గూగుల్ కు భారీ షాక్..వేల కోట్లు జరిమానా..!

సెర్చ్ ఇంజిన్ గూగుల్ దిగ్గజం ప్రపంచంలోనే మొదటి స్థానంలో ఉన్న సంగతి తెలిసిందే. ప్రపంచంలో ఎక్కడ ఏ విషయం గురించి తెలుసుకోవాలన్న క్షణంలో గూగుల్ నుండి మనం తెలుసుకోవచ్చు. అలాంటిది త్వరలోనే గూగుల్ కు ఓ భారీ షాక్ తగలనున్నట్టు తెలుస్తోంది. తనకు నచ్చిన కంపెనీలకే ముందు స్థానం ఇస్తూ ప్రత్యర్థులను దెబ్బతీసేందుకు ప్రయత్నిస్తోందంటూ గూగుల్ పై కేసు నమోదైంది. ఈ నేపథ్యంలో గూగుల్ సంస్థకు సమస్యలు తప్పవని.. వేల కోట్లరూపాయలు జరిమానా విధించే అవకాశాలు ఎక్కువగా ఉన్నాయని రాయిటర్స్ రిపోర్ట్ ప్రకారం తెలుస్తోంది.  సుమారు 23 వేల కోట్ల (మూడు  బిలియన్ యూరోల) భారీ జరిమానా పడనుందని  పేర్కొంది. ఈ జరిమానా విధించేనిర్ణయం జూన్ మొదటి వారంలో అమల్లోకి వచ్చే అవకాశాలు ఉన్నాయని అధికారుల చెబుతున్నారు. అంతేకాదు సెర్చ్ లో మొదటి స్థానం సంపాదించిన కంపెనీలకూ 10 శాతం మేర జరిమాన విధించే అవకాశం ఉన్నట్టు తెలుస్తోంది. మరి ఏం జరుగుతుందో తెలియాలంటే జూన్ వరకూ ఆగాల్సిందే.