షూటింగ్లో గాయపడ్డ నాగశౌర్య
on Jun 15, 2019
హీరో నాగశౌర్య మోకాలికి తీవ్ర గాయం కావడంతో నాలుగు వారాలు బెడ్ రెస్ట్ తీసుకోమని డాక్టర్లు సూచించారు. సొంత బ్యానర్ ఐరా క్రియేషన్స్ పై కొత్త దర్శకుణ్ణి పరిచయం చేస్తూ నాగశౌర్య ఒక సినిమా చేస్తున్నారు. విశాఖలో డూప్, రోప్ సహాయం లేకుండా ఫైట్స్ తీయాలని ప్రయత్నించి నాగశౌర్య గాయపడ్డారు. ఒక బిల్డింగ్ మీద నుంచి మరో బిల్డింగ్ మీదకు హీరో దూకే సన్నివేశాలను తీస్తుండగా... నాగశౌర్య మోకాలికి గాయమైంది. వెంటనే హాస్పిటల్ కి తీసుకు వెళ్లగా... ట్రీట్మెంట్ చేసిన డాక్టర్లు కనీసం నెల విశ్రాంతి తీసుకోవాలని చెప్పడంతో షెడ్యూల్ కి ప్యాకప్ చెప్పేసి హీరోతో పాటు యూనిట్ హైదరాబాద్ తిరుగు పయనమైంది.