LATEST NEWS
బంగారం ప్రియులకు ఇది నిజంగానే ఊరటనిచ్చే శుభవార్త అని చెప్పవచ్చు. గత కొంతకాలంగా చుక్కలను తాకిన పసిడి ధరలు ఇప్పుడు భారీగా పడిపోతున్నాయి. మార్కెట్‌లో ఊహించని విధంగా నెలకొన్న పరిణామాల కారణంగా బంగారం ధరలు ఏడు నెలల కనిష్ట స్థాయికి దిగివచ్చాయి. ఒక్కసారిగా రేట్లు తగ్గడంతో కొనుగోలుదారులు ఊపిరి పీల్చుకుంటున్నారు. ముఖ్యంగా కేవలం మూడు రోజుల వ్యవధిలోనే బంగారం ధర ఏకంగా రూ.6,536 వరకు తగ్గిపోవడం మార్కెట్ వర్గాలను సైతం విస్మయానికి గురిచేసింది.  అంతర్జాతీయ మార్కెట్లలో చోటుచేసుకున్న పరిణామాలు, రూపాయి మారకం విలువలో మార్పులు  డిమాండ్ తగ్గడం వంటి పలు కారణాల వల్ల ఈ ధరల పతనం నమోదైంది. గత కొన్ని వారాల క్రితం వరకు లక్షా నలభై వేలకు పైగా పలికిన పసిడి ధర, ఇప్పుడు ఏడు నెలల తర్వాత తొలిసారిగా ఒక లక్ష 36 వేల మార్క్‌ దిగువకు పడిపోవడం గమనార్హం.మార్కెట్ నిపుణుల అంచనాల ప్రకారం, గత మూడు రోజులుగా దేశీయ బులియన్ మార్కెట్‌లో పసిడి వరుసగా నష్టాలను చవిచూస్తోంది.  ఇది కూడా చదవండి: భారత్ సమ్మిట్‌తో తెలంగాణ బ్రాండ్‌ను ప్రపంచానికి చాటుతాం: సీఎం రేవంత్ రెడ్డి కేవలం ఒక్కరోజులోనే రూ.2,200 మేర ధర పడిపోవడం పసిడి ప్రియులకు పెద్ద ఊరటనిచ్చింది. పెళ్లిళ్ల సీజన్ సమీపిస్తున్న తరుణంలో ధరలు ఇలా ఒక్కసారిగా పడిపోవడం సామాన్య, మధ్యతరగతి ప్రజలకు షాపింగ్ చేయడానికి సువర్ణావకాశంగా మారింది. అంతర్జాతీయ ఆర్థిక పరిస్థితులు, స్టాక్ మార్కెట్లలో వస్తున్న మార్పులు, అలాగే ఇన్వెస్టర్లు ప్రాఫిట్ బుకింగ్ చేసుకోవడం వంటివే ఈ ధరల పతనానికి ప్రధాన కారణాలుగా విశ్లేషకులు భావిస్తున్నారు. ఏదేమైనా గరిష్ట స్థాయిల నుంచి పసిడి ధరలు భారీగా దిగిరావడం వల్ల కొనుగోళ్లకు మళ్లీ డిమాండ్ పెరిగే అవకాశం స్పష్టంగా కనిపిస్తోంది. ఈ భారీ ధరల తగ్గుదల నేపథ్యంలో నగల దుకాణాలు, జ్యువెల్లరీ షోరూమ్‌లలో మళ్లీ సందడి మొదలయ్యే సూచనలు కనిపిస్తున్నాయి. గతంలో ధరలు భగ్గుమంటడంతో కొనుగోలు చేయడానికి వెనుకాడిన వారు, ఇప్పుడు తక్కువ ధరకే బంగారం లభిస్తుండటంతో షాపింగ్‌పై దృష్టి సారిస్తున్నారు. అయితే రాబోయే రోజుల్లో బంగారం ధరలు ఇదే ట్రెండ్‌ను కొనసాగిస్తాయా లేక మళ్లీ పుంజుకుంటాయా అనేది చూడాలి. ప్రస్తుతానికి మాత్రం ఏడు నెలల కనిష్ట స్థాయికి పడిపోయిన పసిడి ధరలు వినియోగదారులకు భారీ ఊరటను ఇస్తూ పండగ వాతావరణాన్ని తలపిస్తున్నాయి. బంగారం కొనాలనుకునే వారికి ఇది సరైన సమయమని నిపుణులు అభిప్రాయపడుతున్నారు. మీకు నచ్చవచ్చు: ఒక్క నగ్న ఫొటో కోసం దేశ భద్రతను తాకట్టు పెట్టిన ఐఏఎఫ్ అధికారి.! మీకు నచ్చవచ్చు: అస్సాంలో ఘోర రోడ్డు ప్రమాదం.. 23 మంది దుర్మరణం.!     [ gold price fall, gold rate drop today, gold falls below 136k, bullion market news, gold price in telangana, gold drop 7 months low ]   
తెలంగాణను ప్రపంచ పెట్టుబడులకు అనుకూలమైన రాష్ట్రంగా నిలబెట్టడమే లక్ష్యంగా ప్రభుత్వం ముందుకు సాగుతోందని ముఖ్యమంత్రి రేవంత్ రెడ్డి అన్నారు. నవంబర్ 13, 14 తేదీల్లో నిర్వహిస్తున్న భారత్ సమ్మిట్‌కు 70 దేశాల నుంచి వెయ్యి మంది ప్రతినిధులు హాజరవుతున్నారని తెలిపారు. వివిధ రంగాలకు చెందిన ప్రముఖులను ఈ సదస్సుకు ఆహ్వానించామని, హైదరాబాద్ నగరాన్ని ప్రత్యక్షంగా సందర్శించి రాష్ట్ర పారిశ్రామిక విధానాలను తెలుసుకునే అవకాశం కల్పించడమే సమ్మిట్ ఉద్దేశమని వెల్లడించారు. డిసెంబర్ 7, 8, 9 తేదీల్లో ఇన్వెస్ట్ తెలంగాణ గ్లోబల్ సమ్మిట్ నిర్వహించనున్నట్లు సీఎం తెలిపారు. ఇందులో భాగంగా ఇప్పటికే ఢిల్లీలో కర్టెన్ రైజర్ కార్యక్రమం నిర్వహించామని, త్వరలో ముంబై, అహ్మదాబాద్‌లోనూ కార్యక్రమాలు చేపట్టనున్నట్లు చెప్పారు. పెట్టుబడులను ఆకర్షించి 2034 నాటికి ఒక ట్రిలియన్ డాలర్ల ఆర్థిక వ్యవస్థగా, 2047 నాటికి మూడు ట్రిలియన్ డాలర్ల ఆర్థిక వ్యవస్థగా తెలంగాణను తీర్చిదిద్దడమే ప్రభుత్వ లక్ష్యమన్నారు. తెలంగాణ ప్రజలకు మేలు చేసే ప్రతి నిర్ణయాన్నీ బీజేపీ, బీఆర్ఎస్ వ్యతిరేకిస్తున్నాయని రేవంత్ రెడ్డి విమర్శించారు. మూసీ ప్రక్షాళన, మెట్రో విస్తరణ, రీజినల్ రింగ్ రోడ్డు, తుమ్మిడిహట్టి ప్రాజెక్టుల విషయంలోనూ ఇదే వైఖరి ప్రదర్శిస్తున్నాయని మండిపడ్డారు. వారు వ్యతిరేకిస్తున్నది కాంగ్రెస్ పార్టీని కాదని, తెలంగాణ ప్రజల ప్రయోజనాలను దెబ్బతీస్తున్నారని వ్యాఖ్యానించారు. కిషన్ రెడ్డి, రాంచందర్ రావు, కేటీఆర్ ప్రజలను తప్పుదోవ పట్టించే ప్రయత్నం చేస్తున్నారని ఆరోపించారు. మరోవైపు గిగ్ వర్కర్ల సంక్షేమం కోసం రాష్ట్ర ప్రభుత్వం ప్రత్యేక చర్యలు చేపడుతోందని సీఎం వెల్లడించారు. గిగ్ వర్కర్ల చట్టాన్ని రేపటి నుంచి అమలు చేయబోతున్నామని, రాహుల్ గాంధీ చేతుల మీదుగా గిగ్ వర్కర్ల పాలసీని ప్రారంభించనున్నట్లు తెలిపారు. భారత్ సమ్మిట్ ముగింపు సందేశం ఇచ్చేందుకు రాహుల్ గాంధీ హైదరాబాద్‌కు వస్తున్నారని చెప్పారు. రాహుల్ గాంధీ తెలంగాణ పర్యటనపై బీజేపీ చేస్తున్న విమర్శలను రేవంత్ రెడ్డి తప్పుబట్టారు. ప్రధాని మోదీ విదేశాలకు వెళ్లి ప్రసంగాలు చేసినప్పుడు స్వాగతించే బీజేపీ.. రాహుల్ గాంధీ తెలంగాణకు వస్తే ఎందుకు విమర్శిస్తోందని ప్రశ్నించారు. ఢిల్లీలో గ్లోబల్ సమ్మిట్ కర్టెన్ రైజర్ కార్యక్రమానికి పీయూష్ గోయల్ హాజరైతే స్వాగతించారని, మరి భారత్ సమ్మిట్‌కు రాహుల్ గాంధీ వస్తే అభ్యంతరాలెందుకని నిలదీశారు. బీజేపీ వైఖరి నియంతృత్వ ధోరణికి నిదర్శనమని సీఎం విమర్శించారు. ప్రజాస్వామ్యంలో అందరి అభిప్రాయాలకూ ప్రాధాన్యత ఉంటుందని, ప్రపంచ శాంతి కోసం చర్చలు జరగాల్సిన అవసరం ఉందని పేర్కొన్నారు. భారత్ సమ్మిట్‌కు హాజరయ్యే ప్రతి అతిథి తెలంగాణకు బ్రాండ్ అంబాసిడర్‌గా మారుతారని ఆశాభావం వ్యక్తం చేశారు. రాహుల్ గాంధీ బీజేపీని ఓడించి దేశానికి ప్రధాని అవుతారనే భయంతోనే ఆ పార్టీ నేతలు ఆయన పర్యటనను వ్యతిరేకిస్తున్నారని రేవంత్ రెడ్డి వ్యాఖ్యానించారు. బీజేపీ నేతలు ఇప్పటికైనా విజ్ఞత ప్రదర్శించాలని, తమ రాజకీయాలను తెలంగాణ ప్రజలపై రుద్దవద్దని హితవు పలికారు. తెలంగాణపై విషం చిమ్మడం మానుకోవాలని ఘాటుగా వ్యాఖ్యానించారు. మీకు నచ్చవచ్చు: ఒక్క నగ్న ఫొటో కోసం దేశ భద్రతను తాకట్టు పెట్టిన ఐఏఎఫ్ అధికారి.! మీకు నచ్చవచ్చు: అస్సాంలో ఘోర రోడ్డు ప్రమాదం.. 23 మంది దుర్మరణం.!   [ Telangana Global Summit 2026, CM Revanth Reddy, Invest Telangana, Telangana Investments, Rahul Gandhi, BJP, BRS, Kishan Reddy, KTR, Gig Workers Policy, Gig Workers Act ]
హానీట్రాప్ ఉచ్చులో పడిన వాయుసేన అధికారి.. షాకింగ్ నిజాలు వెల్లడించిన ఛార్జ్‌షీట్.! దేశాన్ని కాపాడాల్సిన బాధ్యత భుజాలపై ఉన్న ఓ ఉన్నతాధికారి.. చివరకు శత్రు దేశం పన్నిన హనీట్రాప్‌లో చిక్కుకున్నాడనే ఆరోపణలు ఇప్పుడు కలకలం రేపుతున్నాయి. దేశ సరిహద్దుల్లో శత్రువుల కదలికలను పసిగట్టాల్సిన వ్యక్తే.. తన వ్యక్తిగత బలహీనత కారణంగా దేశ భద్రతకు సంబంధించిన కీలక సమాచారాన్ని శత్రువులకు చేరవేశాడనే ఆరోపణలు తీవ్ర ఆందోళన కలిగిస్తున్నాయి. భారత వాయుసేనకు చెందిన ఓ వింగ్ కమాండర్ ఉదంతం ఇప్పుడు రక్షణ వర్గాల్లో చర్చనీయాంశంగా మారింది. సోషల్ మీడియాలో పరిచయం.. హనీట్రాప్‌లోకి అడుగు! దర్యాప్తు వివరాల ప్రకారం.. సున్నితమైన బాధ్యతలు నిర్వహిస్తున్న వింగ్ కమాండర్‌ను లక్ష్యంగా చేసుకున్న పాకిస్థాన్ గూఢచారులు సోషల్ మీడియా వేదికగా వల పన్నారు. కల్పిత గుర్తింపుతో ఓ మహిళ ఆయనకు పరిచయమైంది. మొదట సాధారణంగా సాగిన పరిచయం.. ఆ తర్వాత వ్యక్తిగత సంభాషణలకు దారితీసింది. ఆకర్షణీయమైన ఫొటోలు పంపుతూ ఆయనకు మరింత దగ్గరైనట్లు దర్యాప్తులో వెల్లడైంది. అలా మొదలైన పరిచయం క్రమంగా దేశ భద్రతకు ముప్పుగా మారిందనే ఆరోపణలు ఉన్నాయి. ఒక్కో నగ్న ఫొటోకు బదులుగా సైనిక రహస్య సమాచారం ఇచ్చేలా బేరం సాగినట్లు ఛార్జ్‌షీట్‌లో పేర్కొన్నట్లు సమాచారం. వ్యక్తిగత ఆకర్షణకు లొంగిపోయిన అధికారి.. తనకు అప్పగించిన అత్యంత కీలక బాధ్యతలను విస్మరించాడనే ఆరోపణలు సంచలనం సృష్టిస్తున్నాయి. యుద్ధ విమానాల మోహరింపు నుంచి డ్రోన్ల రహస్యాల వరకు.! ఈ వ్యవహారంలో బయటపడినట్లు చెబుతున్న సమాచారం మరింత ఆందోళన కలిగిస్తోంది. లెహ్ ప్రాంతంలో యుద్ధ విమానాల మోహరింపు, సూరత్‌గఢ్‌లో సైనిక విన్యాసాలకు సంబంధించిన రహస్య పత్రాలు శత్రువుల చేతికి చేరినట్లు దర్యాప్తులో వెల్లడైందని సమాచారం. అంతేకాదు.. భారతదేశానికి చెందిన అత్యాధునిక డ్రోన్ల సామర్థ్యాలు, రహస్య సైనిక యూనిట్లకు సంబంధించిన వివరాలు కూడా లీక్ అయినట్లు ఆరోపణలు ఉన్నాయి. దేశ రక్షణకు సంబంధించిన వ్యూహాలు, సైనిక బలగాల కదలికలు, అత్యాధునిక ఆయుధ వ్యవస్థల వివరాలు శత్రువులకు చేరితే ఎలాంటి పరిణామాలు ఎదురవుతాయో ఊహించడమే భయంకరం. సరిహద్దుల్లో సైనికులు ప్రాణాలను పణంగా పెట్టి దేశాన్ని కాపాడుతుంటే.. కీలక బాధ్యతల్లో ఉన్న వ్యక్తి నుంచి ఇలాంటి సమాచారం బయటకు వెళ్లిందనే ఆరోపణలు తీవ్ర కలకలం రేపుతున్నాయి. నిబంధనలు ఉల్లంఘించి స్మార్ట్‌ఫోన్ వినియోగం.! సైనిక కార్యాలయాల్లో స్మార్ట్‌ఫోన్ల వినియోగంపై కఠినమైన నిబంధనలు ఉంటాయి. అయినప్పటికీ వాటిని ఉల్లంఘించి స్మార్ట్‌ఫోన్ ద్వారా సమాచార మార్పిడి జరిగినట్లు భద్రతా విభాగాలు గుర్తించినట్లు తెలుస్తోంది. అనుమానాస్పద కార్యకలాపాలపై ఉన్నతాధికారులు దృష్టి సారించడంతో అంతర్గత విచారణ ప్రారంభమైంది. ఆ విచారణలోనే హనీట్రాప్ వ్యవహారం, రహస్య సమాచార లీకేజీ ఆరోపణలు వెలుగులోకి వచ్చినట్లు సమాచారం. అధికారిక రహస్యాల చట్టం కింద కేసు.. కోర్టుకు ఛార్జ్‌షీట్.! ఈ వ్యవహారాన్ని తీవ్రంగా పరిగణించిన భద్రతా సంస్థలు సదరు అధికారిని అదుపులోకి తీసుకున్నాయి. అధికారిక రహస్యాల చట్టం (Official Secrets Act) కింద కేసు నమోదు చేసి దర్యాప్తు చేపట్టాయి. విచారణ అనంతరం న్యాయస్థానంలో ఛార్జ్‌షీట్ దాఖలు చేసినట్లు సమాచారం. అందులో హనీట్రాప్, రహస్య సమాచార మార్పిడి, సైనిక వివరాల లీకేజీకి సంబంధించిన కీలక అంశాలను పొందుపరిచినట్లు తెలుస్తోంది. ఒక్క బలహీనత.. దేశ భద్రతకు పెను ముప్పు.! ఈ ఉదంతం కేవలం ఓ అధికారి వ్యక్తిగత వ్యవహారం మాత్రమే కాదు. దేశ రక్షణ వ్యవస్థలో పనిచేసే ప్రతి ఒక్కరికీ ఇది తీవ్రమైన హెచ్చరిక. శత్రు దేశాలు యుద్ధరంగంలోనే కాదు.. సోషల్ మీడియా, వ్యక్తిగత పరిచయాలు, డిజిటల్ వేదికలను కూడా గూఢచర్యానికి ఆయుధాలుగా ఉపయోగిస్తున్నాయి. ఒక్క క్షణం అప్రమత్తత కోల్పోయినా.. ఒక్క వ్యక్తిగత బలహీనతకు లొంగిపోయినా దాని ప్రభావం దేశ భద్రతపై పడే ప్రమాదం ఉంది. సరిహద్దుల్లో తుపాకీ పట్టుకుని పోరాడటమే దేశభక్తి కాదు.. దేశ రహస్యాలను కాపాడటం కూడా అంతే ముఖ్యమైన బాధ్యత. ఈ హనీట్రాప్ ఉదంతం చెబుతున్న చేదు నిజం ఇదే.! మీకు నచ్చవచ్చు: అస్సాంలో ఘోర రోడ్డు ప్రమాదం.. 23 మంది దుర్మరణం.! మీకు నచ్చవచ్చు: నా ఫోన్ ట్యాప్ చేస్తున్నారు.. మోదీకి అన్నీ తెలుసు: రాహుల్ గాంధీ షాకింగ్ కామెంట్స్.!   [ IAF Officer Honeytrap, Pakistani Spy, Wing Commander Arrested, Official Secrets Act, Indian Air Force News ]
మినీ బస్‌ను ఢీకొన్న ట్రక్కు.. 23 మంది మృతి.! అస్సాంలో జరిగిన ఒక అత్యంత విషాదకరమైన రోడ్డు ప్రమాదం యావత్ రాష్ట్రాల్ని దిగ్భ్రాంతికి గురిచేసింది. జాతీయ రహదారిపై అతివేగంగా దూసుకొచ్చిన భారీ కంటెయినర్ ట్రక్కు అదుపుతప్పి ఒక ప్రయాణికుల మినీ బస్‌ను బలంగా ఢీకొట్టింది. ఈ ఘటనలో బస్సులో ప్రయాణిస్తున్న ప్రయాణికులు తీవ్ర గాయాలపాలై ఘటనా స్థలంలోనే ప్రాణాలు కోల్పోయారు. ఈ ఘోర దుర్ఘటన అస్సాంలోని ప్రసిద్ధ కాజిరంగా నేషనల్ పార్క్ సమీపంలో చోటుచేసుకుంది. కొహోరా పరిధిలోని రంగాజన్ ప్రాంతంలో ఉన్న హాతిఖులి టీ ఎస్టేట్ సమీపంలో నేషనల్ హైవే-715పై ఈ ప్రమాదం సంభవించింది. బోకాఖత్ నుండి నాగావ్ వైపు వెళ్తున్న మినీ బస్సును ఎదురుగా వస్తున్న కంటెయినర్ ట్రక్కు బలంగా ఢీకొట్టింది. ఈ భీకర ప్రమాద తాకిడికి మినీ బస్సు నుజ్జునుజ్జయింది. బస్సులో ప్రయాణిస్తున్న అనేక మంది ప్రయాణికులు ఛిన్నాభిన్నమైన వాహన భాగాల మధ్య ఇరుక్కుపోయారు. ప్రయాణికుల ఆర్తనాదాలతో ఆ ప్రాంతం మార్మోగింది. సమాచారం అందుకున్న వెంటనే స్థానిక ప్రజలు, రెస్క్యూ సిబ్బంది, పోలీసులు అక్కడికి చేరుకుని సహాయక చర్యలు చేపట్టారు. ఈ దుర్ఘటనలో ప్రాణాలు కోల్పోయిన వారిలో పలువురు కళాశాల విద్యార్థులు ఉన్నట్లు తెలుస్తోంది. తరగతులు ముగించుకుని లేదా ఇతర పనుల నిమిత్తం ప్రయాణిస్తున్న సమయంలో ఈ మృత్యువు కబళించింది. తీవ్రంగా గాయపడిన క్షతగాత్రులను వెంటనే సమీపంలోని కొహోరా మోడల్ ఆసుపత్రికి తరలించారు. పరిస్థితి విషమంగా ఉన్నవారిని మెరుగైన వైద్యం కోసం జోర్హాట్ మెడికల్ కాలేజీ ఆసుపత్రికి రిఫర్ చేశారు. ప్రమాద తీవ్రత దృష్ట్యా మృతుల సంఖ్య మరింత పెరిగే అవకాశం ఉందని అధికార వర్గాలు వెల్లడించాయి. ఘటనా స్థలంలో సహాయక చర్యలు ముమ్మరంగా కొనసాగుతున్నాయి. కబళించబడిన వాహనంలో చిక్కుకున్న మృతదేహాలను బయటకు తీయడానికి రెస్క్యూ బృందాలు తీవ్రంగా శ్రమిస్తున్నాయి. గోలాఘాట్ సీనియర్ సూపరింటెండెంట్ ఆఫ్ పోలీస్ స్వప్ననీల్ దేకా మాట్లాడుతూ, ప్రాథమిక సమాచారం ప్రకారం ఈ ప్రమాదంలో 23 మంది ప్రాణాలు కోల్పోయినట్లు ధృవీకరించారు. ఈ కఠినమైన రోడ్డు ప్రమాదంపై స్థానికులు తీవ్ర దిగ్భ్రాంతి వ్యక్తం చేస్తున్నారు. జాతీయ రహదారులపై భారీ వాహనాల అతివేగం, నిబంధనల ఉల్లంఘనపై ప్రయాణికులు, ప్రజా సంఘాలు తీవ్ర ఆందోళన వ్యక్తం చేస్తున్నాయి. ఇలాంటి ఘోరాలు పునరావృతం కాకుండా రవాణా శాఖ అధికారులు, పోలీసులు తక్షణమే కఠిన చర్యలు తీసుకోవాలని డిమాండ్ చేస్తున్నారు. నిరంతరం రద్దీగా ఉండే ప్రాంతాల్లో వేగ నియంత్రణ చర్యలను కఠినతరం చేయాలని, భారీ వాహనాల రాకపోకలపై నిఘా పెంచాలని ప్రజలు కోరుతున్నారు. ఈ దారుణ ఘటన స్థానిక కుటుంబాల్లో తీవ్ర విషాదాన్ని నింపగా, అస్సాం వ్యాప్తంగా ఈ వార్త కలకలం రేపింది.     [ Kaziranga road accident, Assam accident, mini bus truck collision, Kohora road crash, Assam news updates]  
రాష్ట్రంలో 25 పారిశ్రామిక ఎకోసిస్టమ్ లను అభివృద్ధి చేస్తాం: లోకేష్   ఇంటికో పారిశ్రామికవేత్తను తయారుచేయడమే ఏపీ లక్ష్యమని విద్య, ఐటీ శాఖల మంత్రి లోకేష్ పేర్కొన్నారు. సీఐఐ భాగస్వామ్య సదస్సులో భాగంగా రాష్ట్రంలోని ఆవిష్కరణలు, స్టార్టప్‌ల సామర్థ్యాన్ని ప్రదర్శించేందుకు రతన్ టాటా ఇన్నోవేషన్ హబ్ (RTIH) ఆధ్వర్యంలో నిర్వహించిన ఆంధ్రప్రదేశ్ స్టార్టప్ ఎక్స్ఛేంజ్ (APEX) కార్యక్రమంలో మంత్రి లోకేష్ పాల్గొన్నారు.  ఈ సందర్భంగా రాష్ట్రానికి చెందిన 6 ప్రతిభావంతమైన స్టార్టప్ ల నిర్వాహకులను అభినందించి, ప్రత్యేక జ్ఞాపికతో ఘనంగా సత్కరించారు. అనంతరం రాష్ట్రానికి చెందిన 31 స్టార్టప్ లకు తొలిసారిగా ఆంధ్రప్రదేశ్ స్టార్టప్ అండ్ ఇన్నోవేషన్ పాలసీ-2024 కింద తొలి విడతగా రూ.2.11 కోట్ల ఆర్థిక సహాయాన్ని మంత్రి లోకేష్ చేతుల మీదుగా అందించారు. ఈ ఆర్థిక సాయానికి సంబంధించిన అప్రూవల్ లెటర్స్, చెక్కులను ఆయా స్టార్టప్ సంస్థలకు అందజేశారు. రాష్ట్రంలో 25 పారిశ్రామిక ఎకోసిస్టమ్ ల అభివృద్ధి.! ఈ సందర్భంగా మంత్రి మాట్లాడుతూ..  రాష్ట్రంలో 25 విభిన్న పారిశ్రామిక ఎకోసిస్టమ్‌లను అభివృద్ధి చేస్తున్నాం. సిమెంట్ వంటి సంప్రదాయ రంగాల నుంచి క్వాంటం టెక్నాలజీ వంటి అత్యాధునిక రంగాల వరకు ఈ ఎకోసిస్టమ్‌లను నిర్మిస్తున్నాం. ఎంఎస్ఎంఈ ఎగ్జిబిషన్ ను సందర్శించినప్పుడు అక్కడ ఎన్నో అద్భుతమైన విజయగాథలు విన్నాను. అవి ఎంతో స్ఫూర్తినిస్తాయి.  ముఖ్యంగా క్వాంటం కంప్యూటింగ్‌కు అవసరమైన విడిభాగాల తయారీ వైపు కొన్ని కంపెనీలు తమ వ్యాపారాలను మలచుకోవడం ఎంతో స్ఫూర్తిదాయకంగా ఉంది. ఏపీలో క్వాంటం ఎకోసిస్టమ్‌ను కూడా అభివృద్ధి చేస్తున్నాం. సిమెంట్, స్టీల్, రెన్యూవబుల్ ఎనర్జీ, ఇంగాట్, సోలార్, వేఫర్, సెల్ తయారీ, ఎయిర్ కండిషనింగ్, ఆక్వా, క్వాంటం, మెడికల్ డివైజెస్, ఫార్మా, డేటా ఎకోసిస్టమ్ వంటి మొత్తం 25 రంగాలకు సంబంధించిన ఎకోసిస్టమ్‌లను అభివృద్ధి చేస్తున్నామని లోకేష్ తెలిపారు. ప్రతి ఎకోసిస్టమ్‌లో వర్టికల్, హారిజాంటల్ ఇంటిగ్రేషన్ ఉంటుంది. ఒక మొబైల్ ఫోన్ తయారు కావాలంటే అనేక విడిభాగాలు ఒకచోట కలవాలి. బ్యాటరీ, కెమెరా మాడ్యూల్, కెమెరా లెన్స్, స్క్రీన్, ఇతర ఉపకరణాలు, ప్యాకేజింగ్, టెస్టింగ్ ఇలా అన్ని విభాగాలు సమన్వయంతో పనిచేయాలి. ఈ మొత్తం సరఫరా వ్యవస్థ, తయారీ ప్రక్రియ దాదాపు 100 కిలోమీటర్ల పరిధిలోనే అందుబాటులో ఉండాలి. ఇదే లక్ష్యంతో రాష్ట్ర ప్రభుత్వం ప్రస్తుతం పనిచేస్తోంది. నైపుణ్యాభివృద్ధికి కూడా అధిక ప్రాధాన్యత ఇస్తున్నామని మంత్రి పేర్కొన్నారు. ఇది కూడా చదవండి: ఖాకీ వెనుక ఓ సామాజిక యోధుడు..హైదరాబాద్ కొత్త సీపీ మహేష్ భగవత్ ప్రస్థానం.! రాష్ట్రంలో రేర్ ఎర్త్ మినరల్స్ అందుబాటులో ఉన్నాయి. బీచ్ శాండ్ నుంచి వీటి తవ్వకాలు త్వరలో ప్రారంభం కానున్నాయి. ఈ నేపథ్యంలో ప్రపంచస్థాయి విద్యాసంస్థలతో కలిసి ఒక సెంటర్ ఆఫ్ ఎక్సలెన్స్ ఏర్పాటు చేయడానికి, దానికి అనుగుణంగా ప్రత్యేక కరిక్యులమ్ రూపొందించడానికి కృషి చేస్తున్నాం. స్మాల్ మాడ్యులర్ రియాక్టర్స్ (SMR) రంగంలో కూడా మన దేశానికే కాకుండా ప్రపంచవ్యాప్తంగా అవసరమైన ఇంజనీర్లను తయారు చేయాల్సిన అవసరం ఉంది.  రతన్ టాటా గారు అందరికీ స్ఫూర్తి.! రతన్ టాటా గారు మనందరికీ నిజమైన స్ఫూర్తి. ఆయన నాయకత్వం మనందరినీ ప్రేరేపిస్తుంది. మనం మరింత ఉన్నత విజయాలు సాధించే దిశగా ముందుకు సాగుతున్నప్పుడు నైతిక విలువలు, నిజాయతీతో కూడిన మార్గదర్శకత్వం ఎంతో ముఖ్యం. రతన్ టాటా గారు భారతదేశానికి అందించిన గొప్ప విలువలు ఇవే. ఆయన ప్రతి భారతీయుడు గర్వపడేలా చేశారు. అందుకే ఈ ఎకోసిస్టమ్‌కు ఆయన పేరు పెట్టడం జరిగింది. మీ అందరితో కలిసి ఈ సమగ్ర ఎకోసిస్టమ్‌ను నిర్మించడానికి మేం ఎంతో ఉత్సాహంగా ఎదురుచూస్తున్నాం. ఇంటికో పారిశ్రామికవేత్త ఏపీ లక్ష్యం.! ఇంటికో పారిశ్రామికవేత్త ఏపీ లక్ష్యం. ప్రతి కుటుంబం నుంచి కనీసం ఒక పారిశ్రామికవేత్తను తయారు చేసే విధంగా ఒక వ్యవస్థను రూపొందిస్తున్నాం. ప్రతి ఇంట్లో ఒక పారిశ్రామికవేత్త ఉండాలన్నది మన ముఖ్యమంత్రి గారి సంకల్పం, లక్ష్యం. ఆయనకు ఉన్న అపారమైన అనుభవం వల్ల మేం సరైన దిశలో ప్రయాణిస్తూ.. అనుకున్న లక్ష్యాలను సాధించగలుగుతున్నాం. ఆయనకు మద్దతుగా యువతరంతో కూడిన, కొత్త ఆలోచనలతో కూడిన మంత్రుల బృందం ఉంది. ముఖ్యమంత్రి  విజన్‌ను సమర్థవంతంగా అమలు చేయడం మా బాధ్యత. స్కైరూట్, సాగర్ డిఫెన్స్ సంస్థలే ఉదాహరణ.!  పెట్టుబడులతో వచ్చే పారిశ్రామికవేత్తలపై నమ్మకంతో, వారికి అండగా నిలవడానికి ఆంధ్రప్రదేశ్ ప్రభుత్వం సిద్ధంగా ఉంది. ఇందుకు స్కై రూట్, సాగర్ డిఫెన్స్ సంస్థలే ఉదాహరణ. స్కైరూట్ పై నమ్మకంతో 18 నెలల క్రితం స్పేస్ సిటీలో 300 ఎకరాల భూమిని కేటాయించాం. మరోవైపు సాగర్ డిఫెన్స్ సంస్థ రానున్న రోజుల్లో ఐపీవోకు వెళ్లనుంది. ప్రపంచ అవసరాలకు అనుగుణంగా సముద్ర రంగంలో ఉపయోగించే డ్రోన్లను సాగర్ డిఫెన్స్ సంస్థ తయారుచేస్తోంది. ఒక పారిశ్రామికవేత్తతో కలిసి పనిచేస్తే ఎలాంటి ఫలితాలు సాధించవచ్చో చెప్పడానికి ఇది మంచి ఉదాహరణ మంత్రి లోకేశ్ తెలిపారు. పారిశ్రామికవేత్తలకు అవసరమైన సహకారం అందిస్తాం.! పారిశ్రామికవేత్తలకు అవసరమైన సహకారం అందించడానికి, వారి ఆలోచనలను ప్రోత్సహించడానికి ఎల్లప్పుడూ సిద్ధంగా ఉన్నాం. మీకు అవసరమైన భూమి కేటాయించడంతో పాటు ఎక్స్ పోజర్ విజిట్స్, వెంచర్ క్యాపిటలిస్టులతో అనుసంధానం కల్పిస్తాం. మీలో పట్టుదల, సాధించాలనే తపన ఉండాలి. మీ విజయాన్ని నిర్ణయించేది, మీ భవిష్యత్తును నిర్దేశించేది ఆ సాధించాలనే తపనే.  ఆ పట్టుదలను, ఆ లక్ష్యసాధన తపనను ఎప్పటికీ కోల్పోవద్దు. గొప్ప విజయాలు సాధించి ఏపీకి, దేశానికి గర్వకారణంగా నిలవాలని ఈ సందర్భంగా మంత్రి పిలుపునిచ్చారు. ఈ కార్యక్రమంలో కేంద్ర మంత్రి కే.రామ్మోహన్ నాయుడు, రాష్ట్ర ఎంఎస్ఎంఈ, సెర్ప్ శాఖల మంత్రి కొండపల్లి శ్రీనివాస్, హోంమంత్రి వంగలపూడి అనిత, రతన్ టాటా ఇన్నోవేషన్ హబ్ సీఈవో ఎం.సూర్యతేజ పాల్గొన్నారు.  మీకు నచ్చవచ్చు: 1999లోనే చంద్రబాబు ముందుచూపు..నేడు రూ.75 వేల కోట్ల ఆదాయం: గ్రంధి మల్లికార్జునరావు మీకు నచ్చవచ్చు: మీ తాత గ్రేట్.. మా తాత గ్రేట్: విశాఖ వేదికగా లోకేష్, ఉపాసనల ఆసక్తికర సంభాషణ.!     [ RTIH Visakhapatnam, Nara Lokesh, AP Industrial Ecosystems, MSME Parks Andhra Pradesh, CM Chandrababu ]  
ALSO ON TELUGUONE N E W S
  తనికెళ్ళ భరణి, బ్రహ్మానందం..పరిచయ వ్యాఖ్యానాలు అవసరం లేని పేర్లు. ఒక వేళ చెప్పడం స్టార్ట్ చేస్తే మన వైపు జాలిగా చూసే పరిస్థితి. ఎందుకంటే ఆ ఇద్దరి సినీ హిస్టరీ మాకు తెలియదా అని!  రీసెంట్ గా తనికెళ్ల భరణి తన సినీ ప్రయాణంలో ఎదురైన ఒక అరుదైన, మరువలేని ఆధ్యాత్మిక అనుభవాన్ని పంచుకున్నారు. సుమారు ఐదు వందలకు పైగా చిత్రాలలో వివిధ క్యారెక్టర్స్  పోషించి నటుడిగా, రచయితగా, దర్శకుడిగా విశేషమైన గుర్తింపు తెచ్చుకున్న ఆయన, ఇటీవల ఇచ్చిన ఓ ప్రత్యేక ఇంటర్వ్యూలో మనిషిని పతనానికి గురిచేసే 'నేను' అనే అహంకారం గురించి కీలక వ్యాఖ్యలు చేశారు. మనిషి ఎంతటి ఉన్నత స్థాయికి ఎదిగినా, తన చుట్టూ ఉండే కీర్తి ప్రతిష్టల వలన అహంభావం ప్రవేశించే అవకాశం ఉంటుందని, అయితే దానిని పూర్తిగా అణచివేసే ఒక సంఘటన తన జీవితంలో జరిగిందని వెల్లడించారు.   ప్రముఖ హాస్య నటుడు బ్రహ్మానందంతో కలిసి ఒకసారి ఒక ఆలయానికి వెళ్లినప్పుడు ఎదురైన సంఘటన తమ ఆలోచనా విధానాన్నే పూర్తిగా మార్చివేసిందని తనికెళ్ల భరణి గుర్తుచేసుకున్నారు. తాము ఎంత ప్రముఖులం, సమాజంలో ఎంత గుర్తింపు ఉందనే గర్వం కొద్దిసేపు తమలో ఉన్నప్పటికీ, సాధారణంగా తాము ప్రముఖ నటులమని తెలిస్తే ఎవరైనా ప్రత్యేక గౌరవం ఇస్తారని ఆశించడం సహజమని, కానీ ఆ గుడిలోని పూజారి మాత్రం తాము వచ్చినప్పుడు పెద్దగా పట్టించుకోకుండా ఎవరి పనిలో వారు నిమగ్నమయ్యారని భరణి గుర్తుచేసుకున్నారు. మరుసటి రోజు ఉదయమే ఎంతో శ్రద్ధగా అభిషేకం పూర్తి చేసిన తర్వాత, తాము ఇచ్చిన దక్షిణను కూడా ఆ పూజారి తీసుకోలేదని తెలిపారు.  పైగా తమకు కాఫీ లేదా టిఫిన్ ఇస్తామన్నా ఆయన సున్నితంగా తిరస్కరించారని చెప్పారు.. తాము నటీనటులుగా ఎంత పేరు సంపాదించినా, దైవ సన్నిధిలో అందరూ సమానమేనని, ఆ పూజారి ప్రవర్తన తమలోని అహాన్ని పూర్తిగా నాశనం చేసిందని ఆయన ఎమోషనల్ అయ్యారు.తనకు ఒక ఎకరం పొలం, ఒక ఆవు, పూజించడానికి శివుడు ఉన్నాడని, తనకు మరే ఇతర కోరికలు లేవని ఆ పూజారి చెప్పిన మాటలు తనను ఎంతగానో కదిలించాయని తనికెళ్ల భరణి భావోద్వేగానికి గురయ్యారు. ఎవరినీ ఏదీ ఆశించకుండా అంత ప్రశాంతంగా, తృప్తిగా బతకవచ్చనే నిజాన్ని ఆ ఘటన తమకు నేర్పిందని చెప్పారు. ఇది కూడా చదవండి: హీరోల అత్యవసర మీటింగ్...బాలయ్య దాదా సాంగ్ పై చర్చ!   మాలో ఉన్న అహంకారం ఆ పూజారి నిరాడంబరతని చూసి కుప్పకూలిపోయిందని, ఆ స్ఫూర్తితోనే తాను ఆ తర్వాత ‘మా చెడ్డ మంచోడు దేవుడు’ అనే అద్భుతమైన పాటను రాసినట్లు ఆయన వివరించారు.   ఆ పూజారి జీవన శైలి, నిరాడంబరత తమకు నేర్పిన పాఠం అంతా ఇంతా కాదని ఆయన పేర్కొన్నారు. జీవితంలో ఎదగడం ఎంత ముఖ్యమో, ఒదిగి ఉండటం అంతకంటే ముఖ్యమని ఈ సంఘటన తనకు నేర్పిన పాఠం అని ఆయన తెలిపారు.   సెలబ్రిటీలుగా వెలుగొందుతున్నప్పటికీ, సాధారణమైన ఒక పూజారి తత్వం తమ లాంటి ప్రముఖుల అహాన్ని ఎలా అణిచివేసిందో చెప్పడానికి ఈ అనుభవం ఒక చక్కటి ఉదాహరణగా నిలుస్తుందని ఆయన అభిప్రాయపడ్డారు. ప్రస్తుతం తనికెళ్ల భరణి చెప్పిన ఈ ఆసక్తికరమైన విషయాలు సోషల్ మీడియాలో  వైరల్ అవుతున్నాయి. మీకు నచ్చవచ్చు:దాదా సాంగ్ రచ్చ! మీకు నచ్చవచ్చు:ఇట్లు అర్జున రికార్డు కలెక్షన్స్!   [Tanikella Bharani, Brahamanandham, Sivalayam, Pujari, Tollywood]  
ఎవరి కోసం.. ఎవరి కోసం.. ఈ ప్రేమ మందిరం అనే ఎవర్ గ్రీన్ లెజండ్రీ సాంగ్ ని ఇప్పుడు సినీ అభిమానులు పేరడీ చేస్తూ ఎవరి కోసం.. ఎవరి కోసం.. ఈ అతి ప్రమోషన్స్ అని బాధతో పాడుకునే పరిస్థితి. ఎందుకు వచ్చిందో చూద్దాం. ప్రస్తుత సినిమా రంగంలో ప్రమోషన్ల పేరుతో జరుగుతున్న అతి పెద్ద ట్రెండ్ ప్రేక్షకుల్లో తీవ్ర ఆందోళనకి  గురి చేస్తోంది. ఒక సినిమా విడుదల కావడానికి ముందే, చిత్ర యూనిట్ విడుదల చేసే సాంగ్స్, టీజర్లు, ట్రైలర్లలోని ముఖ్యమైన హైలైట్స్, మెస్మరైజ్ చేసే స్టెప్స్ అన్నీ సోషల్ మీడియాలో విపరీతంగా రివీల్ చేస్తున్నారు. సాంగ్ రిలీజ్ పేరుతో సినిమాలోని అత్యుత్తమ మాస్ స్టెప్స్ లేదా సర్ప్రైజ్ ఎలిమెంట్స్ ముందుగానే ఎస్టాబ్లిష్ చేయడం వల్ల మరుసటి రోజు థియేటర్లలో సినిమా చూస్తున్నప్పుడు ఆ మ్యాజిక్ ఇచ్చే   కిక్ పూర్తిగా మిస్సవుతోంది. ప్రేక్షకులకు దక్కాల్సిన అసలైన థ్రిల్ ని ప్రమోషన్ల హోరులో ముందే నీరుకార్చేస్తున్నారు. కేవలం కొద్దిమంది అభిమానులని లేదా నెటిజన్లని తక్షణమే ఆకట్టుకోవడం కోసం, కోట్ల రూపాయలు వెచ్చించి తీసిన సినిమాలోని కీలక సన్నివేశాలను బలిపశువు చేయడం ఎంతవరకు సమంజసం అనే ప్రశ్న ఇప్పుడు సర్వత్రా వినిపిస్తోంది. ఒకప్పుడు సినిమా వస్తుందంటే ప్రేక్షకుల్లో ఉండే ఉత్కంఠ, థియేటర్లో స్క్రీన్ మీద పాటలు చూసినప్పుడు కలిగే అనుభూతి వేరుగా ఉండేది. కానీ నేడు ప్రమోషన్ల వ్యూహంలో భాగంగా సినిమాలోని 80 శాతానికి పైగా హైలైట్స్ ముందే బయటపెట్టేస్తున్నారు. దీనివల్ల ఫస్ట్ డే ఫస్ట్ షో చూసే ఆడియన్స్‌కు కొత్తదనం అనేదే లేకుండా పోతుంది. ఇది కూడా చదవండి: దాదా సాంగ్ వైరల్ ముఖ్యంగా స్టార్ హీరోలు ఈ విషయంపై తీవ్రంగా ఆలోచించాలని, ప్రమోషన్స్ హద్దుల్లో ఉండేలా చూసుకోవాలని సినీ విశ్లేషకులు బలంగా కోరుకుంటున్నారు. కేవలం వ్యూస్, లైక్స్ కోసం సినిమాలోని సర్ప్రైజ్ ఎలిమెంట్స్ ను లీక్ చేయడం వల్ల లాంగ్ రన్ లో చిత్ర బాక్సాఫీస్ కలెక్షన్లపై తీవ్ర ప్రభావం పడుతోంది. కేవలం ముగ్గురు, నలుగురు సోషల్ మీడియా ఇన్‌ఫ్లుయెన్సర్లు లేదా చిన్న వర్గం ఆడియన్స్‌ను మెప్పించడం కోసం పూర్తి సినిమా ఫలితాన్ని ప్రమాదంలో పడేయడం విచారకరం. నిర్మాతలు, దర్శకులు ఈ విషయాన్ని గమనించి ఇకనైనా ప్రమోషన్ల శైలిని మార్చుకోవాల్సిన సమయం ఆసన్నమైంది. థియేటర్లలో అసలైన విజువల్ వండర్స్ ని ఎంజాయ్ చేసేలా ప్రేక్షకులకు సర్‌ప్రైజ్‌లను మిగల్చాలని సినీ ప్రియులు కోరుకుంటున్నారు. చివరిగా సినీ ప్రియులు చెప్పేది ఏంటంటే 'ఆకలి అనేది సత్యం, నిజం. అన్నం తినకపోయినా ఏదో ఒక ఐటెం తినాల్సిందే. కానీ కొంత మంది మేకర్స్ అసలు ఆకలి లేని వాళ్ళు కూడా ఉన్నారనుకునే భ్రమలో అతి ప్రమోషన్స్ చేస్తున్నారు. సినిమా అనేది చాలా గొప్పది. మధురమైనది, మరుపురానిది. ఈ విశ్వంలో సినిమా ఇచ్చే ఎంటర్ టైన్ మెంట్ ఇంకోటి లేదు. ఉండి ఉంటే మనకంటే ఎంతో అప్ డేట్ గా ఉండే  హాలీవుడ్ ఎప్పుడో ఇంకో దాన్ని పుట్టించేది. కాబట్టి మధ్యపానం, దుమపానం ఆరోగ్యానికి హానికరం  అని యాడ్స్ ఇవ్వడం కాదు.. అతి ప్రమోషన్స్ కూడా సినిమాకి హానికరమే అని తెలుసుకోండి. మీకు నచ్చవచ్చు: దాదా సాంగ్ రికార్డ్స్! మీకు నచ్చవచ్చు:రాజమౌళి నెక్స్ట్ మూవీ అదేనా!     [cinema, Balakrishna, Chiranjeevi, Nagarjuna, ntr, ram charan]  
టాలీవుడ్‌లో వరుసగా పెళ్లి వార్తలు వినిపిస్తున్నాయి. హీరోలు సాయిధరమ్ తేజ్, తేజ సజ్జా త్వరలోనే తమ ప్రియురాళ్లతో కొత్త జీవితంలోకి అడుగుపెట్టనున్నట్లు వార్తలు వస్తున్నాయి. మరోవైపు కన్నడ నటి కావ్య కళ్యాణ్ రామ్ కూడా పెళ్లి చేసుకున్నారు. రీసెంట్‌గా ‘ఇరుముడి’ హీరోయిన్ ప్రియా భవానీ శంకర్ పెళ్లి చేసుకుంది. ఇప్పుడు ఈ జాబితాలో మరో హీరోయిన్ కూడా చేరేందుకు సిద్ధమైంది. ఈ ఏడాది ఆగస్టులో నిశ్చితార్థం చేసుకుని అందరినీ ఆశ్చర్యపరిచిన తమిళ హీరోయిన్ మృణాళిని రవి త్వరలోనే పెళ్లి చేసుకోనుంది. పుదుచ్చేరికి చెందిన ఈమె 2019లో వచ్చిన విజయ్ సేతుపతి ‘సూపర్ డీలక్స్’ సినిమాతో నటిగా పరిచయమైంది. ఆ తర్వాత ‘గద్దలకొండ గణేష్’ సినిమాతో హీరోయిన్‌గా తెలుగులోకి ఎంట్రీ ఇచ్చింది. అలా తెలుగు, తమిళ సినిమాల్లో నటిస్తూ తనకంటూ గుర్తింపు తెచ్చుకుంది. తెలుగులో హరీష్ శంకర్ దర్శకత్వంలో వచ్చిన ‘గద్దలకొండ గణేష్’తో పాటు ‘హ్యాపీడేస్’ తదితర చిత్రాల్లో నటించింది. తమిళంలో ‘చాంపియన్’, ‘ఎనిమి’, ‘ఎక్స్‌ట్రా’, ‘జంగో’, ‘కోబ్రా’ వంటి సినిమాలు చేసింది. చివరిగా 2024లో వచ్చిన ‘రోమియో’ అనే తమిళ చిత్రంలో కనిపించింది. ఇలా దక్షిణాది సినిమాల్లో తనకంటూ ఓ గుర్తింపు తెచ్చుకున్న మృణాళిని కొంతకాలంగా నటనకు దూరంగా ఉంటోంది. గత రెండేళ్లుగా యాక్టింగ్‌కు దూరంగా ఉన్న ఈమె ఉన్నట్టుండి తన నిశ్చితార్థం విషయాన్ని బయటపెట్టింది. మలేషియాకు చెందిన మహావిష్ణు అనే ఆధ్యాత్మిక గురువుతో కొత్త జీవితాన్ని ప్రారంభించేందుకు సిద్ధమైంది. ఆగస్టులో నిశ్చితార్థం చేసుకున్నప్పటి నుంచి మృణాళిని వ్యక్తిగత జీవితానికి సంబంధించిన వార్తలు ఆసక్తిని కలిగిస్తున్నాయి. ఇది కూడా చదవండి: ‘దాదా’ సాంగ్ వైరల్: బావలే బావలే ఇక్కడున్న వాళ్లంతా బావలే! అయితే నిశ్చితార్థం తర్వాత ఆమె కొత్త సినిమాలేవీ ప్రకటించలేదు. ప్రస్తుతం సినిమాల కంటే వ్యక్తిగత జీవితానికే ప్రాధాన్యత ఇస్తున్నట్లు కనిపిస్తోంది. త్వరలోనే పెళ్లి చేసుకోబోతుండటంతో మృణాళిని అభిమానులు ఆమె వివాహం గురించి మరిన్ని వివరాల కోసం ఎదురుచూస్తున్నారు. నటిగా మంచి గుర్తింపు తెచ్చుకున్న మృణాళిని రవి, ఇప్పుడు జీవితంలో మరో కొత్త అధ్యాయాన్ని ప్రారంభించబోతోంది. ఇంతకీ ఆమె పెళ్లి ఎప్పుడు జరగనుంది? వివాహం తర్వాత మళ్లీ సినిమాల్లో నటిస్తుందా? అనే విషయాలపై అభిమానుల్లో ఆసక్తి నెలకొంది. మీకు నచ్చవచ్చు:  ‘రామాయణ’ బాక్సాఫీస్ ప్రభంజనం.. ఆ మూడు సినిమాల రికార్డులు గల్లంతు! ‘దొంగ నాకొడుకు’ ఫస్ట్ డే రికార్డు కలెక్షన్స్!       https://www.instagram.com/reel/DfrmXPOtnoB/       [MrinaliniRavi, MrinaliniRaviWedding, Mahavishnu, GaddalakondaGanesh, SuperDeluxe]
Young actor Ashok Galla is gearing up to entertain audiences with his upcoming youthful entertainer, VISA – Vintara Saradaga. The film, featuring Sree Gouri Priya as the female lead, is scheduled for a grand worldwide theatrical release next year, making it a New Year treat for moviegoers. Directed by Udbhav Raghu, the film is set against the backdrop of the United States and revolves around Telugu students who leave their homeland to pursue their dreams abroad. Love, friendship, unexpected incidents and the interesting experiences of student life in a foreign country form the crux of the narrative. The makers have already released two teasers, generating interest with their youthful premise and entertaining moments. The chemistry between Ashok Galla and Sree Gouri Priya is also among the highlights showcased in the promotional material. The musical promotions have added to the buzz, with two songs, 'Anaga Anaga America' and 'Chingari', receiving attention. Sung by Sanjith Hegde, the former captures the romantic journey of the lead pair in America, while Sid Sriram and Lipsika have lent their voices to the latter. Vijay Bulganin is composing the music. Also Read: Aakasamlo Oka Tara will be an iconic film - GV Prakash Apart from Ashok Galla and Sree Gouri Priya, the film features Rahul Vijay, Shivathmika Rajashekar, Satya, Viva Harsha and Gundu Sudarshan in important roles. Produced by Suryadevara Naga Vamsi S under Sithara Entertainments and Sai Soujanya under Fortune Four Cinemas, VISA – Vintara Saradaga is positioned as a youthful entertainer blending romance, friendship and fun. The film will arrive in theatres worldwide on January 1, 2027. Check Out:  AR Picchi Premalo celebrates marital bliss                       Dada Dhamakha song is out now    Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
గాడ్ ఆఫ్ మాసెస్ బాలకృష్ణ దాదా ధమాకా సాంగ్ నర్గిస్ ఫక్రి తో కలిసి అభిమానులు, సంగీత ప్రియుల నోళ్ళల్లో 'బావలే బావలే ఇక్కడున్న వాళ్లంతా బావలే' అని పాడుకునేలా చేస్తున్న విషయం తెలిసిందే. చాలా రోజుల తర్వాత ప్రతి ఒక్కరి నోట నుంచి హమ్ చేసే పదంలాగా వినిపిస్తుండటం విశేషం ఇప్పుడు ఈ  ఫస్ట్ సింగిల్ సోషల్ మీడియాని షేక్ చేస్తోంది.  సెన్సేషనల్ మ్యూజిక్ డైరెక్టర్  తమన్ అందించిన ఊరమాస్ బీట్స్‌కి  తోడు, ఈ పాటకు రామజోగయ్య శాస్త్రి అందించిన క్యాచీ లిరిక్స్ ప్రేక్షకులను అట్రాక్ట్ చేస్తున్నాయి.ఈ సాంగ్ లో ప్రత్యేకమైన హైలైట్ ఏంటంటే బాలయ్య దాదాపు తొమ్మిదేళ్ల విరామం తర్వాత మరోసారి తన గొంతు సవరించి ఫుల్ ఎనర్జిటిక్ లైన్స్ ఆలపించడం. గతంలో 'పైసా వసూల్' చిత్రంలోని 'మామా ఏక్ పెగ్ లా' పాటకు గాత్రం అందించి అలరించిన బాలయ్య, ఇప్పుడు 'దాదా ధమాకా'తో మరోసారి సింగర్ అవతారమెత్తి అభిమానులకు అద్భుతమైన మ్యూజికల్ ట్రీట్ ఇచ్చాడు. ఆయన హస్కీ వాయిస్‌కు సింగర్ శ్రీపూర్ణిమ గొంతు కలవడంతో ఈ  సాంగ్ కి  మరింత మాస్ వైబ్స్ వచ్చాయి. కేవలం పాట పరంగానే కాకుండా, ఇందులో బాలయ్య వేసిన విజువల్ డ్యాన్స్ మూమెంట్స్ థియేటర్లలో పూనకాలు తెప్పించడం ఖాయమని ఫ్యాన్స్ కామెంట్ ల రూపంలో తమ ఆనందాన్ని  వ్యక్తం చేస్తున్నారు. ఇది కూడా చదవండి: దొంగ నాకొడుకు ఫస్ట్ డే రికార్డు కలెక్షన్స్!   బాలీవుడ్ బ్యూటీ నర్గీస్ ఫక్రీ  వేసిన స్టెప్పులు, అందచందాలు, బాలయ్య, ఆమె  మధ్య కెమిస్ట్రీ స్క్రీన్‌పై అదిరిపోతుంది కూడా  చెప్పవచ్చు. శేఖర్ మాస్టర్ కొరియోగ్రఫీలో తెరకెక్కిన ఈ భారీ సాంగ్ విజువల్స్ కలర్‌ఫుల్‌గా సాగుతూ ప్రేక్షకులను కట్టిపడేస్తున్నాయి. ఇప్పటికే విడుదలైన సినిమా గ్లింప్స్ బాలయ్య గ్యాంగ్‌స్టర్ లుక్‌తో అంచనాలను పెంచగా, ఇప్పుడు ఈ ఫస్ట్ సింగిల్ ద్వారా మ్యూజిక్ ప్రమోషన్స్ అంబరాన్ని తాకాయి. ఈ భారీ చిత్రంలో కాజల్ అగర్వాల్ హీరోయిన్‌గా నటిస్తుండగా, మంచు మనోజ్ నెగిటివ్ రోల్ లో  కనిపించనున్నారు. 'వీరసింహారెడ్డి' వంటి బ్లాక్‌బస్టర్ హిట్ తర్వాత బాలకృష్ణ - గోపీచంద్ మలినేని కాంబినేషన్‌లో క్రిస్మస్ కానుకగా డిసెంబర్ 24న ప్రపంచవ్యాప్తంగా థియేటర్లలో గ్రాండ్‌గా విడుదల చేసేందుకు మేకర్స్ సన్నాహాలు చేస్తున్నారు. వృద్ధి సినిమాస్ పతాకంపై సతీష్ కిలారు నిర్మిస్తున్నాడు.   మీకు నచ్చవచ్చు:థమన్ ఊర మాస్ సాంగ్ లో ఒకటిగా ఖాయం! మీకు నచ్చవచ్చు: టాక్సిక్ పై దిల్ రాజు సంచలన వ్యాఖ్యలు!   [Balakrishna, Nargis fakri, Damaka Song, Gopichand Malineni, thaman]
National Award-winning composer GV Prakash Kumar is extremely confident about his upcoming Telugu film, Aakasamlo Oka Tara, starring Dulquer Salmaan. Interacting with the media, the composer predicted that the Pavan Sadineni directorial would win multiple National Awards and emerge as a major box-office success. He also described it as a modern-day classic and an iconic film for Telugu cinema. GV Prakash revealed that he has approached the film's music with a distinct sound design, using special synthesizers to create a completely different musical zone. Drawing inspiration from the emotional depth of Hollywood inspirational dramas, he explained that the songs and background score are closely interconnected and designed to elevate the storytelling. Calling it an emotional and highly motivational journey, GV expressed confidence that the music would be iconic and resonate with audiences across generations. He also revealed that Shruti Haasan has sung a special track for the film, which will be released soon. The composer further praised the performances of the film's leading ladies, including debutante Satvika Veeravalli, Shruti Haasan and Ruhani Sharma. He particularly acknowledged producer Swapna Gunnam for her support throughout the musical journey and expressed pride in being associated with the project. Also Read: OM Trailer: Mammootty shines but revels too much GV Prakash's confidence has added to the anticipation surrounding the film, especially as his earlier prediction about Irumudi reportedly proved right. He now believes Aakasamlo Oka Tara has the potential to achieve both critical acclaim and commercial success. The film is produced by Sandeep Gunnam and Ramya Gunnam, with Geetha Arts and Swapna Cinema presenting the project. Aakasamlo Oka Tara is gearing up for a grand worldwide release on November 20 in multiple languages. Check Out: AR Picchi Premalo celebrates marital bliss                      DNK Movie Review  Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
పాన్ ఇండియా బ్యానర్ మైత్రి మూవీ మేకర్స్ నిర్మాణ సారధ్యంలో నిన్న ప్రేక్షకుల ముందుకు వచ్చిన క్రైమ్ కామెడీ చిత్రం 'దొంగ నా కొడుకు' (డీఎన్‌కే). లిటిల్ హార్ట్స్ ఫేమ్  మౌళి  హీరో,సుష్మిత శెట్టి హీరోయిన్‌.శ్రీను కంబాల దర్శకత్వం వహించాడు.  బాక్సాఫీస్ ట్రేడ్ వర్గాల గణాంకాల ప్రకారం, 'దొంగ నా కొడుకు'  మొదటి రోజు 2.15 కోట్ల గ్రాస్ సాధించినట్టుగా తెలుస్తుంది. దేశవ్యాప్తంగా మొత్తం 964 షోలలో ప్రదర్శించగా, ప్రతి షోకు సగటున 19,191 వసూలు కావడం విశేషం. మొదటి రోజు మొత్తం 1,67,626 మంది ప్రేక్షకులు థియేటర్లకు తరలివచ్చి  వీక్షించారు. అడ్వాన్స్ బుకింగ్స్ విషయంలోనూ ఈ చిన్న చిత్రం మంచి స్పందన తెచ్చుకుంది. విడుదల రోజు ఉదయం 6 గంటల సమయానికి అడ్వాన్స్ బుకింగ్స్ ద్వారా 76,475 టికెట్లు అమ్ముడవ్వగా, 92.50 లక్షల గ్రాస్ వసూలైంది. ఇది కూడా చదవండి:ఇట్లు అర్జున ఫస్ట్ డే కలెక్షన్స్ ఇవే! ఉదయం షోలకు 29 శాతం ఆక్యుపెన్సీతో మొదలై మధ్యాహ్నం షోలకు ఏకంగా 47 శాతానికి, సాయంత్రం షోలకు 46 శాతానికి చేరుకుంది. రోజువారీ సగటు ఆక్యుపెన్సీ 41 శాతంగా నమోదై, మౌత్ టాక్ బలంగా ఉందని నిరూపించింది.ప్రాంతాల వారీగా కలెక్షన్లను పరిశీలిస్తే, తెలుగు రాష్ట్రాలైన ఆంధ్రప్రదేశ్ మరియు తెలంగాణ నుంచే సింహభాగం వసూళ్లు వచ్చాయి.  ఏపీ, తెలంగాణ రాష్ట్రాల్లో మొదటి రోజు 2.00 కోట్ల గ్రాస్ వసూలైంది, ఇది మొత్తం కలెక్షన్లలో 93 శాతానికి సమానం. కర్ణాటకలో ₹15 లక్షల గ్రాస్ నమోదైంది. నగరాల వారీగా చూస్తే హైదరాబాద్‌లో 189 షోలతో పాటు, విశాఖపట్నం (64 షోలు), విజయవాడ (54 షోలు) ప్రాంతాల్లో మధ్యాహ్నం మరియు రాత్రి షోలకు 50 నుండి 73 శాతం వరకు అద్భుతమైన ఆక్యుపెన్సీ కనిపించింది.    మీకు నచ్చవచ్చు:  దొంగ నాకొడుకు రివ్యూ  మీకు నచ్చవచ్చు:టాలీవుడ్ నెక్స్ట్ నెంబర్ వన్ అనశ్వర రాజనేనా!   [Donga Naa Koduku,Sushmitha Shetty, Mouli Tanuj Prasanth, Mythri Movie Makers, srinu Kambala]  
The trailer of OM has arrived, offering a glimpse into the world of the film. However, the cut seems to have revealed almost the entire storyline, leaving very little for audiences to discover when they watch the film in theatres. Instead of holding back crucial story beats, the trailer appears to have laid out the narrative in a rather straightforward manner. Mammootty's appearance is easily one of the biggest highlights. The veteran actor brings his trademark aura and screen presence, and the moment he appears, the trailer gets an instant boost. His character looks intriguing, and his presence adds considerable weight to the film. Naseeruddin Shah's glimpse is another exciting aspect of the trailer. Even though his screen time is limited in the cut, his appearance adds to the curiosity surrounding the film and its ensemble cast. However, the portions featuring Dhanush and Sai Pallavi announcing Operation Mole, along with Sreeleela appearing as Dhanush's wife, offer a familiar impression. Certain stretches seem reminiscent of films like Kingdom and several other action dramas, making it difficult to identify a distinct narrative hook from the trailer. Also Read: NBK croons Dada Dhamakha, a peppy number The trailer also seems to have prioritised showcasing the film's major developments over preserving suspense. While this approach makes the cut engaging in parts, it raises questions about how much of the actual theatrical experience has already been revealed.On the technical front, Sai Abhyankkar's background score emerges as a major positive, adding energy and impact to several sequences. The cinematography is excellent too.  Overall, OM makes a mixed impression with some exciting casting moments and a strong musical score, but its trailer could have benefited from a more restrained approach to storytelling. Om is releasing on 20th November in Telugu and Tamil. Rajkumar Periasamy directed the film with Dhanush producing it.  Check Out: Dil Raju to make a big comeback next year                      NTR and Trivikram silently crush rumors Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.    
టాలీవుడ్ హీరోల్లో నేను ఉన్నాను అంటూ నిన్న సెల్యులాయిడ్ పై ఇట్లు అర్జున తో అడుగుపెట్టాడు అనీష్. డెబ్యూ మూవీ అయినా కూడా మాటలు రాని(మూగ) క్యారక్టర్ లో అత్యద్భుతంగా చేసాడనే కితాబు తెచ్చుకున్నాడు. క్రేజీ బ్యూటీ అనశ్వర రాజన్ అండగా ఉండనే ఉండటంతో సినీ మార్కెట్ లో ఇట్లు అర్జున సౌండ్ బాగానే వినిపిస్తుంది.  బాక్సాఫీస్ ట్రాకింగ్ నివేదికల ప్రకారం ఇట్లు అర్జున తొలిరోజు వరల్డ్ వైడ్ గా ప్రీమియర్స్ తో కలుపుకొని  1.85 కోట్ల గ్రాస్ వసూళ్లు చేసినట్టుగా తెలుస్తుంది .విడుదల రోజున దేశవ్యాప్తంగా మొత్తం 877 షోలు ప్రదర్శించబడగా, సగటున 27 శాతం ఆక్యుపెన్సీ నమోదైంది. ఒక్కో షోకు సగటున11,973 వసూళ్లు రావడం విశేషం. తొలిరోజున దాదాపు 99,721 మంది ప్రేక్షకులు థియేటర్లకు తరలివచ్చి ఈ సినిమాను వీక్షించారు. విడుదలకు ముందు వేసిన ప్రీమియర్ షోల నుంచే ఈ చిత్రానికి పాజిటివ్ టాక్ మొదలైంది. ఆంధ్రప్రదేశ్, తెలంగాణ రాష్ట్రాల్లో వేసిన 39 లిమిటెడ్ ప్రీమియర్ షోల ద్వారా దాదాపు 7,000 టికెట్లు అమ్ముడై ₹15 లక్షల గ్రాస్ వసూలైంది. ఇక అడ్వాన్స్ బుకింగ్స్ రూపంలోనే రిలీజ్‌కు ముందు ₹78.41 లక్షల గ్రాస్ (61,203 టికెట్లు) రాబట్టి ట్రేడ్ వర్గాలను ఆశ్చర్యపరిచింది. ఇది కూడా చదవండి: ఇట్లు అర్జున మూవీ రివ్యూ!  ప్రాంతాల వారీగా వసూళ్లను పరిశీలిస్తే, తెలుగు రాష్ట్రాలైన ఆంధ్రప్రదేశ్, తెలంగాణ నుంచే అత్యధిక వాటా లభించింది. మొత్తం1.23 కోట్ల గ్రాస్ కలెక్షన్లలో ఏపీ, తెలంగాణల నుంచే 1.15 కోట్లు (దాదాపు 93.5 శాతం) వసూలయ్యాయి. కర్ణాటకలో 5 లక్షలు, తమిళనాడులో 2 లక్షలు, మిగిలిన ప్రాంతాల్లో 1 లక్ష చొప్పున గ్రాస్ కలెక్షన్లు నమోదయ్యాయి. నగరాల వారీగా చూస్తే హైదరాబాద్‌లో అత్యధికంగా 176 షోలు ప్రదర్శించబడగా, 38.3 శాతం ఆక్యుపెన్సీ నమోదైంది. విశాఖపట్నంలో 46 షోలకు గాను 32.3 శాతం, విజయవాడలో 50 షోలకు 18.3 శాతం, బెంగళూరులో 37 షోలకు 22.5 శాతం ఆక్యుపెన్సీ కనిపించింది. రోజు గడిచేకొద్దీ ప్రేక్షకుల ఆదరణ మరింత పెరిగింది. ముఖ్యంగా సాయంత్రం షోలకు 29 శాతం వరకు ఆక్యుపెన్సీ పెరగడం మూవీకి  కలిసొచ్చింది. అటు అమెరికా (USA) ప్రీ-సేల్స్‌లోనూ ఈ చిత్రం 25 వేల డాలర్లను రాబట్టి తన సత్తా చాటింది. మొదటి రోజు పాజిటివ్ మౌత్ టాక్ రావడంతో రెండో రోజు (శనివారం) అడ్వాన్స్ బుకింగ్స్ కూడా 73.20 లక్షల మార్కును దాటాయి. వీకెండ్‌లో ఈ వసూళ్లు మరింత భారీగా పెరిగే అవకాశం ఉందని సినీ విశ్లేషకులు అంచనా వేస్తున్నారు. మీకు నచ్చవచ్చు:మాయలేడి మూవీ రివ్యూ!  మీకు నచ్చవచ్చు:Goat మూవీ రివ్యూ!   [Itllu Arjuna, Aneesh, Anaswara Raajan, Venky Kudumala, Tollywood]        
నందమూరి బాలకృష్ణ అభిమానులు ఎప్పుడెప్పుడా అని ఎదురుచూస్తున్న దాదా మూవీ ఫస్ట్ సాంగ్ ‘దాదా ధమాకా’ వచ్చేసింది. బాలయ్య, తమన్ కాంబినేషన్ అంటేనే మాస్ ఆడియన్స్‌లో ప్రత్యేకమైన అంచనాలు ఉంటాయి. అందుకు తగ్గట్టుగానే ఈసారి కూడా ఓ హై ఎనర్జీ నంబర్‌తో ప్రేక్షకుల ముందుకు వచ్చారు. అయితే ఈ పాటలో మరో స్పెషల్ అట్రాక్షన్ ఉంది. అదే బాలకృష్ణ స్వయంగా కొన్ని లైన్స్ పాడటం. దాదాపు తొమ్మిదేళ్ల తర్వాత బాలయ్య మరోసారి తన గొంతు వినిపించారు. గతంలో పూరి జగన్నాథ్ దర్శకత్వంలో వచ్చిన ‘పైసా వసూల్’ సినిమాలో ‘మామ ఏక్ పెగ్ లా’ పాట పాడి అభిమానులను అలరించారు. ఇప్పుడు ‘దాదా ధమాకా’తో మరోసారి సింగర్‌గా మారారు. రజనీ శ్రీ పూర్ణిమతో కలిసి ఈ పాటను ఆలపించి మరింత జోష్ తీసుకొచ్చారు. బాలకృష్ణ, నర్గీస్ ఫక్రీపై చిత్రీకరించిన ఈ పాటకు తమన్ ఎనర్జిటిక్ మ్యూజిక్ అందించారు. రామ్‌జోగయ్య శాస్త్రి లిరిక్స్ కూడా క్యాచీగా ఉన్నాయి. శేఖర్ మాస్టర్ కొరియోగ్రఫీ అందించిన ఈ సాంగ్ థియేటర్లలో డ్యాన్స్ ట్రీట్ ఇవ్వబోతుందని లిరికల్ వీడియో చూస్తే అర్థమవుతోంది. బాలకృష్ణ స్టైలిష్ లుక్స్, డ్యాన్స్, నర్గీస్ గ్లామర్ సాంగ్ లో హైలైట్ గా నిలిచాయి. 'వీరసింహారెడ్డి' తర్వాత బాలకృష్ణ, దర్శకుడు గోపీచంద్ మలినేని కాంబినేషన్ లో రూపొందుతోన్న సినిమా కావడంతో 'దాదా'పై భారీ మంచి అంచనాలు ఉన్నాయి. ఇప్పుడు విడుదలైన ‘దాదా ధమాకా’ సాంగ్స్ ఫ్యాన్స్ లో మరింత జోష్ పెంచుతోంది. వృద్ధి సినిమాస్ నిర్మిస్తున్న ఈ మూవీ డిసెంబర్ 24న ప్రేక్షకుల ముందుకు రానుంది. - Dada Dhamaka Song Lyrical Video       [Dada Dhamaka Song, Dada Movie, Nandamuri Balakrishna, Nargis Fkhri, Thaman S]    
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు. టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు  కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత  కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.  జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి. చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.  వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు.  2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.  
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది. "ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు. సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు. గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.                                      *నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్  రెండో ప్ర‌పంచ యుద్ధ స‌మ‌యంలో దూర‌మ‌యింది.  80 ఏళ్లు దాని కోసం ఎదురు చూడ‌గ‌లి గింది. అదంటే మ‌రి ఆమెకు ప్రాణ స‌మానం. చాలా కాలం దొరుకుతుంద‌ని, త‌ర్వాత  ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది.   ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్ట‌ర్. పోయి దొరికిన ఆ పెయింటింగ్ విష‌యానికి వ‌స్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్‌. రెండో ప్ర‌పంచ యుద్ధ స‌మ‌యంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయ‌న ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం త‌న న‌గ‌రంలోని ఒక బ్యాంక్‌లో భ‌ద్ర‌ ప‌ర‌చ‌మ‌ని ఇచ్చార‌ట‌. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన త‌ర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట త‌ర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి త‌న ద‌గ్గ‌ర పెట్టుకున్నాడు.    ఆ త‌ర్వాత 2021లో అది చార్లెటీని చేరింది.  మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి త‌న వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే క‌దా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు!  అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆస‌క్తి వున్న‌ప్ప‌టికీ శ‌క్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వ‌చ్చిన సొమ్మును పిల్ల‌ల‌కు పంచుదామ‌నుకుంటోందిట‌!  చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్ల‌లు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం త‌ర్వాత ఇల్లు చేరిన క‌ళాఖండం మా కుటుంబానిది అన్న‌ది చార్లెటీ!
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు  జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు. చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి  సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్  విషయంగా చర్చలు జరుపుతున్నట్లు సమాచారం. అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు.  మహారాష్ట్ర సంకీర్ణ ప్రభుత్వ మనుగడ గురించ్బి  పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా  రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో  కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి  అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా  విపక్ష శిబిరం నుంచి వినవస్తోంది. ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
తెలంగాణ  రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో  సహజంగానే అందరిలోనూ ఆసక్తి నెలకొంది. గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర  ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో  ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి  చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.   అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి  15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్  పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి  పథకాలను ఈ బడ్జెట్ ద్వారా అమలు చేస్తామని చెప్పారు. అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో,  ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది. మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో  ప్రకటన చేస్తారా లేదా అనే ఆసక్తి నెలకొంది. అలాగే, సామాన్య  ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున  సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే  గ్యాస్ బండపై వంద రూపాయల సబ్సిడీ ఇస్తామని చేసిన  వాగ్దానాన్ని  గుర్తు చేస్తున్నారు. ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక  శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్‌ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్‌-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్‌ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.  అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు  ఒకే సారి ఆయన మీద  విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి  తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన   కూడా ఎమ్మెల్సీ ఎన్నికల ప్రచారంలో భాగమైంది.   రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు.  గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి  తమకే ప్రయోజనం జరుగుతుందని అధికార పార్టీ ఆశపడుతోంది .  దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్‌ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్‌, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్‌.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్‌, ఎంపీ అరవింద్‌ తదితరులు ప్రచారాన్ని వేడెక్కించారు.  ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్‌ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు.  వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్‌, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు  ఎవరికి  పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .  
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా  తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి   కూడా తానూ హిందువును అనే విషయం ఇప్పుడు గుర్తుకొచ్చింది. ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత  కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ..  2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ  మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్  కావడమే ప్రధాన కారణం.  ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో  చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా  తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.  నిజానికి ఇలా నేనూ హిందువునే  అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే  కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ  లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు. ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది. కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది. అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.        
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.  జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి  బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.  నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన  ఆమె అందుకు విరుద్ధంగా  రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి  పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.    శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.   నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో  తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.  సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు.  ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే  ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని  పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.  గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు.  కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా  మళ్ళీ  చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.   జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా  ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.  ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా  ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ  శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు  అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే  ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు. ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో  వేదిక పంచుకున్నారు.అంతకు ముందే వామ పక్ష కూటమితో  పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో  పీసీసీ చీఫ్ వేదిక  పంచుకోవడం పై అసమ్మతి నేతలు మండి పడుతున్నారు. ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.   శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శ‌ర్మ జీ” అంటూ ఆయ‌న వ‌రుస ట్వీట్లు చేశారు. వ్య‌క్తిగ‌త ప్ర‌యోజ‌నాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయ‌న ఓ ట్వీట్లో అన్నారు. ఆనంద్ శ‌ర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయ‌న ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్‌లో సీపీఐ(ఎం) కూట‌మికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ‌, విభ‌జ‌న రాజ‌కీయాలు చేస్తున్న బీజేపీకి చెక్ పెట్ట‌డానికే ఈ కూట‌మి అని మ‌రో ట్వీట్‌లో అధిర్ రంజ‌న్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు. అసమ్మతిలో అసమ్మతి. ఇదలా ఉంటే, కాంగ్రెస్ పార్టీ  సమూల పక్షాళన కోరుతూ సోనియా గాంధీకి,గత సంవత్సరం  జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన  నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు  ఒక పరిమిత లక్ష్యంతో  సోనియా గాంధీకి లేఖ రాయడం జరిగిందని, ఆ పేరున జరుగతున్న  కార్యక్రమాలు లేఖ సంకల్పానికి  విరుద్ధమని అన్నారు. జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం  ఇక ముందు ఏమవుతుందో .. ఇంకెన్ని  మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే  అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం. ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది. ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి  91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్  ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల  పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా  బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.    
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’  సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది.  నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి  మాత్రం పశ్చిమ బెంగాల్ పైనే వుంది.  పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక  కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.  పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.  ఇప్పటికే తెలంగాణ  బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా  గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు.  అలాగే,  దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
ప్రపంచవ్యాప్తంగా ఆరోగ్య రంగంలో సంచలనం సృష్టిస్తున్న స్థూలకాయ నివారణ మందుల విషయంలో చైనా ఒక చారిత్రాత్మక మైలురాయిని అధిగమించింది. ప్రముఖ ఫార్మా దిగ్గజం ఎలి లిల్లీ (Eli Lilly) అభివృద్ధి చేసిన  ఓర్ఫోగ్లిప్రాన్  (Orforglipron) అనే ఓరల్ జీఎల్పీ 1 బరువు తగ్గించే మాత్రకు చైనా నేషనల్ మెడికల్ ప్రొడక్ట్స్ అడ్మినిస్ట్రేషన్ (NMPA) అధికారికంగా మార్కెటింగ్ అనుమతి మంజూరు చేసింది. చైనాలో బరువు నియంత్రణ కోసం క్లియరెన్స్ పొందిన మొట్టమొదటి ఓరల్ జీఎల్పీ 1 రెసెప్టర్ అగోనిస్ట్ ఇదే కావడం విశేషం. ఈ కీలక నిర్ణయంతో చైనా మార్కెట్లో ఇంజెక్షన్ల శకం ముగిసి, సులభంగా వేసుకునే మాత్రల ద్వారా బరువు తగ్గే సరికొత్త అధ్యాయానికి తెరలేచింది. ప్రపంచంలోనే రెండవ అతిపెద్ద ఫార్మా మార్కెట్‌గా ఉన్న చైనాలో, తన ప్రధాన ప్రత్యర్థి అయిన నోవో నొర్డిస్క్ (Novo Nordisk) కంటే ముందే ఈ ఆమోదాన్ని దక్కించుకోవడం ద్వారా ఎలి లిల్లీ అగ్రస్థానాన్ని కైవసం చేసుకుంది. ఈ సరికొత్త మాత్రను చైనాలో స్థానికంగా  ముయోడా  (Muyouda) అనే బ్రాండ్ పేరుతో విక్రయించనున్నారు. ఊబకాయంతో బాధపడుతున్న లేదా కనీసం ఒక్క బరువు సంబంధిత ఆరోగ్య సమస్యతోనైనా సతమతమవుతున్న పెద్దలకు ఈ మందును ఆహార నియమాలు మరియు వ్యాయామంతో పాటుగా సూచించనున్నారు. ఇప్పటివరకు ఈ మార్కెట్లో కేవలం ఇంజెక్షన్లు మాత్రమే అందుబాటులో ఉండటంతో, ఈ ఓరల్ మాత్ర రోగులకు అత్యంత సులభతరమైన ప్రత్యామ్నాయంగా మారనుంది. ఈ మందుకు సంబంధించిన క్లినికల్ పరీక్షల్లో అత్యంత అద్భుతమైన ఫలితాలు వెలువడ్డాయి. ప్రతిష్టాత్మకమైన  ATTAIN 1  ఫేజ్ 3 క్లినికల్ ట్రయల్స్‌లో భాగంగా, అత్యధిక మోతాదు తీసుకున్న రోగులు 72 వారాల వ్యవధిలో సగటున ఏకంగా 12.4 కిలోల బరువు తగ్గినట్లు తేలింది. అంతేకాకుండా, ఈ అధ్యయనంలో పాల్గొన్న వారిలో దాదాపు 40 శాతం మంది తమ శరీర బరువులో 15 శాతానికి పైగా కోల్పోవడం విశేషం. ఈ పరిశోధనల్లో మొత్తం 10,000 మందికి పైగా రోగులపై పరీక్షలు నిర్వహించగా, అందులో చైనీస్ రోగులు కూడా పెద్ద సంఖ్యలో భాగస్వాములు కావడం గమనార్హం. ఈ ఓరల్ మాత్ర యొక్క ప్రత్యేకత ఏమిటంటే, ఇది నాన్ పెప్టైడ్ చిన్న అణువుతో తయారైన ఔషధం. దీనివల్ల రోగులు రోజూ ఏ సమయంలోనైనా, ఎలాంటి కఠినమైన ఆహార లేదా నీటి నిబంధనలు లేకుండా ఈ మాత్రను సులభంగా వేసుకోవచ్చు. క్లినికల్ పరీక్షల్లో ఈ మందు సురక్షితమైనదని రుజువు కాగా, కొన్ని స్వల్పపాటి జీర్ణకోశ సమస్యలు మినహా ఎలాంటి తీవ్రమైన దుష్ప్రభావాలు లేవని, ముఖ్యంగా కాలేయానికి సంబంధించి ఎలాంటి ప్రమాదకర సంకేతాలు కనిపించలేదని కంపెనీ స్పష్టం చేసింది. ఇది కూడా చదవండి:సంస్కృత దినోత్సవ వేడుకలు: ప్రాచీన వైభవానికి నాయకుల నీరాజనాలు! భవిష్యత్తులో ఈ ఆరోగ్య సమస్య తీవ్రత ఎంత ఎక్కువగా ఉండబోతుందో లాన్సెట్ జర్నల్ లో ప్రచురితమైన 2025 అధ్యయనం హెచ్చరిస్తోంది. ఆ అంచనాల ప్రకారం 2050 నాటికి చైనాలో ఊబకాయం లేదా అధిక బరువుతో బాధపడే పెద్దల సంఖ్య ఏకంగా 630 మిలియన్లకు చేరుకుంటుందని అంచనా. ఈ భారీ జనాభాను దృష్టిలో ఉంచుకునే ఎలి లిల్లీ సంస్థ రాబోయే దశాబ్ద కాలంలో చైనాలోనే స్థానిక సరఫరా గొలుసును పటిష్టం చేయడానికి సుమారు 3 బిలియన్ డాలర్ల భారీ పెట్టుబడులు పెట్టాలని ప్రణాళిక సిద్ధం చేసింది. ప్రస్తుతం చైనాలో బరువు తగ్గించే మందులకు ప్రభుత్వ ఆరోగ్య బీమా లేదా ప్రైవేట్ పాలసీల మద్దతు లేదు కాబట్టి, రోగులే స్వయంగా ఖర్చు భరించాల్సి ఉంటుంది. అయినప్పటికీ మధ్య, ధనిక వర్గాల పట్టణ వాసుల నుంచి ఇటువంటి విప్లవాత్మక మందులకు విపరీతమైన డిమాండ్ లభిస్తోంది. ఈ చారిత్రాత్మక ఆమోదం వెలువడిన వెంటనే, అమెరికా స్టాక్ మార్కెట్లో ఎలి లిల్లీ షేర్లు దాదాపు 2.8 శాతం మేర ఎగబాకడం ఈ వార్తకు ఉన్న మార్కెట్ ప్రభావాన్ని స్పష్టం చేస్తోంది. మీకు నచ్చవచ్చు:హార్ట్ ఫెయిల్యూర్ రోగులు జాగ్రత్త: వాతావరణ మార్పులతో ఊహించని ప్రమాదం!                    పిల్లలకు రోజుకు 2 గంటలే సోషల్ మీడియా: మెటా భారీ రాజీ వెనుక అసలు నిజాలివే!     Orforglipron Weight Loss, Oral GLP 1 Pill, Obesity Treatment Breakthrough, New Medical Innovations, Weight Management Drugs, Doctor Health Advice, Health Tips In Telugu.  
సాధారణంగా శారీరక శ్రమ లేదా వ్యాయామం చేయడం వల్ల రక్తంలో చక్కెర (బ్లడ్ షుగర్) స్థాయిలు తగ్గుతాయని అందరూ భావిస్తారు. కానీ చాలా మందిలో వ్యాయామం ముగిసిన తర్వాత లేదా వ్యాయామం చేస్తున్న సమయంలో బ్లడ్ షుగర్ లెవెల్స్ అకస్మాత్తుగా పెరగడం గమనించవచ్చు. ఇది ఎలాంటి అనారోగ్య సమస్య కాదని, శరీరంలో జరిగే ఒక సహజమైన జీవక్రియ ప్రతిస్పందన అని వైద్య నిపుణులు వెల్లడిస్తున్నారు. ముఖ్యంగా హై ఇంటెన్సిటీ వర్కౌట్లు, హెవీ వెయిట్ లిఫ్టింగ్, స్ప్రింటింగ్ వంటి కఠినమైన శారీరక శ్రమలు చేసినప్పుడు ఈ రకమైన షుగర్ స్పైక్స్ సర్వసాధారణంగా కనిపిస్తాయి. అయితే ఈ ప్రతిస్పందన ఒక్కరి శరీర తత్వాన్ని బట్టి మారుతుంటుంది. శరీరానికి కఠినమైన వ్యాయామాల సమయంలో తక్షణ శక్తిని అందించడానికి కాలేయం (లివర్) తనలో నిల్వ ఉంచుకున్న గ్లైకోజెన్‌ను విచ్ఛిన్నం చేసి రక్తంలోకి గ్లూకోజ్‌ను విడుదల చేస్తుంది. ఈ ప్రక్రియను గ్లైకోజెనోలిసిస్ అని పిలుస్తారు. దీనితో పాటు గ్లూకోనియోజనెసిస్ అనే పద్ధతి ద్వారా కాలేయం కొత్త గ్లూకోజ్‌ను కూడా ఉత్పత్తి చేస్తుంది. కండరాలకు శక్తి కొరత రాకుండా నివారించడానికి శరీరం చేసే రక్షణ చర్య ఇది. అయితే మధుమేహం ఉన్నవారిలో, లేదా ఇన్సులిన్ నిరోధకత (ఇన్సులిన్ రెసిస్టెన్స్) ఉన్నవారిలో కాలేయం విడుదల చేసే ఈ గ్లూకోజ్ సరిగ్గా వినియోగించబడదు. దీనివల్ల రక్తంలో చక్కెర స్థాయిలు తాత్కాలికంగా పెరుగుతాయి. ఉదయం పూట వ్యాయామాలు చేసేవారిలో ఈ బ్లడ్ షుగర్ పెరుగుదల మరింత స్పష్టంగా కనిపించవచ్చు. దీనికి ప్రధాన కారణం  డాన్ ఫెనామినన్  (Dawn Phenomenon). ఉదయం వేళల్లో కార్టిసాల్, గ్రోత్ హార్మోన్ల ప్రభావం వల్ల శరీరంలో రక్తంలో చక్కెర స్థాయిలు సహజంగానే కొద్దిగా ఎక్కువగా ఉంటాయి. ఈ సమయంలో వర్కౌట్లు చేయడం వల్ల హార్మోన్ల విడుదల మరింత పెరుగుతుంది. దీనితో పాటు శరీరం డీహైడ్రేషన్‌కు గురైతే, రక్తంలో గ్లూకోజ్ సాంద్రత పెరిగి చక్కెర స్థాయిలను అదుపులో ఉంచుకోవడం మరింత కష్టమవుతుంది. అందువల్ల వేడి వాతావరణంలో వ్యాయామం చేసేటప్పుడు తగినంత నీరు త్రాగడం అత్యంత ముఖ్యం. మధుమేహం ఉన్నవారు వ్యాయామానికి ముందు తమ రక్తంలో గ్లూకోజ్ మరియు కీటోన్ స్థాయిలను పరీక్షించుకోవడం చాలా ముఖ్యం. ముఖ్యంగా రక్తంలో చక్కెర స్థాయిలు 250 mg/dL కంటే ఎక్కువగా ఉన్నప్పుడు లేదా కీటోన్లు ఉన్నప్పుడు కఠినమైన వ్యాయామాలు చేయడం ప్రమాదకరంగా మారుతుంది. ఇది డయాబెటిక్ కీటోఅసిడోసిస్ (DKA) వంటి తీవ్రమైన ఆరోగ్య సమస్యలకు దారితీసే అవకాశం ఉంది. కాబట్టి అనూహ్యంగా రీడింగ్స్ ఎక్కువగా ఉన్నప్పుడు వైద్యుల సలహా తీసుకోవడం తప్పనిసరి. ఇది కూడా చదవండి:వర్షాకాలంలో హెల్దీ బెల్లం టీ.. పాలు విరగకుండా అద్భుతమైన రుచి కోసం చిట్కాలు! వ్యాయామం తర్వాత కనిపించే ఈ తాత్కాలిక షుగర్ పెరుగుదల ఎల్లప్పుడూ హానికరం కాదు. అయితే వ్యాయామం తర్వాత చాలా గంటల పాటు షుగర్ లెవెల్స్ తగ్గకుండా ఉండటం, ప్రతిసారీ ఇదే సమస్య పునరావృతం కావడం, విపరీతమైన దాహం, తరచుగా మూత్ర విసర్జన, వికారం లేదా తీవ్రమైన అలసట వంటి లక్షణాలు కనిపిస్తే అస్సలు నిర్లక్ష్యం చేయకూడదు. ఇలాంటి సందర్భాల్లో మీ ఫిజిషియన్ లేదా ఎండోక్రైనాలజిస్ట్ సహాయంతో మందుల మోతాదు లేదా ఆహారపు అలవాట్లలో తగిన మార్పులు చేసుకోవడం మంచిది. మొత్తంగా చెప్పాలంటే, వ్యాయామం వల్ల బ్లడ్ షుగర్ తాత్కాలికంగా పెరిగినంత మాత్రాన వ్యాయామం చేయడం మానేయాల్సిన అవసరం లేదు. క్రమక్రమంగా వ్యాయామం యొక్క తీవ్రతను పెంచడం, సరైన హైడ్రేషన్ పాటించడం మరియు మీ శరీర తీరును నిరంతరం మానిటర్ చేయడం ద్వారా ఈ సమస్యను సమర్థవంతంగా నియంత్రించవచ్చు. సరైన జీవనశైలి మార్పులు మరియు వైద్యుల సలహాలతో మీ రక్తంలో చక్కెర స్థాయిలను ఆరోగ్యకరమైన పరిమితుల్లో ఉంచుకోవడం సాధ్యమవుతుంది. మీకు నచ్చవచ్చు:రోడ్డు పక్కన కనిపించే ఈ పిచ్చి మొక్క తెలుసా? ఆ భయంకర రోగానికి బ్రహ్మాస్త్రం! పరగడుపున బొప్పాయి తింటే మీ చర్మం, జీర్ణక్రియ ఎలా మారుతాయో చూడండి!       Blood Sugar After Exercise, Post Workout Glucose Spike, Diabetes Fitness Tips, High Blood Sugar Causes, Exercise And Blood Glucose, Doctor Health Advice, Health Tips In Telugu.
చలికాలం రాగానే మార్కెట్లలో పచ్చని ముత్యాల్లా మెరిసే పచ్చి బఠానీలు అందరినీ ఆకర్షిస్తాయి. కూరలు, సూప్‌లు, స్నాక్స్‌లో విరివిగా వాడే ఈ చిన్న గింజల వెనుక అద్భుతమైన ఆరోగ్య రహస్యాలు దాగి ఉన్నాయి. కేవలం రుచిని అందించడమే కాకుండా, శీతాకాలంలో మనకి కావలసిన పోషకాలను ఇవి పూర్తిగా సమకూరుస్తాయి. అయితే చాలామంది బఠానీలను కేవలం కూరల రుచి పెంచే పదార్థంగానే చూస్తారు కానీ, వీటిలో ఉండే పోషక విలువులు మాత్రం మన ఆరోగ్యానికి సరికొత్త శక్తిని ఇస్తాయి. శీతాకాలంలో ఎదురయ్యే అతిపెద్ద సమస్య ఆకలి నియంత్రణ మరియు బరువు పెరుగుదల. ఒక కప్పు ఉడికించిన బఠానీలను తీసుకుంటే సుమారు 9 గ్రాముల ప్రోటీన్, అలాగే మరో 9 గ్రాముల ఫైబర్ లభిస్తాయి. ఈ అద్భుతమైన పోషకాల కలయిక వల్ల కడుపు ఎక్కువ సేపు నిండుగా ఉంటుంది, దీనితో అనవసరమైన చిరుతిళ్లు తినాలనే కోరిక దూరం అవుతుంది. అంతేకాకుండా కేవలం 100 గ్రాముల ఉడికించిన బఠానీలలో సుమారు 1.5 మి.గ్రాముల ఐరన్ లభిస్తుంది. శరీరానికి మొక్కల ఆధారిత ఐరన్ అందడంతో పాటు, ఇందులో విటమిన్-సి కూడా తగినంతగా ఉండటం వల్ల ఆ ఐరన్‌ను శరీరం చాలా సులభంగా గ్రహించగలుగుతుంది. బఠానీలపై కొద్దిగా నిమ్మరసం పిండుకుని తింటే ఈ పోషకాలు మరింత మెరుగ్గా ఒంటబడతాయి. ఇక జీర్ణవ్యవస్థ విషయానికి వస్తే, ఒక కప్పు బఠానీల ద్వారా రోజూ మనకు కావలసిన ఫైబర్‌లో దాదాపు 31 శాతం అనగా 9 గ్రాముల పీచు పదార్థం అందుతుంది. ఇది మలబద్ధకం సమస్యను తగ్గించి, పేగుల ఆరోగ్యాన్ని క్రమబద్ధీకరిస్తుంది. బఠానీలలో ఉండే పులియబెట్టగల కార్బోహైడ్రేట్లు పేగుల్లోని ప్రయోజనకరమైన మంచి బ్యాక్టీరియాను పోషిస్తాయి. ఈ ప్రక్రియలో తయారయ్యే షార్ట్ చైన్ ఫ్యాటీ యాసిడ్లు ఆరోగ్యకరమైన పేగు వాతావరణాన్ని నిర్మిస్తాయి. దీనివల్ల రోగనిరోధక శక్తి పెరిగి చలికాలంలో వచ్చే ఇన్ఫెక్షన్ల నుండి శరీరం రక్షణ పొందుతుంది. అయితే కొందరిలో ఈ కార్బోహైడ్రేట్ల వల్ల చిన్నపాటి కడుపు ఉబ్బరం రావచ్చు కాబట్టి, సరిపడా మోతాదులో ఉడికించి తీసుకోవడం చాలా మంచిది. ఇది కూడా చదవండి:భూమాఫియా కుట్రకు బలైన ప్రాచీన ఆలయం: పాకిస్థాన్‌లో హిందువుల ఆందోళన! కణాల పునరుద్ధరణ మరియు డిఎన్ఏ ఏర్పడటంలో విటమిన్ బి9 అనగా ఫోలేట్ కీలక పాత్ర పోషిస్తుంది. వంద గ్రాముల వండిన బఠానీలలో సుమారు 63 మైక్రోగ్రాముల ఫోలేట్ లభిస్తుంది, ఇది సాధారణ కణ విభజనకు ఎంతో అవసరం. అంతేకాకుండా ఇందులో తక్కువ గ్లైసెమిక్ ఇండెక్స్ ఉండటం వల్ల మధుమేహ వ్యాధిగ్రస్తులు కూడా వీటిని నిరభ్యంతరంగా తీసుకోవచ్చు, ఇది రక్తంలో చక్కెర స్థాయిలను అదుపులో ఉంచడానికి సహాయపడుతుంది. బఠానీలను ఉడికించేటప్పుడు ఎక్కువ సేపు మరగబెట్టకుండా ఆవిరిపై లేదా మైక్రోవేవ్‌లో తక్కువ సమయం ఉడికించడం ఉత్తమం. ఇలా చేయడం వల్ల వాటిలోని విటమిన్లు నశించకుండా పూర్తిగా దక్కుతాయి. తృణధాన్యాలతో కలిపి పచ్చి బఠానీలను తీసుకుంటే శరీరానికి అదనపు అమైనో ఆమ్లాలు, పీచు పదార్థం లభిస్తాయి. కాబట్టి ఈ చలికాలంలో పచ్చి బఠానీలను మీ డైట్‌లో భాగం చేసుకుని సంపూర్ణ ఆరోగ్యాన్ని సొంతం చేసుకోండి. మీకు నచ్చవచ్చు:పసుపులోని కర్కుమిన్ మ్యాజిక్.. కీళ్ల నొప్పులు, ఇన్ఫెక్షన్లకు తిరుగులేని పరిష్కారం!                   కొత్త అధ్యయనం సంచలనం: కేవలం 3 నిమిషాల వర్కౌట్‌తో క్యాన్సర్ ముప్పు 18% అవుట్!     Green Peas Benefits, Winter Health Foods, Fresh Matar Nutrition, Immunity Boosting Vegetables, Heart Healthy Diet, Doctor Health Advice, Health Tips In Telugu.
ఆరోగ్యమే మహాభాగ్యం అని పెద్దలు అంటుంటారు. శరీరాన్ని ఫిట్‌గా ఉంచుకోవడానికి, గుండెను పదిలంగా కాపాడుకోవడానికి చాలామంది వాకింగ్ ను ఎంచుకుంటారు. అయితే, వాకింగ్ చేయాలనే ఉత్సాహం ఉన్నప్పటికీ, దానిని నిలకడగా కొనసాగించడంలో చాలామంది విఫలమవుతుంటారు. వర్షం వచ్చిందని, చలికాలం అని, లేదా ఆ రోజు మూడ్ బాలేదని, బిజీగా ఉన్నామని రకరకాల కారణాలతో నడకను మధ్యలోనే ఆపేస్తుంటారు. అసలు వాకింగ్ ఎలా చేయాలి? చాలామందికి తెలియని ఆ ముఖ్యమైన రహస్యం ఏమిటో  వివరంగా తెలుసుకుంటే.. ఉత్సాహం కాదు.. సరైన ప్లానింగ్ ముఖ్యం.. చాలామంది ఫిట్‌నెస్ విషయంలో ఒక పెద్ద పొరపాటు చేస్తుంటారు. మొదటి రోజే ఉత్సాహంతో నలభై ఐదు నిమిషాలు లేదా గంటపాటు నడవాలని నిర్ణయించుకుంటారు. అలా మొదటి రోజు కష్టపడి నడిచాక, రెండో రోజు కాళ్ల నొప్పితో బాధపడతారు. మూడో రోజు పని ఒత్తిడి, నాలుగో రోజు వాతావరణం బాగోలేకపోవడంతో వాకింగ్ కు స్వస్తి చెబుతారు. ఇక్కడే అసలు సమస్య మొదలవుతుంది. ఫిట్‌నెస్ సాధించడంలో ఎక్కువ మోటివేషన్ ఉన్నవారు కాదు, మంచి అలవాట్లు ఏర్పరచుకున్నవారే విజయం సాధిస్తారని నిపుణులు చెబుతున్నారు. వేగం కాదు.. ఈ లాజిక్ ముఖ్యం.. గుండె ఆరోగ్యం కోసం వేగంగా నడవాలని,  హార్ట్ పాయింట్లు అని ఈ మధ్య చాలామంది వేగంగా నడుస్తూ ఉంటారు. కానీ ఎంత వేగంగా నడిచాం లేదా ఎంతసేపు నడిచాం అనేది ముఖ్యం కాదు, ప్రతీరోజూ నడకను కొనసాగించామా లేదా అనేదే చాలా కీలకం. ఈ క్రమంలోనే వాకింగ్ ప్రారంభించాలనుకునేవారి కోసం ఒక సులభమైన , అద్భుతమైన మార్గం ఉంది. అదేంటంటే.. ఈజీగా.. హుషారుగా.. మొదటగా మొదటి మూడు వారాలు కేవలం ఐదు నిమిషాలు మాత్రమే నడవాలి. కేవలం ఐదు నిమిషాలు నడవడం వల్ల గుండెకు పెద్దగా ప్రయోజనం చేకూరకపోవచ్చు, కానీ మన మెదడుకు ఒక కొత్త అలవాటును నేర్పించడానికి ఇది సరిగ్గా సరిపోతుంది. మొదటి మూడు వారాలు ఐదు నిమిషాలు నడిచిన తర్వాత, ఆ సమయాన్ని మరో ఐదు నిమిషాలు పెంచి పది నిమిషాలు చేయాలి. ఆ తరువాత మరో మూడు వారాలకు పదిహేను నిమిషాలు, ఇలా క్రమంగా ఇరవై నుంచి ముప్పై నిమిషాలకు పెంచుకుంటూ పోవాలి. ఇది కూడా చదవండి   మోకాళ్ల నొప్పులతో ఇబ్బందా..ఈ 5 వ్యాయామాలు మిస్ అవ్వకండి .! ​ ఇక్కడ ప్రధాన లక్ష్యం మొదట్లోనే శరీరాన్ని అలసటకి గురి చేయడం కాదు, నడకను ఒక మంచి అలవాటుగా మార్చుకోవడం. అలవాటు ఏర్పడిన తర్వాత ఫిట్‌నెస్ అనేది దానంతట అదే మన సొంతం అవుతుంది. చిన్న చిన్న చిట్కాలు.. వాకింగ్ కు మార్గాలు.. నడకను ఎటువంటి ఆటంకాలు లేకుండా క్రమం తప్పకుండా సాగించడానికి కొన్ని చిన్నచిన్న చిట్కాలు ఎంతో సహాయపడతాయి. రాత్రి పడుకునే ముందే మరుసటి రోజు ఉదయం వాకింగ్ కి వేసుకునే దుస్తులను సిద్ధంగా ఉంచుకోవాలి. వీలైతే వాటిని పక్కనే ఉంచుకోవడం మంచిది. అలాగే షూస్‌ను మంచం పక్కనే ఉంచాలి. ఉదయం లేచిన వెంటనే ఏం చేయాలనే నిర్ణయం తీసుకోవాల్సిన అవసరం లేకుండా ముందుగానే ఏర్పాట్లు చేసుకోవాలి. దీనివల్ల మనం అలసత్వాన్ని గెలవడం కంటే అసలు అలసత్వానికి అవకాశం ఇవ్వకుండా ఉండవచ్చు. హ్యాబిట్ స్టాకింగ్.. హ్యాబిట్ స్టాకింగ్ అనే ఒక అద్భుతమైన పద్ధతిని పాటించవచ్చు. ఉదయం నిద్రలేచి బ్రష్ చేసిన వెంటనే ఎలాంటి ఆలస్యం చేయకుండా నేరుగా వాకింగ్ కి వెళ్ళిపోవాలి. వాకింగ్ పూర్తయిన తర్వాతే స్నానం చేసేలా దినచర్యను మలచుకోవాలి. ఒక పాత అలవాటుకు మరో కొత్త అలవాటును ఇలా జోడించడం వల్ల పనులు మర్చిపోయే అవకాశం ఉండదు. ఒకవేళ వర్షం కారణంగా బయటికి వెళ్లలేని పరిస్థితి ఏర్పడితే, ఇంట్లోనే ఐదు నిమిషాల పాటు నడవాలి కానీ వాకింగ్ అలవాటు మాత్రం ఎట్టి పరిస్థితుల్లోనూ విరమించకూడదు. మొదలు పెట్టిన రోజే పది కిలోమీటర్లు నడవడం కంటే, ఏడాది పొడవునా ప్రతీరోజూ పది నిమిషాల చొప్పున నడవడం గుండెకు ఎంతో మేలు చేస్తుంది. మన గుండెకు కావాల్సింది ఏదో ఒక్కరోజే చేసే  ప్లానింగ్ కాదు.. ప్రతీరోజూ కొనసాగించే ప్లానింగ్ కావాలి. ఈ చిన్నపాటి నియమాలను పాటిస్తూ, వాకింగ్ ను జీవితంలో ఒక భాగం చేసుకుంటే ఎలాంటి అనారోగ్య సమస్యలకైనా దూరంగా ఉండవచ్చు. ఆరోగ్యకరమైన జీవితం మీ సొంతమవుతుంది.                                                                                                                              *రూపశ్రీ.   మీకు నచ్చవచ్చు  మీ దగ్గర డబ్బు నిలవడం లేదా..అసలు కారణాలు ఇవే..!                                 మీకు తెలుసా ..ఈ విటమిన్లు లోపిస్తే లివర్ దెబ్బతింటుంది..!
మన ఆరోగ్యం బాగుండాలంటే రోజువారీ ఆహారంలో పోషకాలు సమృద్ధిగా ఉండే పండ్లను తప్పనిసరిగా చేర్చుకోవాలి. పండ్లు శరీరానికి అవసరమైన విటమిన్లు, ఖనిజాలు, పీచు పదార్థాలు (Fiber), యాంటీఆక్సిడెంట్లను అందిస్తాయి. ఇవి జీర్ణక్రియ మెరుగుపడటానికి, రోగనిరోధక శక్తి పెరగడానికి, శరీరం ఆరోగ్యంగా ఉండటానికి ఎంతగానో తోడ్పడతాయి. ముఖ్యంగా కొన్ని పండ్లను క్రమం తప్పకుండా తీసుకోవడం వల్ల మలబద్ధకం వంటి జీర్ణ సంబంధిత సమస్యలను తగ్గించుకోవడానికి కూడా సహాయపడుతుంది. మరి మన ఆరోగ్యానికి మేలు చేసే ఆ ఐదు పండ్లు ఏమిటి? జామ, బొప్పాయి, దానిమ్మ, పైనాపిల్, మామిడి పండ్లలో ఎలాంటి పోషకాలు ఉంటాయి? వీటిని తీసుకోవడం వల్ల శరీరానికి కలిగే ప్రయోజనాలు ఏమిటి? మలబద్ధకం సమస్యతో బాధపడేవారికి ఈ పండ్లు ఎలా ఉపయోగపడతాయి? ఈ ప్రత్యేక వీడియోలో ఆయుర్వేద డైటీషియన్ శ్రవంతి రఘు గారు ఈ ఐదు పండ్లలోని పోషక విలువలు, వాటి ఆరోగ్య ప్రయోజనాలను వివరించారు. జామపండులో ఉండే పీచు పదార్థాలు జీర్ణక్రియకు ఎలా సహాయపడతాయి? బొప్పాయిలోని పోషకాలు మహిళల ఆరోగ్యానికి ఎలా తోడ్పడతాయి? దానిమ్మ శరీరానికి అందించే ప్రయోజనాలు ఏమిటి? పైనాపిల్ పేగుల ఆరోగ్యానికి ఎలా ఉపయోగపడుతుంది? మామిడి పండులోని విటమిన్లు, పోషకాలు మన శరీరానికి ఎలా మేలు చేస్తాయి? అనే విషయాలను వివరంగా తెలుసుకోవచ్చు. అంతేకాకుండా, ఈ పండ్లను తీసుకోవడం వల్ల జీర్ణవ్యవస్థకు కలిగే ప్రయోజనాలు, పేగుల ఆరోగ్యాన్ని కాపాడుకోవడంలో వీటి పాత్ర, రోగనిరోధక శక్తికి అవసరమైన పోషకాలు వంటి అనేక విషయాలను ఈ వీడియోలో తెలుసుకోవచ్చు. మలబద్ధకం సమస్యను తగ్గించుకోవడానికి పీచు పదార్థాలు అధికంగా ఉండే పండ్లను ఆహారంలో ఎలా చేర్చుకోవాలి? వాటిని ఏ విధంగా తీసుకుంటే మంచిది? అనే విషయాలను కూడా శ్రవంతి రఘు గారు వివరించారు. ఆరోగ్యకరమైన జీవనశైలి కోసం ఖరీదైన ఆహారాలే అవసరం లేదు. మనకు సులభంగా లభించే పండ్లను సరైన మోతాదులో, సరైన పద్ధతిలో తీసుకోవడం కూడా ఎంతో ముఖ్యం. ఈ ఐదు పండ్లలోని పోషకాలు, ఆరోగ్య ప్రయోజనాలు, మలబద్ధకం సమస్యకు అవి ఎలా తోడ్పడతాయో తెలుసుకోవాలంటే ఈ వీడియోను పూర్తిగా చూడండి. మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)
ప్రస్తుత రోజుల్లో చిన్న వయసులోనే చాలామంది కీళ్ల నొప్పులు, మోకాళ్ల నొప్పులతో బాధపడుతున్నారు. వయసు పెరిగిన తర్వాత మాత్రమే వచ్చే సమస్యగా భావించే ఆర్థరైటిస్ ఇప్పుడు యువతలో కూడా కనిపిస్తోంది. అసలు చిన్న వయసులోనే కీళ్ల నొప్పులు రావడానికి కారణాలేంటి? రుమటాయిడ్ ఆర్థరైటిస్ (Rheumatoid Arthritis) అంటే ఏమిటి? ఈ సమస్యకు వ్యాయామానికి ఉన్న సంబంధం ఏమిటి? కీళ్ల ఆరోగ్యాన్ని కాపాడుకోవడానికి ఎలాంటి జాగ్రత్తలు తీసుకోవాలి? కీళ్లు మన శరీర కదలికలకు ఎంతో కీలకం. నడవడం, మెట్లు ఎక్కడం, కూర్చోవడం, నిలబడటం వంటి రోజువారీ పనులన్నీ కీళ్ల సహకారంతోనే సాధ్యమవుతాయి. అయితే శారీరక శ్రమ తగ్గడం, ఎక్కువసేపు ఒకే చోట కూర్చోవడం, సరైన వ్యాయామం లేకపోవడం వంటి కారణాలు కీళ్ల ఆరోగ్యంపై ప్రభావం చూపవచ్చు. ముఖ్యంగా మోకాళ్లపై ఒత్తిడి పెరిగినప్పుడు నొప్పి, బిగుతుగా అనిపించడం, కదలికల్లో ఇబ్బంది వంటి సమస్యలు ఎదురవుతాయి. కీళ్ల నొప్పులు రాకుండా ఉండటానికి, మోకాళ్ల ఆరోగ్యాన్ని మెరుగుపరుచుకోవడానికి రోజువారీ వ్యాయామం ఎంతో ఉపయోగపడుతుంది. ఈ వీడియోలో Dr. Bhaskarకీళ్ల ఆరోగ్యం, ఆర్థరైటిస్, రుమటాయిడ్  ఆర్థరైటిస్ గురించి ముఖ్యమైన విషయాలను వివరించారు. అలాగే మోకాళ్ల కదలికలు మెరుగుపడటానికి, కండరాలు బలపడటానికి, కీళ్లపై ఒత్తిడిని తగ్గించుకోవడానికి ఉపయోగపడే ఐదు వ్యాయామాల గురించి తెలియజేశారు. ఈ ఐదు వ్యాయామాలను ఎలా చేయాలి? వాటిని రోజువారీ జీవితంలో ఎలా భాగం చేసుకోవాలి? కీళ్ల నొప్పులతో బాధపడేవారు వ్యాయామం చేసేటప్పుడు ఎలాంటి జాగ్రత్తలు తీసుకోవాలి? ఇప్పటికే ఆర్థరైటిస్ సమస్య ఉన్నవారు ఎలాంటి వ్యాయామాలను ఎంచుకోవాలి? అనే విషయాలను ఈ వీడియోలో తెలుసుకోవచ్చు. ఇది కూడా చదవండి    పిండికూరతో కిడ్నీ రాళ్లు కరుగుతాయా.. డాక్టర్ ఏం చెబుతున్నారు కీళ్ల నొప్పులు ఉన్న ప్రతి ఒక్కరికీ ఒకే రకమైన వ్యాయామాలు సరిపోవు. ముఖ్యంగా రుమటాయిడ్ ఆర్థరైటిస్ లేదా తీవ్రమైన మోకాళ్ల నొప్పులతో బాధపడేవారు వైద్యుల సలహా తీసుకున్న తర్వాతే తమకు తగిన వ్యాయామాలను ఎంచుకోవాలి. నొప్పి పెరిగేలా బలవంతంగా వ్యాయామాలు చేయకూడదు. కీళ్ల ఆరోగ్యాన్ని కాపాడుకోవడానికి, మోకాళ్ల నొప్పుల పట్ల అవగాహన పెంచుకోవడానికి డాక్టర్ భాస్కర్ అందిస్తున్న ఈ విలువైన సమాచారాన్ని పూర్తిగా తెలుసుకోండి. మరిన్ని ఆరోగ్య విషయాలు, నిపుణుల సలహాలు, ఉపయోగకరమైన సమాచార వీడియోల కోసం TeluguOne Healthను ఫాలో అవ్వండి.