నేను వికలాంగుడినే
on Dec 2, 2017
"నేను వికలాంగుడినే, నాకు నత్తి ఉండేది. అందరూ హేళన చేశారు, మా నాన్న పేరు సరిగ్గా పలకడం రాకపోయేది. పట్టుదలతో డాక్టర్ అయ్యాను, సినిమా హీరో అయ్యాను. మనం అంతా సమానం అనే భావన ఉండాలి. దివ్యాంగులు నిరుత్సాహపడకూడదు, పట్టుదలతో ముందుకు వెళ్ళాలి, నా జీవితాంతం వికలాంగులకు సహాయ పడుతా..." అని అన్నారు గరుడ వేగా తో సక్సెస్ సొంతం చేసుకున్న సినీ నటుడు రాజశేఖర్. డిసెంబర్ 3న ప్రపంచ వికలాంగుల దినోత్సవం సందర్భంగా... నెక్లెస్ రోడ్డు లోని పీపుల్స్ ప్లాజా లో దివ్యాంగుల అభివృద్ధి, సంక్షేమ కోసం అవగాహన సదస్సు.. మార్నింగ్ వాక్ కార్యక్రమం నిర్వహించారు.
ఈ కార్యక్రమానికి హీరో రాజశేఖర్ తో పాటు, ఆయన సతీమణి జీవితా రాజశేఖర్, రవాణా శాఖ మంత్రి మహేందర్ రెడ్డి, డిప్యూటీ సీఎం మహామూద్ ఆలీ, చింతల రామచంద్రా రెడ్డి, సౌమ్య మిశ్రా..ఐ. జి. తదితరులు పాల్గొన్నారు. అయితే, రాజశేఖర్ కి నత్తి ఉండేది అన్న విషయం చాలా తక్కువ మందికి తెలుసు. పట్టుదల ఉంటే... ఎలాంటి సమస్యలు వచ్చినా ధీటుగా ఎదుర్కోవచ్చు... ఈ విషయంలో రాజశేఖర్ జీవితం ఒక గొప్ప ఉదాహరణ. ఒక డాక్టర్ గా... ఒక హీరో గా, ఒక ఫామిలీ మ్యాన్ గా... అన్ని బాధ్యతలు సక్రమంగా నిర్వర్తించిన రాజశేఖర్ తాను ఒక వికలాంగుడిని అని పబ్లిక్ గా అనౌన్స్ చేయడం ఆయన వ్యక్తిత్వాన్ని ప్రతిబంబిస్తుంది.