సినిమా ఇండస్ట్రీలోకి వచ్చే హీరోయిన్ల సంఖ్య రోజు రోజుకి ఎక్కువడంతో వారి నుండి వచ్చే పోటీని తట్టుకోవడానికి ప్రస్తుతం ఉన్న హీరోయిన్లు ఎలాంటి పాత్రలు అయినా చేయడానికి వెనకాడటం లేదు. స్టార్ హీరోయిన్లు సైతం వేశ్య పాత్రలు వేస్తూ వచ్చిన అవకాశాన్ని వదులుకోవడం లేదు. ఇప్పటికే టాలీవుడ్ లో ఒకప్పుడు వెలుగు వెలిగిన శ్రేయ, ఛార్మి, వేద లాంటి వారు వేశ్య పాత్రలు చేస్తున్నారు. త్వరలో వీరు నటించిన సినిమాలు ప్రేక్షకుల ముందుకు రానున్నాయి. ఇక వీరికి పోటీగా మరో నాయిక వచ్చింది. తెలుగులో నాని సరసన ‘పిల్ల జమిందార్ ’ సినిమాలో హీరోయిన్ గా చేసి మంచి పేరు తెచ్చుకున్న హరిప్రియ ప్రస్తుతం వేశ్య పాత్రలో నటిస్తుంది. ఈమె ‘అబ్బాయి క్లాస్-అమ్మాయి మాస్ ’ అనే సినిమాలో ఆ క్యారెక్టర్ చేస్తుంది. హీరో జీవితంలోకి ఓ వేశ్య ఎందుకు ప్రవేశించిందన్న అంశంపై సినిమా కథాంశం ఉంటుంది. మరి ఈ అమ్మడు ఇప్పుడున్న వేశ్యలకు ఏ మాత్రం పోటీనిస్తుందో చూడాలి.
.gif)
.webp)
