తెలుగు రీమేక్స్తో సల్మాన్ హ్యాట్రిక్ హిట్
on Jul 28, 2014
బాలీవుడ్ కలెక్షన్ కింగ్ గా మారిన సల్మాన్ ప్రస్తుతం కిక్ సినిమా కలెక్షన్ల్ సందడిలో వున్నాడు. ఇప్పటికే ఈ చిత్రం 85 కోట్లు సంపాదించిందని టాకు. రంజాన్ పండుగ సెలవు రోజున ఈ సినిమా వంద కోట్ల బిజినెస్ పూర్తి చేసుకుంటుందని గట్టి నమ్మకంతో వున్నారు 'కిక్' ఫిలిం మేకర్స్.
ఇక ఈ సినిమా చూసిన ఒరిజినల్, తెలుగు 'కిక్' సినిమా రూపకర్త సురెంద్ర రెడ్డి మాత్రం ఈ సినిమా చూసి చాలా డిసపాయింట్ అయినట్లు తెలుస్తోంది. ఈ సినిమా తెలుగు సినిమాను అర్థం చేసుకున్నట్లు కానీ, సల్మాన్ ఖాన్ కి తగ్గట్టు కానీ లేదని ఆయన ఫీల్ అయినట్లు తెలుస్తోంది. మరో వైపు బాలీవుడ్ ప్రముఖ దర్శకులు కరణ్ జోహర్, సుభాష్ ఘయ్ వంటి వారు ఈ సినిమా అదిరిపోయిందటూ ట్వీట్లు చేస్తున్నారు.
ఇవన్నీ అటుంచితే సల్మాన్ ఖాన్ కి మాత్రం తెలుగు రీమేక్ లు బాగా అచ్చోస్తాయని మరోసారి ప్రూవ్ అయింది. పోకిరి, రెడీ, ఇప్పుడు కిక్ సినిమాలు తెలుగు నుంచి హిందీలో సల్మాన్ హీరోగా రూపొందిన చిత్రాలే.