తేజ 'హోరాహోరీ' ప్రేమకథ
on Jun 6, 2015
న్యూ టాలెంట్తో సెన్సేషన్ క్రియేట్ చేయడంలో డైరెక్టర్ తేజ ఎక్స్పర్ట్. అప్పట్లో 'చిత్రం', 'జయం' లాంటి సినిమాలు అలా ఆ లిస్ట్లో చేరిన మూవీస్గా పేరు తెచ్చుకున్నాయి. ఆ తరువాత కూడా ఆయన కొత్తవారితో సినిమాలు తీశాడు. అయితే అవి ఆశించిన విజయాలను అందుకోలేకపోయాయి. కానీ అందులో నటించిన నటీనటులు మాత్రం ఎంతోకొంత గుర్తింపు పొందారు. నవదీప్, నందిత, ప్రిన్స్ లాంటి వారు ఇందుకు నిదర్శనంగా నిలిచారు. ఇదిలా ఉంటే.. 'హోరాహోరీ' పేరుతో తేజ మరోసారి న్యూ టాలెంట్ని ఎంకరేజ్ చేస్తూ సినిమాని టేకాఫ్ చేశారు. హీరోహీరోయిన్లుగా నటిస్తున్న దిలీప్, దక్షతో పాటు మరికొంత మంది నూతన తారలు ఇందులో నటిస్తున్నారు. ప్రేమకథ చిత్రంగా రూపొందిన ఈ సినిమా నిర్మాణాన్ని పూర్తిచేసుకుంది. ఈ నెలలోనే ఆడియోని, వచ్చే నెలలో సినిమాని విడుదల చేయడానికి సన్నాహాలు చేస్తున్నారు. 'అలా మొదలైంది' నిర్మాత దామోదర్ ప్రసాద్ నిర్మిస్తున్న ఈ చిత్రానికి కోడూరి కళ్యాణ్ సంగీతమందిస్తున్నారు.