కొబ్బరినూనె కొవ్వును కరిగిస్తుందా...

 

కొబ్బరినూనె కొవ్వును కరిగిస్తుందా?

 

 

నువ్వుల నూనె, వేరుశనగ నూనె, సన్ ఫ్లవర్ ఆయిల్ అంటూ రకరకాల నూనెలతో వంటలు చేస్తుంటాం. ఇప్పుడు ఆలివ్ ఆయిల్ వెంట పడుతున్నాం. అయితే మనకి ఎప్పట్నుంచో పరిచయం ఉన్న కొబ్బరి నూనెతో వంట చేయాలని మాత్రం అనుకోం. ఎందుకంటే అది మన దృష్టిలో తలకు రాసుకునేది. మన కురుల సిరులను పెంచి పోషించేది. కానీ నిజానికి కొబ్బరి నూనెతో వంట చేస్తే ఆరోగ్యానికి ఎంత మంచిదో తెలుసా?

కొబ్బరినూనెలో మాధ్యమిక ట్రైగ్లిజరైడ్ ల్యూరిక్ యాసిడ్ జీవక్రియను ప్రేరేపిస్తుంది. దానివల్ల శరీరంలో కొవ్వు పేరుకోదు. శక్తిగా రూపాంతరం చెందుతుంది. దీనిలో ఉండే లాంగ్ చెయిన్ ఫ్యాటీ యాసిడ్స్ శరీరంలోని పలు భాగాల్లో పేరుకునే కొవ్వును కరిగిస్తుంది. దీనికి ఆకలిని నియంత్రించే శక్తి కూడా ఉంది. దానివల్ల ఉపయోగమేంటో తెలుసు కదా? తక్కువ తిండి... తక్కువ బరువు.

అది మాత్రమే కాదు... ఇది ఇన్సులిన్ విడుదల సక్రమంగా జరిగేలా చేస్తుంది. తద్వారా టైప్ 2 డయాబెటిస్ బారిన పడకుండా కాపాడుతుంది. దీనిలో ఉండే లారిక్, కాప్రిలిక్ యాసిడ్ల వంటివి రోగ నిరోధక శక్తిని మెరుగు పరుస్తాయి. పలు ఫంగల్, వైరల్ ఇన్ఫెక్షన్ల నుంచి రక్షిస్తాయి. కొబ్బరినూనె హార్మోన్ల అసమతుల్యతను క్రమబద్దీకరించి, శారీరక మానసిక ఆరోగ్యాన్ని ఇనుమడింపజేస్తుంది.

ఇదీ కొబ్బరి నూనె కహానీ. కాబట్టి... కేరళవాళ్లు కొబ్బరి నూనెను వంటకాల్లో ఉపయోగిస్తారట అని చెప్పుకోవడం కాకుండా... మీరు కూడా ఇక మీదట ఆ పనే చేయండి. ఆరోగ్యంగా ఉండండి.

- Sameera