వయసు... కెమిస్ట్రీ... రకుల్ కామెంటరీ!
on May 27, 2019
ఐదు పదుల వయసున్న హీరోల పక్కన పాతికేళ్ల కుర్ర హీరోయిన్లు నటించడం కొత్తేమీ కాదు. హిందీ, తెలుగు, తమిళ్, కన్నడ, మలయాళం... ప్రతి సినిమా ఇండస్ట్రీలోనూ ఎప్పటి నుంచో ఈ సంస్కృతి ఉంది. హీరో హీరోయిన్ల మధ్య ఏజ్ గ్యాప్ కామన్. అయితే... ఏజ్ గ్యాప్ కథాంశంతో ఈ మధ్య హిందీ సినిమా 'దే దే ప్యార్ దే' వచ్చింది. అందులో రకుల్ హీరోయిన్. తాజా ఇంటర్వ్యూలో ఈ ఏజ్ గ్యాప్ గురించి ఆమె మాట్లాడింది. "వయసు ముఖ్యం కాదు. హీరో హీరోయిన్ల మధ్య కెమిస్ట్రీ ముఖ్యం. రియల్ లైఫ్లో 50 ఏళ్ళ పురుషుడు, 26 ఏళ్ళ అమ్మాయితో ప్రేమలో పడితే ఏవేవో మాట్లాడతారు. అసలు, ఇద్దరు వ్యక్తులు హ్యాపీగా ఉన్నంతకాలం వయసు గురించి మాట్లాడకూడదు" అని రకుల్ చెప్పింది. 'మన్మథుడు 2' కథేంటో చెప్పలేను కానీ... అందులోనూ యంగ్ గాళ్గా నటిస్తున్నట్టు ఆమె తెలిపింది. నాగార్జున సినిమాలోనూ ఏజ్ గ్యాప్, ఓల్డ్ ఏజ్ మ్యాన్ -యంగ్ ఏజ్ అమ్మాయి మధ్య రొమాన్స్ ఏదో ఉండి ఉంటుందన్నమాట! 'దే దే ప్యార్ దే' తరవాత హిందీ, తమిళ సినిమాల్లో నటిస్తుండటం వల్ల తెలుగులో అవకాశాలు వచ్చినా నటించలేకపోయానని, కావాలని తెలుగు సినిమాలకు దూరం కాలేదని, ఏ భాషలోనైనా మంచి సినిమాలు చేయడమే తనకు ముఖ్యమని రకుల్ సెలవిచ్చింది.