వరుణ్ తేజ్ 'ముకుంద' ఫస్ట్ లుక్ అదుర్స్
on Aug 21, 2014
నటుడు నాగబాబు కుమారుడు వరుణ్ తేజ్ హీరోగా నటిస్తున్న'ముకుంద' ఫస్ట్ లుక్ పోస్టర్ రిలీజైంది. రేపు మెగాస్టార్ బర్త్ డే కానుకగా అభిమానుల కోసం ముకుంద పోస్టర్ విడుదల చేశారు. ఇప్పుడు ఈ పోస్టర్లు టాలీవుడ్ లో హాట్ టాపిక్ గా మారింది. ఈ పోస్టర్లలో వరుణ్ తేజ్ గెటప్ చూసినవారంతా టాలీవుడ్ టాప్ హీరోలకి గట్టి పోటీ ఇవ్వడ౦ ఖాయమని భావిస్తున్నారు. యువతతో పాటు కుటుంబ ప్రేక్షకులకు కూడా చేరువయ్యే విధంగా ఇందులో వరుణ్తేజ్ పాత్ర ఉంటుందని యూనిట్ వర్గాల సమాచారం. పూజా హెగ్డే కథానాయికగా నటిస్తున్న ఈ చిత్రానికి మిక్కీ జె.మేయర్ సంగీతాన్ని అందిస్తున్నారు.‘కొత్త బంగారులోకం’, ‘సీతమ్మ వాకిట్లో సిరిమల్లె చెట్టు’ చిత్రాలతో అభిరుచి గల దర్శకునిగా ప్రేక్షకుల కితాబులందుకున్న శ్రీకాంత్ అడ్డాల ఈ చిత్రానికి దర్శకుడన్న విషయం తెలిసిందే.