Home  
Politics

గోదావరి నీళ్లతో కాళ్లు కడుగుతామన్న రైతులు.. వద్దన్న కేసీఆర్..

  తెలంగాణ సీఎం కేసీఆర్ తాను ఏదైనా పని చేస్తానని చెబితే అది ఖచ్చితంగా చేసి తీరతారు. ప్రజల సమస్యలను తెలుసుకొని వాటికి అనుగుణంగా నిర్ణయాలు తీసుకుంటూ అందరి మన్నలను పొందుతున్నారు. ఈ నేపథ్యంలో ఓ ఆసక్తికర ఘటన చోటుచేసుకుంది. తెలంగాణలో నీటి సమస్యలకు గాను.. సాగు నీటి పథకాలకుగాను..  సీఎం కేసీఆర్ ఇటీవలే ముంబై వెళ్లి మహారాష్ట్ర సీఎం దేవేంద్ర ఫడ్నవీస్ తో కీలక ఒప్పందంపై సంతకాలు చేశారు. త్వరలోనే పలు కొత్త ప్రాజెక్టుల నిర్మాణం ప్రారంభం కానున్నాయి. దీనిలో భాగంగా.. కరీంనగర్ జిల్లాకు చెందిన కొంతమంది రైతులు గోదావరి జలాలను కలశాల్లో తీసుకుని ర్యాలీగా హైదరాబాదుకు వచ్చి.. అక్కడి నుండి నేరుగా సీఎం కార్యాలయానికి చేరుకున్నారు. అప్పటికే వారి రాకను తెలుసుకున్న కేసీఆర్ వారిని సాదరంగా ఆహ్వానించారు. ఈ క్రమంలోనే ఇంతటి గొప్ప పనిచేసిన మీ కాళ్లను గోదావరి జలాలతో కడుగుతామంటూ రైతులు కేసీఆర్ వద్దకు వచ్చారు. అయితే, కేసీఆర్ వారిని వారించి గోదావరి జలాలున్న కలశాలను అక్కడి బల్లపై పెట్టించారు.

రోజాపై సస్పెన్షన్ కొనసాగించాలి...

ఎమ్మెల్యే రోజాపై స్పీకర్ కు ప్రివిలేజ్ కమిటీ నోటీసులు అందించింది. మూడు సార్లు నోటీసు ఇచ్చినా రోజా హాజరుకాలేదని.. రోజాపై సస్పెన్షన్ కొనసాగించాలని కమిటీ నివేదించింది. ఈసందర్బంగా ప్రివిలేజ్ కమిటీ కొడాలి నానిపై నిర్ణయం సభకే ప్రతిపాదించింది.   మరోవైపు రోజా సస్పెన్షన్ వ్యవహారంపై న్యాయవాది గోపాలకృష్ణ కళానిధి హైకోర్టులో పిల్ దాఖలు చేశారు. హైకోర్టు ఇచ్చిన ఉత్తర్వుల ధిక్కరణకు పాల్పడినందుకు చంద్రబాబు, స్పీకర్ పై క్రిమినల్ చర్యలు తీసుకోవాలని పిటిషన్లో పేర్కొన్నారు. దీనిపై విచారణ రేపటికి వాయిదా పడింది.

టీడీపీ నేతలు మృతి.. చంద్రబాబు, లోకేశ్ దిగ్భ్రాంతి

చిత్తూరు జిల్లాలో ఘోర ప్రమాదం చోటుచేసుకుంది. ఈ ప్రమాదంలో ముగ్గురు టీడీపీ నేతలు మృతి చెందారు. వివరాల ప్రకారం.. ఈ రోజు తెల్లవారుజామున చిత్తూరు నగర శివారు యాదమరి మండలం ముత్తిరేవుల క్రాస్ వద్ద చెన్నై-బెంగళూరు హైవేపై లారీ-బోలేరు ఢీకొట్టుకున్నాయి. ఈ ప్రమాదంలో కుప్పంలోని శాంతిపురం మండల టీడీపీ అధ్యక్షుడు వెంకటమునిరెడ్డి, పార్టీ నేతలు బాలకృష్ణ, సురేశ్ లు మృతి చెందగా.. సర్పంచ్ గోపాల్ పరిస్థితి విషమంగా ఉన్నట్టు తెలుస్తోంది. ఓ వివాహ కార్యక్రమానికి హాజరై వస్తుండగా ఈ ప్రమాదం జరిగింది. మరోవైపు ఈప్రమాదం గురించి తెలుసుకున్న చంద్రబాబు, లోకేశ్ లు షాక్ కు గురయ్యారు. వెంటనే పార్టీ చిత్తూరు జిల్లా నేతలకు ఫోన్ చేసి వివరాలు తెలుసుకున్న వారిద్దరూ చనిపోయిన పార్టీ నేతల కుటుంబాలకు తమ ప్రగాఢ సానుభూతిని ప్రకటించారు.

ఇండియాతో ఓడిపోయినందుకు ఆఫ్రిదిపై వేటు

  టీం ఇండియా చేతిలో ఓడిపోయిన పాకిస్థాన్ మరీ చెత్తగా ఏమీ ఆడలేదు. కానీ ఆ ఓటమి హీట్ మాత్రం కెప్టెన్ కు గట్టిగా తగలబోతోంది. వరల్డ్ కప్ లో పాకిస్థాన్ ఆటతో సంబంధం లేకుండా, ఆఫ్రిదిని కెప్టెన్ గా, వకార్ ను కోచ్ గా తప్పించాలని డిసైడైపోయిందట పాకిస్థాన్ బోర్డు. దీనిక సంబంధించిన కథనాలు ఆ దేశ మీడియాలో వెలువడుతున్నాయి. వరల్డ్ కప్ గెలిచినా కూడా, ఈ నిర్ణయంలో మార్పు లేదట. కానీ నిజానికి, ఆఫ్రిదిని తప్పించడం వెనుక, పాక్ కంటే భారత ప్రేక్షకులే తమపై ఎక్కువ ప్రేమను చూపిస్తారని ఆఫ్రిది ఇచ్చిన స్టేట్ మెంటే కారణమని తెలుస్తోంది. ఆ స్టేట్ మెంట్ పై పాక్ ప్రజలే కాక, బోర్డు కూడా గుర్రుగానే ఉంది. ఆ స్టేట్ మెంట్స్ ఆఫ్రిది కెరీర్ నే ముగిసిపోయేలా చేసినట్టున్నాయి. ఈ వరల్డ్ కప్ తర్వాత ఆఫ్రిది మళ్లీ పాక్ కు ఆడటం అనుమానమే..

పోరాడి ఓడిన పసికూన ఆప్ఘాన్, సౌతాఫ్రికా గెలుపు

  సౌతాఫ్రికాతో మ్యాచ్ లో 209 పరుగుల లక్ష్యంతో బరిలోకి దిగిన ఆఫ్ఘాన్ పోరాడి ఓడింది. టోర్నీ ఓడిపోయినా, అందరి మనసులూ గెలుచుకుంది. బ్యాటింగ్ లో ఓపెనర్ మొహ్మద్ షాజాద్ ఇరగదీశాడు. కేవలం 19 బంతుల్లో 44 పరుగులతో సఫారీలకు చెమటలు పట్టించాడు. తర్వాత వచ్చిన వాళ్లు కూడా ధాడిగా ఆడటానికి ప్రయత్నించి అవుటయ్యారు. 20 ఓవర్లలో, సౌతాఫ్రికా లాంటి బౌలింగ్ లైనప్ పై 172 పరుగులకు ఆలౌట్ అయింది ఆఫ్ఘాన్ టీం. ఓడిపోయినా, తమ పోరాటంతో అందర్నీ ఆకట్టుకుంది. సఫారీ బౌలర్లలో రబాడా, అబ్బాట్, తాహిర్ లకు తలో రెండు వికెట్లు లభించగా, క్రిస్ మోరిస్ 4 వికెట్లతో రాణించాడు. మ్యాన్ ఆఫ్ ది మ్యాచ్ కూడా క్రిస్ మోరిస్ కే లభించింది.  

పసికూనకు సౌత్ ఆఫ్రికా భారీ లక్ష్యం, డివిలియర్స్ వీరంగం

  వరల్డ్ కప్ లో భాగంగా ఈరోజు జరుగుతున్న సౌతాఫ్రికా, ఆఫ్ఘనిస్థాన్ మ్యాచ్ లో, సౌతాఫ్రికా చెలరేగిపోయింది. వరసగా రెండో సారి ప్రత్యర్ధి టీం కు 200 పైగా స్కోరును నిర్దేశించింది. డివిలియర్స్ (29 బంతుల్లో 64) వీర విహారం చేశాడు. బ్యాటింగ్ కు వచ్చిన ప్రతీ ఒక్కరూ బ్యాట్ ఝళిపించడంతో, టోర్నీలో వరసగా రెండో సారి 200 స్కోరును దాటగలిగింది సౌతాఫ్రికా. ఈ ఘనత సాధించిన మొదటి టీం సౌతాఫ్రికాయే కావడం విశేషం. ఇంతకు ముందు ఇంగ్లాండ్ తో జరిగిన మ్యాచ్ లోనూ 229/4 స్కోర్ చేసిన సంగతి తెలిసిందే. కానీ ఇంగ్లాండ్ అద్భుత ప్రదర్శనతో, సౌతాఫ్రికా ఓడిపోయింది.

భారీగా బరువు తగ్గిపోయిన అంబానీ కొడుకు

భారతదేశానికి కుబేర కుటుంబం అంబానీ ఫ్యామిలీ. దేశంలో అంబానీలు అడుగుపెట్టని రంగమే లేదు. డైరెక్ట్ గానో, ఇన డైరెక్ట్ గానో చాలా వాటిలో వీళ్ల భాగస్వామ్యం ఉంది. ముంబై ఇండియన్స్ మ్యాచ్ ల టైం లో మీరు అంబానీ తనయుడిని చూశారా. భారీ కాయంతో ఉన్న ఆ అంబానీ వారసుడి పేరు అనంత్ అంబానీ. చిన్నప్పటి నుంచి అతి గారాబం కారణంగా, కాస్త ఒళ్లు చేశాడు. అతని వెయిట్ గురించి కామెంట్స్ చేయవద్దని, అప్పట్లో ముఖేష్ అంబానీ మీడియాకు రిక్వెస్ట్ లు, ఆర్డర్లు కూడా పాస్ చేశాడు. లేటెస్ట్ గా ఈ అనంత్ అంబానీ 70 కేజీల బరువును తగ్గించేశాడు. ఎలా ఉండేవాడు ఎలా అయిపోయాడో మీరే చూడండి.   అంతకు 140 కేజీలున్న వాడు కాస్తా, ఇప్పుడు 70 కేజీలకు వచ్చేశాడు. తాజాగా గుజరాత్ లోని సోమనాథ్ ఆలయానికి దర్శనానికి వచ్చిన అంబానీని చూసి, అందరూ షాకయ్యారు. ఒక అమెరికన్ ఫిట్ నెస్ ట్రైనర్ ఆధ్వర్యంలోనే, కష్టపడి తన బరువును కరిగించాడట అనంత్ అంబానీ. అనంత్ కాకుండా ముఖేష్ అంబానీకి ఆకాశ్ అంబానీ , ఇషా అంబానీ అనే ఇద్దరు పిల్లలు ఉన్నారు.

టీం ఇండియా బోణీ, చితగ్గొట్టిన కోహ్లీ

  టి20 వరల్డ్ కప్ లో భారత్ బోణీ కొట్టింది. చిరకాల ప్రత్యర్ధి పాక్ పై కష్టమైన పిచ్ మీద కూడా అద్భుతంగా రాణించాడు కోహ్లీ. తనను ఛేజింగ్ కింగ్ అని ఎందుకంటారో ప్రూవ్ చేసుకున్నాడు. తనకు అలవాటైన చివరి బాల్ సిక్స్ బదులు, లాస్ట్ బట్ వన్ బంతిని సిక్స్ కొట్టి ధోని లాంఛనాన్ని పూర్తి చేశాడు. నిలవాలంటే గెలవాల్సిన మ్యాచ్ లో టీం ఇండియా నిలిచి గెలిచింది.18 ఓవర్లలో 119 పరుగుల లక్ష్యాన్ని 15.5 ఓవర్లలో 6 వికెట్లతో గెలుపొందింది. విరాట్ పోరాటం అతని కెరీర్లో వన్ ఆఫ్ ది బెస్ట్ గా నిలిచిపోతుంది. కష్టమైన పిచ్, పాకిస్థాన్ తో మ్యాచ్, పెవిలియన్ కు క్యూ కడుతున్న సహచరులు, ఇలాంటి సమయంలో టీం కు ఇరుసులా నిలిచి 37 బంతుల్లో 55 పరుగులతో నాటౌట్ గా నిలిచాడు కోహ్లీ. ఒకానొక టైం లో, న్యూజిలాండ్ మ్యాచ్ రిపీట్ అవుతుందని భారత అభిమానులు భయపడినా, కోహ్లీ ఉన్నంత వరకూ ఏం కాదులే అన్న భరోసాతో ఉన్నారు. నిజంగానే కోహ్లీ తనకు అలవాటైన రీతిలోనే మళ్లీ ఇండియాను గెలిపించాడు. 18 ఓవర్ల ఈ మ్యాచ్ లో మొదట బ్యాటింగ్ చేసిన పాక్ భారత అద్భుత బౌలింగ్ వల్ల 5 వికెట్ల నష్టానికి 118 పరుగులు మాత్రమే చేయగలిగింది. పాకిస్థాన్ బ్యాట్స్ మెన్ లో అహ్మద్ షెహజాద్ (25), షోయబ్ మాలిక్ (26), ఉమర్ అక్మల్ (22) రాణించారు. భారత బౌలర్లలో నెహ్రా, బుమ్రా, జడేజా, రైనా, పాండ్యాలకు తలో వికెట్ దక్కింది. టీం ఇండియా ఇన్నింగ్స్ లో రోహిత్ (10, 11 బంతుల్లో) అనవసర షాట్ కు అవుటైతే, ధావన్ (6, 15 బంతుల్లో) పరుగులు చేయడానికి కష్టపడ్డాడు. వన్ డౌన్ లో వచ్చిన కోహ్లీ ఎప్పటిలాగే, తన ఛేజింగ్ కింగ్ పేరును నిలబెట్టుకున్నాడు. అతని 55 పరుగుల ఇన్నింగ్స్ లో 7 ఫోర్లు, ఒక సిక్స్ ఉన్నాయి. యువరాజ్(24, 23 బంతుల్లో) ఫామ్ లో ఉన్నట్టే కనిపించినా, త్వరగా గేమ్ ను ముగించే ప్రయత్నంలో అవుటయ్యాడు. చివర్లో వచ్చిన ధోనీ (13, 9 బంతుల్లో) నాటౌట్ గా నిలిచాడు. ఓవరాల్ గా పాయింట్స్ పట్టికలో అకౌంట్ ఓపెన్ చేసిన టీం ఇండియా,రెండు మ్యాచ్ ల్లో, ఒక గెలుపు, 2 పాయింట్లతో మూడో స్థానంలో నిలిచింది. ఆడిన రెండు మ్యాచ్ లూ గెలిచిన న్యూజిలాండ్ టాప్ లో ఉండగా, రెండు మ్యాచ్ లాడి ఒకటే గెలిచి పాయింట్లలో ఇండియాతో సమానంగా ఉన్నా, మెరుగైన రన్ రేట్ కారణంగా రెండో స్థానంలో ఉంది పాకిస్థాన్. నాలుగు ఐదు స్థానాల్లో ఆస్ట్రేలియా, బంగ్లాదేశ్ ఉన్నాయి. ఈ రెండు టీమ్ లు ఇంకా అకౌంట్ ఓపెన్ చేయలేదు.

ఇండియా పాకిస్థాన్ మ్యాచ్ : జనగణమన పాడిన అమితాబ్

  ఇండియా పాక్ మ్యాచ్ లో ప్రతీ సారిలా కాకుండా, ఈసారి వైవిధ్యంగా మొదలైంది. భారత జాతీయ గీతాన్ని అమితాబ్ బచ్చన్ ఆలపించారు. అద్భుతంగా రాగయుక్తంగా అమితాబ్ పాడటం విశేషం. అమితాబ్ తో పాటు, స్టేడియం అంతా జనగణమనను ఆలపించడంతో, చూసేవారి రోమాలు నిక్కబొడుచుకున్నాయి. జాతీయగీతం అవగానే ధోనీసేన పిచ్ వద్దకు చేరుకుంది. వర్షం పడిన కారణంగా, టీం ఇండియా బౌలింగ్ ఎంచుకుంది. మొదటి ఓవర్లలో తడిగా ఉన్న అవుట్ ఫీల్డ్ పై పాకిస్థాన్ కు పరుగులు రావడం కష్టమవ్వచ్చు. సెకండ్ ఇన్నింగ్స్ వచ్చేసరికి పిచ్ బ్యాటింగ్ కు బాగా అనుకూలించే అవకాశం ఉంది.

ఇండియా పాకిస్థాన్ మ్యాచ్ : టాస్ గెలిచి బౌలింగ్ ఎంచుకున్న టీం ఇండియా

  వరల్డ్ టి20లో పాకిస్థాన్ తో మ్యాచ్ లో టీం ఇండియా టాస్ గెలిచింది. బహుశా డ్యూ గురించిన ఆలోచన ఉందో ఏమో గానీ, ఛేజింగ్ నే ఇష్టపడ్డాడు ఇండియా సారధి. మొదట బౌలింగ్ తీసుకున్నాడు. మరో వైపు తమ టీం బాగా ఆడుతుందనే కాన్ఫిడెన్స్ వ్యక్తం చేశాడు ఆఫ్రిది. తన టీం మీద విశ్వాసముంచాడు ధోనీ. ఏ మార్పులు చేయకుండా అదే టీంతో బరిలోకి దిగుతున్నాడు. పాకిస్థాన్ కూడా గత మ్యాచ్ లో గెలిచిన టీం లో స్పిన్ ఆల్ రౌండర్ ఇమాద్ వసీం ను తప్పించి మొహమ్మద్ సమీని తీసుకుంది.కాసేపట్లోనే మ్యాచ్ మొదలుకానుంది. మ్యాచ్ ను 18 ఒవర్లకు కుదించారు.

ఇండియా పాకిస్థాన్ మ్యాచ్ లో లెజండ్స్ ను సత్కరించిన మమతా బెనర్జీ

ఇండియా పాకిస్థాన్ మ్యాచ్ కొన్ని సత్కారాలకు వేదికగా మారింది. వెస్ట్ బెంగాల్ సిఏం మమతా బెనర్జీ మొదట పాకిస్థాన్ లెజండ్స్ ఇమ్రాన్ ఖాన్, వసీం అక్రమ్, వకార్ యూనిస్ లను శాలువా కప్పి సన్మానించారు. ఆ తర్వాత భారత దిగ్గజాలైన సునీల్ గవాస్కర్, సచిన్ టెండూల్కర్, వీరేంద్ర సెహ్వాగ్, సినీ దిగ్గజం అమితాబ్ బచ్చన్, అభిషేక్ బచ్చన్ లకు సన్మానం జరిగింది. స్టేజ్ పైకి పిలిచే ముందు ఆటగాళ్ల కెరీర్లో బెస్ట్ ఇన్నింగ్స్ ను స్క్రీన్ పై ప్రదర్శించారు. ఈ మ్యాచ్ స్టార్ట్ అయ్యే ముందు అమితాబ్ జనగణమన పాడతారని సమాచారం.

వర్షం కారణంగా ఇండియా పాకిస్థాన్ మ్యాచ్ లేట్

  కోల్ కతా లో దాయాదుల పోరు ఎప్పుడు మొదలవుతుందా అని క్రికెట్ ప్రపంచమంతా ఆసక్తిగా చూస్తుంటే, వర్షం ఆ ఎదురుచూపులను మరింతగా పెంచింది. టాస్ తో పాటు మ్యాచ్ ను కూడా అరగంట ముందుకు జరిపారు. గుడ్ న్యూస్ ఏంటంటే, నిజంగా ఎనిమిదింటికల్లా మ్యాచ్ మొదలైపోతే, ఫుల్ కోటా ఓవర్లతో మ్యాచ్ జరగడం కన్ఫామ్. ప్రస్తుతానికి వర్షం ఆగిపోయింది. కోల్ కతా వాటర్ డ్రైనింగ్ సిస్టమ్ కూడా చాలా బాగుంది. ప్రస్తుతం దేశవ్యాప్తంగా ఎక్కడ చూసినా ఈ మ్యాచ్ గురించే చర్చ వినిపిస్తోంది.   కేవలం దాయాదుల పోరు మాత్రమే కాక, ఈ మ్యాచ్ గెలవడం భారత్ కు అత్యావశ్యకం కూడా. అందుకే ఇది టీం ఇండియా అభిమానులకు చాలా ఉత్కంఠ కలిగించే మ్యాచ్ గా మారింది. పిచ్ బ్యాటింగ్ ట్రాక్ కావడంతో భారీ స్కోర్లు నమోదయ్యే అవకాశం ఉంది. టాస్ గెలిచిన టీం మొదట బ్యాటింగ్ ను ఎంచుకునే అవకాశాలు పుష్కలంగా ఉన్నాయి. మరో వైపు ఢిల్లీలో జరుగుతున్న ఇండియా పాకిస్థాన్ విమెన్ మ్యాచ్ కు కూడా వరుణుడు అడ్డొచ్చాడు. డక్ వర్త్ లూయిస్ పద్ధతిలో పాకిస్థాన్ టీం 2 పరుగులతో గెలుపొందింది. మెన్ ఇన్ బ్లూ మాత్రం, ఆ ఫలితాన్ని ఇక్కడ రానివ్వకుండా జాగ్రత్త పడతామంటున్నారు. కాసేపట్లోనే సమరానికి తెరలేవనుంది.

టీ20.. మన క్రికెటర్ల రికార్డుల మోత..

టీ20 మ్యాచ్ అంటేనే ప్రతి నిమిషం ఉత్కంఠ భరితంగా ఉండే మ్యాచ్. క్రికెట్ అభిమానుల్ని అలా కట్టిపడేసే ఈ మ్యాచుల్లో మన క్రికెటర్లు చాలా రికార్డులే బద్దలు కొట్టారు. అలా టీ 20ల్లో ఎవరు ఏం రికార్డులు సాధించారో ఓ లుక్కేయండి..                  

మ్యాచ్ జరుగుతుందోచ్.. దేశ వ్యాప్తంగా పూజలు..

టీ 20 భారత్-పాక్ ల మధ్య మ్యాచ్ జరుగుతుందా.. లేదా అన్న అనుమాలకు తెర పడింది. అయితే అలాంటి సందేహాలు ఏం వద్దు.. మ్యాచ్‌కు ఎలాంటి ఇబ్బంది లేదని కోల్‌కత్తాలోని ఈడెన్ గార్డెన్స్ స్టేడియం సిబ్బంది తెలిపారు. ఈరోజు ఉదయం కోల్ కతాలో భారీ వర్షం కురవడంతో ఈ అనుమానాలు తలెత్తాయి. మరోవైపు ఈ మ్యాచ్ కోసం క్రికెట్ అభిమానులందరూ ఎంతో ఆతృతగా ఎదురుచూస్తున్నారు. అంతేకాదు దేశ వ్యాప్తంగా ఈ మ్యాచ్ ఫీవర్ పీక్స్ కి వెళ్లిందంటే అతిశయోక్తి కాదు. కొంత మంది ఏకంగా ఇండియా గెలవాలని పూజలు కూడా చేసేస్తున్నారు. మరి ఇంకో రెండు గంటల్లో జరగబోయే మ్యాచ్ లో ఏం జరుగుతుందో ఎవరు విజయ కెరటం ఎగరేస్తారో తెలియాలంటే వెయిట్ చేయాల్సిందే.

ఇక రెండో హరిత విప్లవం- మోదీ

  వ్యవసాయంలో అనూహ్య మార్పులు వచ్చేందుకు రెండో హరిత విప్లవం రానున్నదని మోదీ తెలిపారు. అయితే మొదటి హరిత విప్లవం సాగు నీరు మీద ఆధారపడితే, రెండో హరిత విప్లవం సాంకేతికతతోనే సాధ్యమని పేర్కొన్నారు. దిల్లీలో జరుగుతున్న ‘కృషి ఉన్నతి మేళా’లో పాల్గొన్న మోదీ ఈ వ్యాఖ్యలు చేశారు. దేశంలో మార్పు రావాలంటే అది గ్రామస్థాయిలోనే సాధ్యమనీ, అలాంటి మార్పు ఒక్క రైతుల వల్లే జరగుతుందనీ మోదీ ఈ సందర్భంగా పేర్కొన్నారు. అందుకోసం వ్యవసాయ పద్ధతులలో సమూలమైన మార్పులు రావాలని సూచించారు. వ్యవసాయానికీ, పేదలకూ, గ్రామీణాభివృద్ధికీ అధిక ప్రాధాన్యత ఇవ్వడం వల్లనే... ఈ ఏడాది బడ్జెట్‌ను అందరూ మెచ్చుకుంటున్నారని మోదీ అన్నారు. మూడు రోజుల పాటు జరగనున్న ఈ ‘కృషి ఉన్నతి మేళా’లో రైతులకు ఉపయోగపడే ప్రభుత్వ పథకాల గురించి పలు శిక్షణా శిబిరాలను నిర్వహించనున్నారు. అంతేకాకుండా దాదాపు 500 కంపెనీలు, తమ వ్యవసాయ ఉత్పత్తులను ఈ మేళాలో ప్రదర్శిస్తున్నాయి.

ఇండియా గెలిస్తే ముందు.. అఫ్రిదీ సెంచరీ కొడితే వెనుక చూపిస్తానంటున్న మోడల్..

ఈ మధ్య క్రికెటర్లకు మోడళ్లు ఆఫర్ల మీద ఆఫర్లు ఇస్తున్నారు. మొన్ననే పాకిస్థాన్ మోడల్ ఒకామె.. భారత్-పాక్ మ్యాచ్లో పాక్ కనుక గెలిస్తే స్ట్రిప్ డ్యాన్స్ చేస్తానని ఓపెన్ ఆఫర్ ఇచ్చింది. ఇప్పుడు ఈ ఆఫర్ల జాబితాలో మరో మోడల్ చేరిపోయింది. ముంబై మోడల్ అర్షి ఖాన్.. ఈ మ్యాచ్‌లో టీమిండియా విజయం సాధిస్తే తన శరీరం వెనుక భాగాన్ని చూపిస్తానంటూ పేర్కొంది. అదేవిధంగా ఈ మ్యాచ్‌లో పాకిస్థాన్ కెప్టెన్ షాహిది అఫ్రిదీ సెంచరీ సాధిస్తే తన శరీర ముందు భాగాన్ని చూపిస్తానంటూ ట్విట్టర్‌లో తన సందేశాన్ని ట్వీట్ చేశారు. కాగా టోర్నీలో భాగంగా ఈరోజు కోల్‌కత్తాలోని ఈడెన్ గార్డెన్స్‌లో భారత్-పాకిస్ధాన్ మ్యాచ్ జరగనున్న సంగతి తెలిసిందే. మరి ఈ మ్యాచ్లో ఎవరూ గెలుస్తారో..?

పవన్ కళ్యాణ్ సర్దార్ గబ్బర్ సింగ్ ప్రెస్ మీట్.. హైలైట్స్

  పవన్ కళ్యాణ్ సర్దార్ గబ్బర్ సింగ్ ప్రెస్ మీట్.. హైలైట్స్ *  నోవాటెల్ లో ఆడియో ఫంక్షన్ *  పోలీసుల కొన్ని నిబంధనలు పెట్టారు *  నోవాటెల్ లో పారిస్ డెలిగేట్స్ ఉంటారని *  పాస్ లేని వారు లోపలికి రావద్దు *  ఆడియో ఫంక్షన్ చేయాలా వద్దా అని ఆలోచించాం *  కేటీఆర్, హరీశ్ రావు, డీజీపీ, సీపీకి కృతజ్ఞతలు *  నేను సినిమాల గురించి మాట్లాడటం తక్కువ *  అన్నయ్య వస్తున్నాడు.. * పొలిటికల్ గురించి వద్దు సినిమాల గురించి మాట్లాడదాం..

మళ్లీ రాజకీయాల్లోకి మోహన్ బాబు.. ఏపార్టీలోకి.?

  ప్రముఖ సినీ నటుడు మోహన్ బాబు తిరిగి రాజకీయాల్లోకి ప్రవేశించబోతున్నారా అంటే అవుననే సంకేతాలే వినిపిస్తున్నాయి. ఎందుకంటే ఈ విషయాన్ని ఆయనే స్వయంగా చెప్పారు. ఈరోజు మోహన్ బాబు పుట్టినరోజు సందర్భంగా ఓ పత్రికా ఇంటర్య్వూలో పాల్గొన్న ఆయన తన రాజకీయ ఎంట్రీపై మాట్లాడారు. దీంతో ఇప్పుడు ఆయన ఏ పార్టీలో చేరుతారు అన్న విషయంపై ఆసక్తికర చర్చ జరుగుతుంది. ఎందుకంటే గతంలో మోహన్ బాబు టీడీపీ లో ఉండేవారు. అయితే పార్టీనుండి బయటకు వచ్చిన తరువాత మాత్రం మోహన్ బాబు రాజకీయాలకు దూరంగా ఉంటూనే వచ్చారు. దీంతో ఇప్పుడు బీజేపీలో చేరుతారా..? లేక వైసీపీ లో చేరుతారా అన్న సందేహాలు వస్తున్నాయి.   ఇదిలా ఉండగా ఈ మధ్యనే కాపు ఐక్య గర్జన కోసం ఉద్యమం చేపట్టిన ముద్రగడను విష్ణు కలవడంతో అప్పుడే దీనిపై చర్చ జరిగింది. అయితే ముద్రగడ పద్మనాభం తమకు చిరకాల మిత్రుడని, విష్ణు ఆ దగ్గరలో ఓ పెళ్లుంటే వెళ్లాడని, తన సూచన మేరకు ఆయనను పరామర్శించి వచ్చాడని, ఇందులో ఎలాంటి రాజకీయ ఉద్దేశాలు లేవని మోహన్ బాబు స్పష్టం చేశారు. మరి తాను ఏ పార్టీలో చేరతారో తెలుసుకోవాలంటే వెయిట్ చేయాల్సిందే

జుకెర్ బర్గ్ పై విమర్శలు.. ట్యాంకులతో తొక్కించిన ప్లేస్ లో పర్యటిస్తావా..?

ఫేస్ బుక్ పై చైనాలో నిషేదం విధించిన సంగతి తెలిసందే. అయితే ఇప్పుడు ఫేస్ బుక్ అధినేత జుకెర్ బర్గ్ అక్కడ పర్యటిస్తున్నారు. ఈ నేపథ్యంలో జుకెర్ బర్గ్ పై విమర్శలు పెద్ద ఎత్తున వస్తున్నాయి. జుకెర్ బర్గ్  ప్రపంచ దేశాల్లో రోజుకో మైలు చొప్పున పరుగెత్తడం వ్యక్తిగత లక్ష్యంగా పెట్టుకున్నారు.  దీనిలో భాగంగానే.. ఆయన తియానన్మెన్ స్క్వేర్‌ను సందర్శించారు. అయితే అక్కడ పెరిగెత్తిన దృశ్యాన్ని అక్కడి నుండే పోస్ట్ చేయడంతో విమర్శలు తెలెత్తుతున్నాయి. ఆ విమర్శలు ఏంటంటే.. * ఫేస్‌బుక్‌ను నిషేధించిన దేశంలో దాని అధిపతి పర్యటించడమా? *  26 ఏళ్ల క్రితం వేలాది మంది విద్యార్థులను ట్యాంకులతో తొక్కించిన తియానన్మెన్ స్క్వేర్‌ను సందర్శించడం ఏమిటి *  ప్రపంచంలోనే అత్యధిక జనాభా కలిగిన చైనా ప్రజలను కస్టమర్లను చేసుకోవడం కోసం జుకర్‌బర్గ్ చైనా ప్రభుత్వం గడ్డికరుస్తున్నారు. *  ప్రపంచ కాలుష్య నగరాల్లో నెంబర్ వన్‌గా నిలిచినా బీజింగ్‌లో ముఖానికి మాస్క్ కూడా లేకుండా తిరుగుతున్నావా? అంటూ కొందరు సరదాగా కామెంట్ చేశారు.