క్రీం క్యారెట్ సూప్

కావలసిన పదార్థములు:

క్యారెట్                   : 1/4 కిలో
క్రీం                        : 1/4 కప్పు
వెన్న                     : ఒక చెంచా
ఉల్లిపాయలు            : రెండు
వెజ్ స్టాక్                 : 2 కప్పులు
ఉప్పు                     : కొంచెం
మిరియాలపొడి         : ఒక స్పూను

తయారుచేయు విధానం:

* ముందుగా క్యారెట్ చెక్కుతీసి సన్నగా ముక్కలు చేసుకోవాలి. పొయ్యి వెలిగించి బాండీ పెట్టి దాంట్లో వెన్న వేసి కాగిన తరువాత క్యారెట్ ముక్కలు వేసి సన్నని సెగ మీద వేగనివ్వాలి.

* మాడకుండా వేపిన తరువాత నీరు లేక వెజ్ స్టాక్ పోసి నీళ్ళు మరుగుతున్నప్పుడు సన్నని మంట మీద ఉంచి ముక్కలను ఉడకనివ్వాలి. ఉడికిన తరువాత దించి, చల్లారిన తరువాత మిక్సీ వేయాలి.

* బాండీలో కొంచెం వెన్న వేసి దాంట్లో ఉల్లిముక్కలు, క్యారెట్ మిక్సీ పట్టినది వేసి వేగిన తరువాత దానిని వెజ్‌స్టాక్‌లో కలపాలి

* ఈ మిశ్రమానికి క్రీం, కొద్దిగా ఉప్ఫు, మిరియాలపొడి కూడా కలిపి సర్వ్ చెయ్యాలి.