Bharyabhartala Saradalu Sarasalu

భార్యాభర్తల సరదాలు, సరసాలు

" ఏమండీ...నాకు నాకు దెయ్యాన్ని చూడాలని వుంది " అని కాస్త సిగ్గు పడుతూ

చెప్పింది భార్య.

" ఓస్ అంతేనా...! ఓసారి నిన్ను నువ్వు అద్దంలో చూసుకో సరిపోతుంది " అని పకపకా

నవ్వాడు భర్త

*******************

భర్త అన్నం తినడానికి కంచంముందు కూర్చున్నాడు.

అన్నంగిన్నెలో చూస్తే అన్నీ వెంట్రుకలే.. " ఏమేవ్...అన్నం నిండా ఈ వెంట్రుకలేంటి ?"

అని భార్యను అడిగాడు.

" ఏం చేయమంటారు మరి...హెయిరాయిల్ అయిపోయిందని వారం నుండి చెబుతున్నా

మీరు పట్టించుకుంటేనా.." రాగం తీసింది భార్య

*********

భార్యాభర్తలిద్దరు ఓ సాయంత్రం సరదాగా నడుచుకుంటూ వెళ్తున్నారు.

గాడిద ఎదురొచ్చింది.

భర్తని ఆట పట్టించాలనుకున్నభార్య "ఏమండీ మీ బంధువొస్తోంది...పలకరించండి" అంది

నవ్వుతూ.

వెంటనే భర్త "నమస్తే అత్త గారు....బాగున్నారా? నేను మీ అమ్మాయి ఈవెనింగ్ వాక్ కి

వచ్చామండి " అని పలకరించాడు ముసి ముసిగా నవ్వుతూ.

**********

" మంచి నాణ్యమైన అద్దం కొనుక్కునిరాండి. అందులో నా మొహం వెలిగిపోయేలా

కనిపించాలి " అని చెప్పి భర్తను బజారుకు పంపించింది భార్య.

భర్త బజారు మొత్తం తిరిగి ఉత్తచేతుల్తో ఇంటికొచ్చాడు.

" ఏమేవ్...ఏ షాపులో వెతికినా నా మొహమున్న అద్దం తప్పించి నీ మొహమున్న అద్దం

కనిపించలేదు" అని చెప్పాడు.

***********

భర్త ముఖం మటమటలాడించుకుంటూ భోం చేస్తున్నాడు.. భార్య మెల్లగా దగ్గరికొచ్చింది..

" మీరంత కష్టంగా తినాల్సిన పనిలేదులెండి. సంతోషంగానే తినొచ్చు.. ఎందుకంటే

ఇవాళ వంట చేసింది నేనుకాదు.. మీ అమ్మగారే.. " అని చురకంటించి చక్కాపోయింది.