English | Telugu
సుహాస్ మూవీ షూటింగ్ లో ఘోర ప్రమాదం.. సముద్రంలో పడవ బోల్తా!
Updated : Oct 5, 2025
కోలీవుడ్ ప్రముఖ దర్శకుడు వెట్రిమారన్ 'మండాడి' (Mandaadi) అనే సినిమాని నిర్మిస్తున్న సంగతి తెలిసిందే. మతిమారన్ పుగళేంది దర్శకత్వం వహిస్తున్న ఈ సినిమాలో తమిళ నటుడు సూరి హీరోగా నటిస్తుండగా, తెలుగు నటుడు సుహాస్ విలన్ గా నటిస్తున్నాడు. తాజాగా ఈ మూవీ షూటింగ్ లో ప్రమాదం జరిగింది.
'మండాడి' సినిమాలోని కొన్ని కీలక సన్నివేశాలను చెన్నై సముద్రతీరంలో షూట్ చేస్తుండగా.. సాంకేతిక నిపుణులు ఉన్న పడవ ఒక్కసారిగా బోల్తా పడింది. దీంతో ఇద్దరు వ్యక్తులతో పాటు కెమెరాలు నీట మునిగాయి. సముద్రంలో పడిపోయిన ఇద్దరిని సినిమా యూనిట్ కాపాడింది. కెమెరాలు, ఇతర సామాగ్రి మాత్రం కొట్టుకుపోయాయి. వీటి విలువ కోటి రూపాయలు ఉంటుందని సమాచారం. ఆస్తి నష్టం జరిగినప్పటికీ, ప్రాణ నష్టం జరగకపోవడంతో మూవీ టీమ్ ఊపిరి పీల్చుకుంది.