స్వాతికి ఝలక్ ఇచ్చిన కొత్తమ్మాయి
on Aug 26, 2016
రీతూ వర్మ.. ఈ పేరు ఈమధ్య తెగ వినిపిస్తోంది. నిన్నా మొన్నటి వరకూ షార్ట్ ఫిల్మ్స్ హీరోయిన్గా పేరు తెచ్చుకొని, షార్ట్ గ్యాప్ లో మెయిన్ స్ట్రీమ్ లోకి వచ్చేసింది రీతూ. పెళ్లి చూపులు సూపర్ డూపర్ హిట్టవ్వడంతో రీతూకి అవకాశాలు పెరుగుతున్నాయి. తాజాగా నిఖిల్ సరసన నటించడానికి సై అనేసిందట. నిఖిల్ కథానాయకుడిగా స్వామి రారా చిత్రం రూపుదిద్దుకొంది. నిఖిల్ని హీరోగా నిలబెట్టిన సినిమా అది. ఆ చిత్రానికి సీక్వెల్ రెడీ అవుతోంది. తొలి భాగంలో కథానాయికగా నటించిన స్వాతి ప్లేసులో.. రీతూ వచ్చిందన్నమాట. సుధీర్ వర్మ ఈ చిత్రానికి దర్శకుడు. త్వరలోనే షూటింగ్ ప్రారంభం కానుంది. స్వామి రారా 2 అనగానే.. తనకు మరో అవకాశం దక్కుతుందని స్వాతి అనుకొంది. పాపం.. ఆ ఛాన్సుని.. రీతూ ఎగరేసుకుపోయింది.