రామ్చరణ్ లేడు... చిరంజీవి మాత్రమే!
on Oct 15, 2019
కొరటాల శివ కొత్త సినిమాలో మెగాపవర్ స్టార్ రామ్చరణ్ నటించడం లేదు. మెగాస్టార్ చిరంజీవి మాత్రమే ఉన్నారు. ఆయనే హీరో. రామ్చరణ్ గానీ... మరో హీరో గానీ... ఎవరూ లేరు. కమర్షియల్ మీటర్లో, పక్కా చిరంజీవి స్టైల్లో ‘ఠాగూర్’, ‘స్టాలిన్’ టైపులో మెసేజ్ ఇచ్చేలా ఉంటుంది. ఇదీ పక్కా న్యూస్. రీసెంట్గా చిరంజీవి, రామ్చరణ్ కలిసి ఒక సినిమా చేయబోతున్నారని న్యూస్ వినిపించింది. ‘సైరా’ ప్రమోషన్స్ కోసం కేరళకు వెళ్లినప్పుడు ‘లూసిఫర్’ రీమేక్ రైట్స్ కొన్నట్టు చిరంజీవి చెప్పారు. అందులో పృథ్వీరాజ్ సుకుమారన్ ఓ క్యారెక్టర్ చేశాడు. తెలుగులోనూ ఆయన్నే చేయమని అడిగితే రామ్చరణ్ పేరును సజెస్ట్ చేసినట్టు ఆయనే చెప్పారు. కొన్ని రోజులకు కొరటాల శివ సినిమాలో రామ్చరణ్ చేస్తున్నట్టు గుసగుసలు వినిపించాయి. అసలు మేటర్ ఏంటంటే... కొరటాల శివ సినిమాలో చరణ్ లేడు. ముందుకు ఒక కథ అనుకున్నప్పుడు ఓ క్యారెక్టర్ రామ్చరణ్తో చేయిస్తే ఎలా ఉంటుందని అనుకున్నార్ట. కానీ, కథ మారింది. చిరంజీవి హీరోగా మాత్రమే సినిమా చేస్తున్నారు. ఇందులో ఇద్దరు హీరోయిన్లు ఉంటారు. హీరోయిన్స్ సెలక్షన్ త్వరలో పూర్తి చేసి, నవంబర్లో రెగ్యులర్ షూటింగ్ స్టార్ట్ చేయాలనుకుంటున్నారు.