ఛార్మి ఐటెమ్... మహా కాస్ట్లీ గురూ..!
on Mar 2, 2015
మసాలా పాటల్లో మజా తగ్గినా... వాటికున్న గిరాకీ మాత్రం ఏమాత్రం తగ్గడం లేదు. పాట కోసం ఐటెమ్ గాళ్కి లక్షలు ధారబోస్తున్నారు. ఆ పాటని భారీ ఎత్తున తీసి తమ రిచ్ నెస్ని చూపిస్తున్నారు. తాజాగా ఓ ఐటెమ్ పాట కోసం రూ. 3 కోట్లు ఖర్చు పెడుతున్నారు. విక్రమ్ నటిస్తున్న తమిళ చిత్రం 10 ఎణ్రదుకుళ్ల’ . విక్రమ్ పక్కన ఛార్మి.. ఐటెమ్ పాటలో ఆడిపాడబోతోంది. ఈ పాట కోసం చెన్నైలో ఓ భారీ సెట్ వేశారు. దీని కోసం రూ.2.5 కోట్లు ఖర్చు పెట్టానని టాక్. ఛార్మికి రూ.30 లక్షల పారితోషికం ఇచ్చారట. మొత్తమ్మీద ఇది రూ.3 కోట్ల పాటన్నమాట. పాటంటే నాలుగులేదా 5 నిమిషాల్లో ముగిసిపోతుంది. కానీ ఇది ఏకంగా 9 నిమిషాల పాటు సాగుతుందట. కొన్ని హిందీ చిత్రాల్లో నటించిన ఛార్మి.. తమిళంలో మాత్రం తన హవా చూపించలేదు. ఈ పాటతో వాళ్లనీ బుట్టలో వేసుకోవాలని తహతహతాడిపోతోంది. మరి.. ఖర్చుకు తగిన ప్రతిఫలం వస్తుందో లేదో..! ఈ పాట గనుక క్లిక్కయితే.. తమిళంలో ఐటెమ్ గాళ్గా ఛార్మి నిలబడిపోవడం ఖాయం.