ఐకాన్ స్టార్ అల్లు అర్జున్ న‌టించిన చిత్రం `పుష్ప ది రైజ్‌`. సుకుమార్ తెర‌కెక్కించిన ఈ మూవీ వర‌ల్డ్ వైడ్‌గా వ‌సూళ్ల వ‌ర్షం కురిపిస్తోంది. మ‌రీ ముఖ్యంగా హిందీ వెర్ష‌న్ ఉత్త‌రాదిలో వ‌సూళ్ల ప‌రంగా దుమ్ము దులిపేస్తోంది. ఊహించ‌ని స్థాయిలో ఆక్క‌డి ప్రేక్ష‌కులు `పుష్ప‌`కు బ్ర‌హ్మ‌ర‌థం ప‌డుతున్నారు. ఇక ఇందులో క్రేజీ స్టార్ స‌మంత చేసిన `ఊ అంటావా మావ ఊహూ అంటావా...` ఎంత పాపుల‌ర్ అయిందో అంద‌రికి తెలిసిందే. ఇప్పుడు ఈ పాట‌కు చిన్నాపెద్దా అంతా చిందులేస్తూ ర‌చ్చ చేస్తున్నారు. టీవీ ఆర్టిస్ట్ ల‌తో పాటు క్యారెక్ట‌ర్ ఆర్టిస్ట్ లు కూడా ఈ పాటకు డ్యాన్స్ చేస్తూ వైర‌ల్ అవుతున్నారు.

Also read: 'రావ‌ణాసుర‌'తో సెప్టెంబ‌ర్ నెల‌ క‌లిసొచ్చేనా!?

ఇటీవ‌ల బుల్లితెర సెన్సేష‌న్స్ ర‌ష్మి గౌత‌మ్‌, విష్ణు ప్రియ‌, యూట్యూబ్ స్టార్ అషురెడ్డి ఈ పాట‌ని రీక్రియేట్ చేసి ఓ రేంజ్ లో ర‌చ్చ చేసిన విష‌యం తెలిసిందే. ఈ విష‌యాన్ని మ‌ర్చిపోక ముందే క్యారెక్ట‌ర్ ఆర్టిస్ట్ ప్ర‌గ‌తి ఈ పాట‌కు చిందులేయ‌డం ఆస‌క్తిక‌రంగా మారింది. భాగ్య‌రాజా న‌టించిన `గౌర‌మ్మ నీ మొగుడెవ‌ర‌మ్మ‌` చిత్రంతో డేరింగ్‌ హీరోయిన్ పాపుల‌ర్ అయిన ప్ర‌గ‌తి గ‌త కొంత కాలంగా త‌ల్లి, అత్త పాత్ర‌లు చేస్తూ ఆక‌ట్టుకుంటున్నారు.

న‌టిగా బిజీగా వుంటున్నా టైమ్ దొరికితే వ‌ర్క‌వుట్ ల‌తో జిమ్ లో హ‌ల్ చ‌ల్ చేస్తున్నారామె. గ‌తంలో `మాస్ట‌ర్‌` టైటిల్ సాంగ్ కి జిమ్ లో చిందేసి ర‌చ్చ చేసిన ప్ర‌గ‌తి తాజాగా స‌మంత చేసిన `ఊ అంటావా మావ‌.. పాట‌కు అదిరిపోయే స్టెప్పులేసి షాకిచ్చింది. జిమ్ లో వ‌ర్క‌వుట్ లు చేస్తూ ఖాలీ స‌మ‌యం చిక్క‌డంతో `ఊ అంటావా.. పాట‌కు అదిరిపోయే స్టెప్పులేసి హంగామా చేసింది. ఇందుకు సంబంధించిన వీడియో ప్ర‌స్తుతం నెట్టింట సంద‌డి చేస్తోంది.