ఆర్.ఆర్.మూవీ మేకర్స్ ద్వారా నాగ్ "రాజన్న" పంపిణీ చేయబడుతుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే అన్నపూర్ణ స్టుడియోస్ పతాకంపై, యువసామ్రాట్ అక్కినేని నాగార్జున హీరోగా నటిస్తూ, వి.విజయేంద్ర ప్రసాద్ దర్శకత్వంలో నిర్మిస్తున్న చిత్రం "రాజన్న". నిజాం నిరంకుశ పాలన మీద తిరగబడ్డ తెలంగాణా రైతుబిడ్డ పోరాటాన్ని ఈ "రాజన్న" చిత్రంలో అద్భుతంగా తెరకెక్కిస్తున్నారు. ఈ సినిమాలో అనుష్క హీరోయిన్ గా నటిస్తుంది.

నాగ్ "రాజన్న" సినిమాని ప్రముఖ సినీ నిర్మాణ సంస్థ ఆర్.ఆర్.మూవీ మేకర్స్ వారు డిస్ట్రిబ్యూషన్ చేయటానికి నిర్ణయించుకున్నారని ఫిలిం నగర్ వర్గాల భోగట్టా. ఆర్.ఆర్.మూవీ మేకర్స్ సంస్థ ఇప్పటికే యువసామ్రాట్ అక్కినేని నాగార్జున హీరోగా, శ్రీనివాసరెడ్డి దర్శకత్వంలో "ఢమరుకం" అనే సోషియో ఫాంటసీ సినిమాని భారీ బడ్జెట్ తో, భారీ గ్రాఫిక్స్ తో నిర్మిస్తూంది. నాగార్జున సినీ జీవితంలోనే అత్యంత అధిక బడ్జెట్ తో ఈ చిత్రం నిర్మించబడుతుంది.