పాలక్ పకోడీ 

కావలసినవి:
పాలకూర - ఐదు కట్టలు 
శనగపిండి - మూడు కప్పులు 
కారం - ఒక స్పూను 
వంట సోడా - చిటికెడు
పసుపు - కొద్దిగా  
ఉల్లిపాయలు - నాలుగు 
పచ్చిమిర్చి - మూడు
ఉప్పు, నూనె - తగినంత 

తయారుచేసే విధానం:
1. ముందుగా పాలకూర కాడలను వలిచి ఆ తరువాత కట్టలను విడదీసి నీళ్ళలో బాగా కడిగి సన్నగా తరిగి పక్కన పెట్టుకోవాలి. 
2.ఇప్పుడు శనగపిండిని ఒక వెడల్పుగా ఉన్న గిన్నెలో జల్లించి దానికి తగినంత ఉప్పు, కారం, పసుపు, తరిగిన ఉల్లిపాయ ముక్కలు, పచ్చిమిర్చి, వంట సోడా కలపాలి.
3. ఈ మిశ్రమాన్ని నీళ్ళతో బజ్జీల పిండిలా కలపాలి.
4. ఆ తరువాత తరిగి వుంచిన పాలకూరను కూడా అందులో వేసి కలుపుకోవాలి.
5. ఇప్పుడు స్టౌ వెలిగించి పాన్‌లో నూనె పోసి కాగాక అందులో పాలకూర మిశ్రమాన్ని చేతితో నలుపుతూ వేసి ఎర్రగా వేయించుకోవాలి. అంతే ఎంతో రుచికరమైన పాలక్ పకోడీ రెడీ.