ఐదు రోజుల్లో వంద కోట్లు... అబ్బ....

అజయ్ దేవ్గణ్ హీరోగా నటించిన బాలీవుడ్ సినిమా ‘సింగం రిటర్న్స్’ కళ్ళు తిరిగే రీతిలో కలెక్షన్లు వసూలు చేస్తోంది. సినిమా విడుదలైన కేవలం ఐదు రోజుల్లోనే వంద కోట్లకు పైగా కలెక్షన్లు వసూలు చేసి అబ్బ అనిపిస్తోంది. ఈ సినిమా ప్రీక్వెల్ ‘సింగం’ ఇప్పటివరకూ సాధించిన కలెక్షన్ల కంటే ఇది ఎక్కువ అని తెలుస్తోంది. ఇప్పటివరకు బాలీవుడ్లో చాలా సినిమాలు వందకోట్ల వసూళ్లు సాధించాయి. అయితే కేవలం ఐదు రోజుల్లోనే ఈ ఫీట్ సొంతం చేసుకున్నది మాత్రం సింగం రిటర్న్స్ మాత్రమేనని మార్కెట్ వర్గాలు అంటున్నాయి. రోహిత్ శెట్టి దర్శకత్వంలో ఇన్స్పెక్టర్ బాజీరావు సింగం పాత్రలో నటించిన అజయ్ దేవ్గణ్.. సరిగ్గా స్వాతంత్ర్య దినోత్సవం రోజున విడుదలైన ఈ సినిమాతో ఒక్కసారిగా మళ్లీ తారాపథానికి దూసుకెళ్లాడు.