బాహుబలి రైట్స్ కావాలంటున్న రామోజీరావు
on Jul 13, 2015
బాహుబలి శాటిలైట్ హక్కులు ఈటీవీకి దక్కబోతున్నాయా?? ఈసినిమా కావాలని స్వయంగా రామోజీరావే పట్టుపడుతున్నారా?? అవుననే అంటున్నాయి టాలీవుడ్ వర్గాలు. బాహుబలికి వెన్నంటి ఉండి, ఆర్థికంగా తన సహాయ సహకారాలు అందించారు రామోజీరావు. ఈ సినిమాలో ఎక్కువ భాగం రామోజీ ఫిల్మ్సిటీలోనే చిత్రీకరణ జరిగింది. దాంతో రాజమౌళి కూడా రామోజీకి ఫేవర్ చేయాలనుకొంటున్నాడని టాక్.
బాహుబలి శాటిలైట్ రైట్స్ కోసం జెమిని, మాటీవీ తీవ్రంగా పోటీ పడుతున్నా... ఈవీటీకే కట్టాబెట్టాలని జక్కన్న భావిస్తున్నాడట. బయట ఈ సినిమా కోసం రూ.15 కోట్లు వెచ్చించడానికి రెడీ అంటున్నా... అంతకంటే తక్కువకే ఈటీవీ చేతిలో పెట్టాలని రాజమౌళి నిర్ణయానికి వచ్చాడట. ఈటీవీ ఇప్పటి వరకూ ఇంత పెద్ద మొత్తంలో ఓ సినిమా శాటిలైట్ హక్కుల్ని కొన్నది లేదు. అయితే బాహుబలి విషయంలో మాత్రం ఆ ధైర్యం చూపిస్తోంది. బాహుబలిని ఈటీవీ సొంతం చేసుకొంటుందా, కొంటే.. ఎన్ని కోట్లు వెచ్చించబోతోంది? అనే విషయాలు తెలియాలంటే ఇంకొన్ని రోజులు ఆగాల్సిందే.