అనామికగా మారిన సునీత
on Apr 16, 2014
నయనతార ప్రధాన పాత్రలో నటిస్తున్న తాజా చిత్రం "అనామిక". శేఖర్ కమ్ముల దర్శకత్వంలో తెరకెక్కుతున్న ఈ చిత్రానికి ఎంఎం కీరవాణి సంగీతం అందించాడు. ఈ చిత్రానికి సంబంధించిన "క్షణం క్షణం" అనే పాటను చిత్ర ప్రమోషన్ కోసం వాడుకున్నారు. ఈ పాట వీడియోను ఇటీవలే విడుదల చేసారు. ఈ ప్రమోషనల్ పాటలో గాయని సునీత అనామిక పాత్ర పోషించింది. ఈ సినిమాలో నయనతార తన భర్త కోసం ఎలా వెతికిందో, అతనికోసం ఎంత ఆరాటపడిందో సునీత కూడా అలాగే అభినయించింది. పాట పాడుతూనే అనామిక పాత్రలోకి వెళ్ళిపోయి భర్త కోసం వెతికేసింది. ఈ చిత్రాన్ని త్వరలోనే ప్రేక్షకుల ముందుకు తీసుకురావడానికి సన్నాహాలు చేస్తున్నారు.