అమీర్ కు షారుక్ మద్దతు.. తప్పుగా చిత్రీకరించారు..!

అమీర్ ఖాన్ దేశ అసహనంపై వ్యాఖ్యలు చేసి ఊహించని విధంగా విమర్శలు ఎదుర్కొంటున్న సంగతి తెలిసిందే. అమీర్ వ్యాఖ్యలపై ఎవరికి తోచిన రీతిలో వారు స్పందింస్తున్నారు. అయితే అమీర్ ఖాన్ చేసిన వ్యాఖ్యలకు బాలీవుడ్ లోనే కొంతమంది అభ్యంతరాలు వ్యక్తం చేస్తుండగా.. బాలీవుడ్ బాద్ షా షారుక్ ఖాన్ అమీర్ కు మద్దతు పలికారు. అసహనంపై ఆయన ఇచ్చిన ఇంటర్య్వూలో మాట్లాడుతూ అమీర్ ఖాన్ చేసిన వ్యాఖ్యలను తప్పుగా చిత్రీకరించారు అంటూ మద్దతు పలికారు. దేశభక్తి అనేది మనసులో ఉంచుకోవాల్సిన భావన అని.. దేశానికి మంచి జరగాలని ఆలోచించడం.. దేశానికి మంచి చేయడం తప్ప.. దేశభక్తిని ఏ మార్గం ద్వారా నిరూపించుకోవాల్సిన అవసరం లేదని అన్నారు. ఏ విషయంపైన అయినా తనకు మాట్లాడే హక్కు ఉందని షారుక్ వెల్లడించారు.