బూందీ పెరుగు మిక్స్

 కావలసినవి:
బూందీ - ఒక కప్పు 
పెరుగు - రెండు కప్పులు 
జీలకర్ర - ఒక స్పూను 
కారం - ఒక స్పూను 
ఉప్పు - తగినంత 
కొత్తిమీర - కొద్దిగా 

తయారుచేసే విధానం:
* ముందుగా పెరుగును ఒక గిన్నెలో పోసి, బాగా చిలికి తగినంత ఉప్పు కలిపి విడిగా పక్కన పెట్టుకోవాలి. 
* తరువాత బూందీని నీటిలో వేసి, కొంచెం నానిన వెంటనే తీసి, చిలికిన పెరుగులో కలపాలి. 
* ఇప్పుడు ఈ పెరుగును, బూందీ మిశ్రమాన్ని ఒక డిష్ లో వెయ్యాలి. 
* తరువాత దానిలో జీలకర్ర కారం వేసి కలపాలి. చివరికి  కొత్తిమీర జల్లుకోవాలి. అంతే బూందీ పెరుగు మిక్స్ సిద్దం. 

* ఈ రుచికరమైన బూందీ పెరుగు మిక్స్‌ని సాయంత్రం పూట పిల్లలకు చేసి పెడితే ఇష్టంగా తింటారు.