ప్లాప్ డైరెక్టర్ కి నమ్రత అవకాశం
on Aug 22, 2019
తెలుగులో ప్లాప్ సినిమాలకు కేరాఫ్ అడ్రస్ గా నిలిచే డైరెక్టర్ మెహర్ రమేష్ అని చెప్పొచ్చు. షాడో తర్వాత ఇంతవరకు ఈయన డైరెక్షన్ లో ఏ సినిమా రాలేదు. అయితే అల్లు అరవింద్ , హీరో మహేష్ లాంటి బిగ్ సినీ పర్సనాలిటీస్ తో మాత్రం సన్నిహితం గా ఉంటూ వస్తున్నారు. ఇక త్వరలో మెహర్ రమేష్ డైరెక్టర్ గా రీ ఎంట్రీ ఇవ్వబోతున్నట్లు ప్రచారం జరుగుతోంది. ఒకసారి ఆ వివరాల్లోకి వెళితే... మహేష్ బాబు నిర్మాణ రంగం లోకి అడుగుపెడుతూ.. వెబ్ సిరీస్ తో పాటు సినిమాలు కూడా నిర్మిస్తోన్న సంగతి తెలిసిందే. అయితే దీనికి సంబంధిచిన పనులన్నీ మహేష్ వైఫ్ చూసుకుంటున్నారు. ఇప్పటికే అడివి శేష్ తో `మేజర్` సినిమాను నిర్మిస్తోన్న నమ్రత ఒక వెబ్ సిరీస్ నిర్మించడానికి ప్లాన్ చేస్తోంది. అయితే ఆ వెబ్ సిరీస్ కి మెహెర్ రమేష్ దర్శకత్వం వహించబోతున్నాడట. త్వరలో దీనిపై అధికారిక ప్రకటన వచ్చే అవకాశాలున్నాయని అంటున్నారు. అయితే మెహర్ రమేష్ మాత్రం అలాంటిదేం లేదని, ప్రస్తుతానికి తనకి వెబ్ సిరీస్ డైరెక్ట్ చేసే ఆలోచన లేదని ఈ వార్తలను కొట్టిపారేస్తున్నారు.