూ ప్రభాకర్ వెంటనే చెప్పేసాడు.