మాజీ ప్రియుడు

బజారులో అనుకోకుండా కలిసిన ఊర్వశి, మేనక చాలా సంతోషంగా మాట్లాడుకుంటూ

ముందుకు వెళుతున్నారు.

ఇంతలో ఒక బిచ్చగాడు వాళ్ళిద్దరికీ ఎదురుగా వచ్చాడు.

" అమ్మా... కొంచెం దయ చూపించండి..ఎంతోకొంత దానం చేయండి తల్లీ " అని

అర్ధించాడు ఆ బిచ్చగాడు.

ఊర్వశి, తన బ్యాగులో నుండి వంద రూపాయల నోటు తీసి ఆ బిచ్చగాడి గిన్నెలో వేసింది.

వంద రూపాయల నోటును చూసిన బిచ్చగాడు ఆనందంగా కేరింతలు కొడుతూ అక్కడి

నుండి ముందుకు వెళ్ళిపోయాడు.

" ఎందుకే ఆ బిచ్చగాడికి వంద వేశావు ? " అని అడిగింది మేనక.

" పాపం అతను ఇంతకు ముందు అలాంటి నోట్లు నా కోసం చాలా ఖర్చు చేశాడులేవే...."

అని గబుక్కున నాలిక్కరుచుకుంది ఊర్వశి.

" అంటే అతను..."

" నా మాజీ ప్రియుడు " అని సిగ్గుపడుతూ చెప్పింది ఊర్వశి.

" ఆ..." అని ఆశ్చర్యంగా నోరు తెరిచింది మేనక.