English | Telugu
వార్-2 ట్రైలర్.. షాక్ ఇవ్వబోతున్న ఎన్టీఆర్!
Updated : Jul 22, 2025
జూనియర్ ఎన్టీఆర్, హృతిక్ రోషన్ ప్రధాన పాత్రలు పోషిస్తున్న చిత్రం 'వార్-2'. యశ్ రాజ్ ఫిలిమ్స్ స్పై యూనివర్స్ లో భాగంగా 'వార్'కి సీక్వెల్ గా వస్తున్న ఈ సినిమాకి అయాన్ ముఖర్జీ దర్శకుడు. ఆగస్టు 14న ప్రేక్షకుల ముందుకు రానున్న ఈ యాక్షన్ థ్రిల్లర్ పై భారీ అంచనాలు ఉన్నాయి. అభిమానులు ఈ మూవీ ట్రైలర్ కోసం ఎంతగానో ఎదురుచూస్తున్నారు. తాజాగా మేకర్స్ ట్రైలర్ రిలీజ్ డేట్ ని అనౌన్స్ చేశారు. (War 2 Trailer)
బిగ్ స్టార్స్ ఎన్టీఆర్, హృతిక్ కలిసి నటిస్తున్న సినిమా కావడంతో 'వార్-2'పై అంచనాలు తారాస్థాయిలో ఉన్నాయి. అయితే ఎన్టీఆర్ పుట్టినరోజు సందర్భంగా మే నెలలో విడుదలైన టీజర్ ఆ అంచనాలను పూర్తిస్థాయిలో అందుకోలేకపోయింది. దీంతో అందరి దృష్టి ట్రైలర్ పై పడింది. వార్-2 ట్రైలర్ ను జూలై 25న విడుదల చేయనున్నట్లు తాజాగా నిర్మాతలు ప్రకటించారు. ట్రైలర్ కట్ అదిరిపోయిందని ఇన్ సైడ్ టాక్. 2 నిమిషాల 39 సెకన్ల నిడివితో కట్ చేసిన ఈ ట్రైలర్.. యాక్షన్ ప్రియులను కట్టిపడేస్తుందని అంటున్నారు. ముఖ్యంగా ట్రైలర్ లో ఎన్టీఆర్ సర్ ప్రైజ్ చేస్తాడని చెబుతున్నారు. అదే జరిగితే తెలుగునాట వార్-2 భారీ వసూళ్లు రాబడుతుంది అనడంలో సందేహం లేదు. తెలుగు రాష్ట్రాల్లో ఈ సినిమాని సితార ఎంటర్టైన్మెంట్స్ రిలీజ్ చేస్తోంది.