లాస్యను గట్టిగా కావలించుకున్న రవి!
on May 8, 2021
బుల్లితెర మీద ఒకప్పుడు లాస్య, రవి తెగ హడావిడి చేసేవారు. వీళ్లది హిట్ పెయిర్ కావడంతో వరుసగా ఎన్నో షోలను హోస్ట్ చేసే ఛాన్స్ దక్కించుకున్నారు. ఆ తరువాత ఇద్దరి మధ్య గొడవలు జరగడం, విడిపోవడంతో ఎవరికి వారే అన్నట్లుగా మారిపోయారు. అలా దాదాపు ఐదేళ్లు గడిచిపోయాయి. గతేడాది లాస్య బిగ్ బాస్ షోలో పాల్గొంది. ఆ షో నుండి బయటకి వచ్చినప్పటి నుండి రవితో మళ్లీ క్లోజ్ అయింది.
వీరిద్దరూ కలిసి ఓ ఈవెంట్ ను హోస్ట్ చేశారు. ఇద్దరూ కలిసి ప్రోగ్రాం చేయడంతో ఫ్యాన్స్ ఫుల్ ఖుషీ అయ్యారు. సంక్రాంతి ఈవెంట్ తో కలిసిన వీరు.. ఇప్పుడు మళ్లీ బిజీ పెయిర్ గా మారారు. ప్రస్తుతం రవి, లాస్య 'కామెడీ స్టార్స్' షోలో సందడి చేస్తున్నారు. బిగ్ బాస్ షో వలన లాస్యకు మళ్లీ మునుపటి క్రేజ్ వచ్చేసింది. అలా ఇప్పుడు లాస్య మరోసారి బుల్లితెరపై తన సత్తా చాటుతోంది. రవితో కలిసి ఒకప్పటి మ్యాజిక్ ను రీ క్రియేట్ చేస్తోంది. 'కామెడీ స్టార్స్' షోలో టాలీవుడ్ హిట్ సినిమాలను స్పూఫ్ లుగా చేస్తూ కామెడీ పండిస్తున్నారు.
ఇదివరకు 'ఉప్పెన', 'నరసింహా' వంటి సినిమాలను తమ స్టైల్ లోకి మార్చుకొని రవి, లాస్య చేసిన స్పూఫ్ లు బాగా వైరల్ అయ్యాయి. తాజాగా మరో స్పూఫ్ తో ప్రేక్షకుల ముందుకు రాబోతున్నారు. 'నువ్వొస్తానంటే నేనొద్దంటానా' సినిమా స్పూఫ్ లో హీరోయిన్ త్రిష పాత్రలో లాస్య, సిద్ధార్థ్ గా రవి నటించారు. ఇక రవి ఎంట్రీ సీన్ లో లాస్యను వెనుక నుంచి గట్టిగా కావలించుకున్నాడు. లాస్య తన డిఫరెంట్ మ్యానరిజంతో ఆకట్టుకుంది. ఈ సీన్కు అందరూ చప్పట్లు చరిచారు. ఈ వీడియోను సోషల్ మీడియాలో ఫ్యాన్స్ వైరల్ చేస్తున్నారు. మొత్తానికి లాస్య-రవి జోడీ మరోసారి బుల్లితెరపై తమ కెమిస్ట్రీతో రచ్చ చేస్తోంది!
Also Read