పవన్ 'గోపాల గోపాల' టీజర్ డేట్
on Aug 21, 2014
వెంకటేష్-పవన్ కళ్యాణ్ నటిస్తున్న మల్టీ స్టారర్ "గోపాల గోపాల" షూటింగ్ శరవేగంగా జరుగుతోంది. ఇప్పటికే ఈ సినిమాలో పవన్ కళ్యాణ్ పాత్రకు సంబంధించిన ముఖ్యభాగం చిత్రీకరణ పూర్తయింది. ప్రస్తుతం హైదరాబాద్ నానక్ రామ్ గుడాలో వేసిన సెట్ లో వెంకటేష్, ఇతర నటీ నటులపై వచ్చే ప్రముఖ సన్నివేశాలను చిత్రీకరిస్తున్నారు. బాలీవుడ్ హిట్ ఓ మై గాడ్ రీమేక్ గా తెరకేక్కుతున్న ఈ సినిమా ఫస్ట్ లుక్ టీజర్ ను వినాయకచవితి రోజు రిలీజ్ చేయడానికి నిర్మాతలు ప్లాన్ చేస్తున్నట్లు సమాచారం. ఈ టీజర్ లో మధ్యతరగతి వ్యక్తిగా నటిస్తున్న వెంకటేష్ లుక్ ను రిలీజ్ చేస్తారని సమాచారం. వెంకటేష్ కి జోడీగా శ్రియ నటిస్తున్న ఈ సినిమాకి డాలీ దర్శకత్వం వహిస్తున్నారు.