బుల్లితెర మీద జబర్దస్త్ రోహిణి పేరు తెలియని వారు లేరు. ముందు తెలుగు సీరియల్స్ ద్వారా ఎంట్రీ ఇచ్చిన రోహిణి.. బిగ్ బాస్, జబర్దస్త్ షోస్ ద్వారా మరింత దగ్గరయింది. లేడీ కమెడియన్ గా ఈమె మంచి పేరే తెచ్చుకుంది. వీటితో పాటు ఆమె నటనకు అవార్డులు కూడా వచ్చాయి. రౌడీ రోహిణి యూట్యూబ్ ఛానల్ ద్వారా ఫ్యాన్స్ ని ఎంగేజ్ చేస్తూ ఉంటుంది. రకరకాల వీడియోలతో ఆడియన్స్ ని ఎంటర్టైన్ చేస్తూ ఉండే ఈమె వీడియోస్ కి లక్షల్లో వ్యూస్ వస్తుంటాయి. 

లేటెస్ట్ గా ఆమె తన యూట్యూబ్ ఛానల్ లో ఒక వీడియోని అప్ లోడ్ చేసింది. అందులో ఆమె తన తండ్రికి ఒక సర్ప్రైజ్ ఇచ్చింది. అదేంటి అంటే వాళ్ళ నాన్నకు ఒక కొత్త బైక్ ని కొని పెట్టింది. వాళ్ళ నాన్నకు బైక్ అంటే చాలా ఇష్టం అని. బైక్ మీద  ఊరంతా తిరగాలని కోరిక ఉందని ఒకసారి మాటల సందర్భంలో చెప్పేసరికి ఇక రోహిణి తన తమ్ముడితో కలిసి షోరూంకి వెళ్లి.. హొండా షైన్ బైక్ ను కొన్నది రోహిణి. ఆ బైక్ ని చూసిన ఆమె తండ్రి చిన్న పిల్లాడిలా మారిపోయాడు. తన బంగారు తల్లి తనకు బైక్ కొనిపెట్టినందుకు ఎంతో ఎమోషనల్ అయ్యారు. 

ఆ తర్వాత ఆయన రోహిణి వాళ్ళ అమ్మను బైక్ మీద ఎక్కించుకుని అలా ఒక రౌండ్ వేసి వచ్చి తర్వాత రోహిణిని బైక్ మీద ఎక్కించుకుని తీసుకెళ్లారు. పిల్లల కోరికలు తల్లిదండ్రులు వద్దన్నా తీరుస్తారు అందుకే నేను మా నాన్న కోరిక తీర్చాను అంది రోహిణి.