అమ్మాయిలే అబ్బాయిని బుక్ చేసుకుంటే?
on Dec 9, 2019
సౌతిండియన్ స్టార్ డైరెక్టర్ తీసిన ‘బాయ్స్’ చూశారా? హీరో అండ్ ఫ్రెండ్స్ కలిసి ఒక రోజు ఆంటీని బుక్ చేసుకుంటారు. అప్పట్లో ఆ సన్నివేశంపై చాలామంది విమర్శించారు. మరి, ‘అనుకున్నది ఒక్కటి అయినది ఒక్కటి’ ట్రైలర్ చూస్తే ఏమంటారో? అమ్మాయిలే ఓ అబ్బాయుని బుక్ చేసుకున్న కాన్సెప్ట్తో ఈ సినిమా తెరకెక్కినట్టు ట్రైలర్ చూస్తే తెలుస్తుంది. కొంచెం బోల్డ్గానే తీసినట్టున్నారు.నలుగురు అమ్మాయిలు... ఒకరు సింగిల్గా ఉన్న అమ్మాయి. అబ్బాయి బుగ్గ మీద ముద్ద పెట్టలేదని బాధపడుతుంది. మరొకరు అమ్మాయి ఫ్యాషన్ డిజైనర్. భర్తతో శృంగార సుఖం లేదని ఫీలయ్యే పెళ్లైన అమ్మాయి ఇంకొకరు. నాలుగో అమ్మాయి జర్నలిస్ట్. ఈ నలుగురూ గోవా వెళ్లి ఒక అబ్బాయిని బుక్ చేసుకుంటారు. నేను ముందంటే నేను ముందంటూ గొడవ పడతారు. కట్ చేస్తే... వీళ్ల హోటల్ గదిలో ఉండగా అతడు మరణిస్తాడు. ఆ తర్వాత ఏమైందనే కథతో థ్రిల్లర్గా తీసినట్టున్నారు. అసలే ఓ పక్క... ఓ అమ్మాయిని నలుగురు అత్యాచారం చేసి, హత్య చేసిన ఘటనపై దేశమంతా ఊగిపోతుంటే? శృంగార సుఖం కోసం నలుగురు అమ్మాయిలు అబ్బాయిని బుక్ చేసుకునే కాన్సెప్ట్తో సినిమా తీయడం ఏంటో? దీనిపై మహిళా సంఘాలు అభ్యంతరం వ్యక్తం చేసే అవకాశాలు ఎక్కువగా కనిపిస్తున్నాయి.