సినిమా ఫ్లాపయితే వెధవలా చూస్తారు
on Jul 16, 2019
పూరి జగన్నాథ్ ఫుల్ ఫామ్లో ఉన్నప్పుడు ఇండస్ట్రీ అంతా అతడి వెనుక తిరిగింది. స్టార్ హీరోలు, బడా బడా నిర్మాతలు అతడితో సినిమా చేయడానికి ఎగబడ్డారు. ఫ్లాపులు వచ్చేసరికి పరిశ్రమ తీరు మారిందా? 'ఇస్మార్ట్ శంకర్' విడుదల సందర్భంగా ఇచ్చిన ఇంటర్వ్యూలో పూరి జగన్నాథ్ వ్యాఖ్యలు చూస్తే అలాగే ఉన్నాయి. "సినిమా హిట్ అయితే వెధవను కూడా జీనియస్లా చూస్తారు. ఒకవేళ ప్లాప్ అయితే జీనియస్ను కూడా వెధవలా చూస్తారు" అని పూరి అన్నారు. 'టెంపర్' తరవాత తనకు సరైన హిట్ లేదని, ఎలాగైనా హిట్ కొట్టాలని కొత్తగా అలోచించి 'ఇష్మార్ట్ శంకర్' చేశానని పూరి జగన్నాథ్ తెలిపారు. సినిమాలో రామ్ క్యారెక్టర్, క్యారెక్టరైజేషన్ హైలైట్ అనీ... చాలా ఎంటర్టైనింగ్గా సాగుతుందని ఆయన తెలిపాడు. ఒక హాలీవుడ్ సినిమా నుంచి ఇన్స్ఫైర్ అయిన కాన్సెప్ట్తో కథ రాశానని పూరి ఒప్పుకున్నారు. ఆల్రెడీ 'ఇస్మార్ట్ శంకర్' సీక్వెల్ కథ, 'డబుల్ ఇస్మార్ట్' టైటిల్ రిజిస్టర్ చేయించిన పూరి జగన్నాథ్... సినిమా హిట్ అయితే వెంటనే దాన్ని ప్రారంభించాలని అనుకుంటున్నారు.