టెక్నాలజీ ప్రపంచంలో సరికొత్త విప్లవానికి యాపిల్  నాంది పలికింది. కాలిఫోర్నియాలోని యాపిల్ పార్క్ వేదికగా జరిగిన వార్షిక డెవలపర్స్ కాన్ఫరెన్స్ లో ఐఫోన్ ప్రియుల కోసం అత్యాధునిక ఫీచర్లతో కూడిన ఐవోఎస్ 27   సాఫ్ట్‌వేర్‌ను కంపెనీ   ఆవిష్కరించింది. ఈ ఈవెంట్‌లో అందరి దృష్టిని ఆకర్షించిన ప్రధానమైన అప్‌డేట్  ఏంటంటే.. అది పూర్తిస్థాయిలో రీబిల్ట్ చేసిన సిరి ఏఐ. కృత్రిమ మేధస్సు రంగంలో దూసుకుపోతున్న గూగుల్ జెమిని సాంకేతికతతో పాటు, నెక్స్ట్ జనరేషన్ యాపిల్ ఫౌండేషన్ మోడల్స్ సహాయంతో ఈ వాయిస్ అసిస్టెంట్‌ను యాపిల్ డెవలప్ చేసింది. దీనివల్ల ఇకపై సిరి కేవలం ఒక కమాండ్ ఫాలో అయ్యే టూల్‌లా కాకుండా..  అత్యంత సహజంగా సంభాషించగల సామర్థ్యాన్ని సొంతం చేసుకుంది. వినియోగదారుల ప్రైవసీని యాపిల్   ఇక్కడ కూడా కొనసాగించింది. డేటా అంతా డివైస్ లోపలే ప్రాసెస్ అయ్యేలా  డిజైన్  చేసింది.

ఈ సరికొత్త సిరి ఏఐ ఫీచర్లు యూజర్ల రోజువారీ స్మార్ట్‌ఫోన్ అనుభవాన్ని  మార్చేయనున్నాయి. మెసేజ్, మ్యాప్స్ వంటి ఇన్-బిల్ట్ యాప్స్ ద్వారా యూజర్ల వ్యక్తిగత అవసరాలు, ప్రాధాన్యతలను ఇది   సులభంగా అర్థం చేసుకుంటుంది. దీనికి ఉన్న మరో   ఫీచర్ ఏంటంటే  ఐఫోన్ స్క్రీన్‌పై ఉన్న సమాచారాన్ని  స్వయంగా గ్రహించి, స్క్రీన్ కాంటెక్స్ట్‌ను బట్టి ఈమెయిల్‌లు, టెక్స్ట్‌లు లేదా ముఖ్యమైన డాక్యుమెంట్లను ఎడిట్ చేస్తుంది. దీనికోసం ప్రత్యేకంగా హిస్టరీని ట్రాక్ చేసుకునేలా ఒక స్టాండ్‌అలోన్ యాప్‌ను కూడా యాపిల్ జోడించింది.

అలాగే హోమ్ స్క్రీన్‌పై డైనమిక్ ఐలాండ్ ఇంటిగ్రేషన్‌తో ఈ ఏఐ వాయిస్ అసిస్టెంట్ మరింత ఆకర్షణీయంగా ఉంటుంది. ఐవోఎస్ 27 అప్‌డేట్ కేవలం సిరికే పరిమితం కాలేదు..  దీని ద్వారా అడ్వాన్స్‌డ్ ఫోటో ఎడిటింగ్, ఇమేజ్ ప్లేగ్రౌండ్ వంటి మైండ్ బ్లోయింగ్ యాపిల్ ఇంటెలిజెన్స్ టూల్స్ వినియోగదారులకు అందుబాటులోకి రానున్నాయి.    ఈ 2026   చివర్లో సాధారణ యూజర్లందరికీ గ్లోబల్ రోలౌట్ ద్వారా ఇంగ్లిష్‌తో పాటు ఇతర అంతర్జాతీయ భాషల్లో ఈ కీలక అప్‌డేట్స్ లభించనున్నాయి.