ఆ హీరోతో సినిమా అనగానే హీరోయిన్లు డ్రాప్ అయ్యారు
on Jul 16, 2018
సత్యం రాజేష్! సుమంత్ నటించిన సత్యం సినిమాతో మంచి పేరు తెచ్చుకుని అదే సినిమాని, తన పేరుకి జోడించుకున్న నటుడు. ఆ తర్వాత తన కెరీర్లో పెద్ద హిట్లేమీ లేకపోయినా, దొరికిన ప్రతి అవకాశాన్నీ రెండుచేతులా అందిపుచ్చుకున్నాడు. ఇండస్ట్రీని వదలకుండా ఉన్నాడు. ఆ డెడికేషన్ ఇప్పటికి కలిసొచ్చింది. ఏకంగా హీరో అవకాశాన్నే అందించింది. రాజ్కిరణ్ దర్శకత్వంలో వాస్తవ సంఘటనల ఆధారంగా ‘విశ్వామిత్ర’ అనే హారర్ మూవీని నిర్మిస్తున్నారు. అందులో సత్యం రాజేష్ కథానాయకుడిగా నటిస్తున్నాడు. విచిత్రం ఏమిటంటే... దర్శకుడు ఈ సినిమా స్ర్కిప్ట్ తీసుకుని చాలామంది హీరోయిన్ల దగ్గరకు వెళ్లారట. కథంతా ఆసక్తిగా విన్న హీరోయిన్లు సినిమా చేసేందుకు ఒప్పుకున్నారట. తీరా అందులో సత్యం రాజేష్ హీరో అని తెలియగానే డ్రాప్ అయిపోయారట. చివరికి నందితరాజ్ ఈ సినిమా చేసేందుకు ఒప్పుకుందట.