బ్లాక్ బ్యూటీ తల్లికాబోతుందా..?
on Nov 7, 2016
ప్రజంట్ బాలీవుడ్లో ప్రెగ్నెంట్ అవుతోన్న భామల లిస్ట్ పెరిగిపోతోంది. సైఫ్ అలీఖాన్ భార్య కరీనా కపూర్ మరికొద్ది నెలల్లో ఒక బిడ్డకు జన్మనివ్వబోతుండగా..తాజాగా బాలీవుడ్ బ్లాక్ బ్యూటీ బిపాసా బసు కూడా తల్లికాబోతున్నట్లు బి-టౌన్లో పుకార్లు షికారు చేస్తున్నాయి. అలోన్ సినిమా షూటింగ్ టైంలో బిపాసా, కరణ్ల మధ్య ప్రేమ చిగురించింది. అనంతరం పెద్దల అంగీకారంతో మే నెలలో ఈ జంట ఒక్కటైంది. నిప్పు లేనిదే పొగ రాదన్నట్లు గత నెల రోజుల నుంచి బిపాసా..భర్త కరణ్తో కలిసి ముంబైలో పేరు మోసిన గైనకాలజిస్టులను కలుస్తోందట..దీంతో బిపాసా గర్భవతి అయివుంటుందని హిందీ జనాలు గుసగుసలాడుకుంటున్నారు. ఈ విషయం మీడియా చెవిన పడటంతో దీనిపై ఛానెల్స్, వెబ్సైట్లలో కథనాలు వెలువడుతున్నాయి. ఈ విషయమై బిపాసా, కరణ్లను మీడియా ప్రశ్నించగా ఇద్దరూ నోరుమెదపడం లేదు. అయినా విషయం ఎన్నాళ్లని లోపల దాస్తారు..అతి త్వరలోనే బయటకు రాక తప్పదు కదా..