టాలీవుడ్ లో 'గూండాగిరి': దాసరి సంచలనం
on Oct 21, 2014
తెలుగు సినీ దర్శక రత్న దాసరి నారాయణ రావు టాలీవుడ్ పై మరోసారి సంచలన వ్యాఖ్యలు చేశారు. చిన్న సినిమాలు ఆడనివ్వడం లేదని ఆగ్రహం వ్యక్తం చేశారు. ఇండస్ట్రీలో కొంతమంది తమ సినిమాలే చూడాలన్నట్లుగా గూండాగిరి చేస్తున్నారని అన్నారు. ఇండస్ట్రీలో ఇలాంటి నీచమైన పరిస్థితి తాను ఎప్పుడూ చూడలేదని ఆవేదన వ్యక్తం చేశారు. పరిశ్రమకు చెందిన కొంతమందికి ప్రతిభ లేకపోయినా ముఖాల్ని చెక్కి చెక్కి పైకి తీసుకొచ్చే ప్రయత్నాలు చేస్తున్నారని అన్నారు. ‘లక్ష్మీ రావే మాయింటికి’ అనే సినిమా ఫంక్షన్ లో అతిధిగా పాల్గొన్న దాసరి చేసిన ఈ సంచలన వ్యాఖ్యలు పెను దుమారాన్ని సృష్టిస్తున్నాయి. అయితే దాసరి ఎవరిని టార్గెట్ చేసి ఈ వ్యాఖ్యలు చేశారనే దానిపై ఇండస్ట్రీలో చర్చలు నడుస్తున్నాయి.