సమంతకు బర్త్ డే గిఫ్ట్ ఇచ్చిన మూవీ టీమ్స్..!
on Apr 28, 2016
అందంతో పాటు అభినయంతో, మంచితనంతో అందర్నీ ఆకట్టుకున్న భామ సమంత. మిగిలిన హీరోయిన్స్ తో పోలిస్తే సమంతకు ఉండే ఫ్యాన్ ఫాలోయింగ్ కూడా చాలా ఎక్కువగానే ఉంటుంది. వాళ్లలో ఎక్కువమంది ఆమెను చాలా ఆప్యాయంగా చూసుకుంటుంటారు. తోటి కథానాయకులు కూడా సమంత అనగానే వెంటనే పాజిటివ్ గా స్పందిస్తారు. ఈరోజు సమంత పుట్టిన రోజు సందర్భంగా, ఆమె నటించిన సినిమాల టీంలు ఆమె కోసం ప్రత్యేకంగా బర్త్ డే పోస్టర్స్ రిలీజ్ చేయడం విశేషం. నితిన్ తో సమంత అ..ఆ లో నటిస్తుండగా, మహేష్ తో బ్రహ్మోత్సవం, సూర్య తో 24 సినిమాలు చేస్తోంది. ఈ మూడు సినిమాలకు సంబంధించి సమంత బర్త్ డే స్పెషల్ గిఫ్ట్ ఇచ్చాయి.
నితిన్ తన ట్విట్టర్లో వన్ ఆఫ్ ది క్లోజెస్ట్ యాక్ట్రెస్, వన్ ఆఫ్ ది నైసెస్ట్ పర్సన్ అంటూ ట్వీట్ చేసి, ఇద్దరూ కలిసి ఉన్న స్టిల్ రిలీజ్ చేస్తే, మహేష్ కూడా హ్యాపీ బర్త్ డే చెబుతూ ఇద్దరూ కలిసి డాన్స్ వేస్తున్న స్టిల్ ను రిలీజ్ చేశాడు. సూర్య టీం అయితే, ఏకంగా సమంతకు గిఫ్ట్ గా ఆమెపై 24 టీజర్ ను రిలీజ్ చేసింది.
ట్విట్టర్లో సమంత పేరు మధ్యాహ్నం అంతా ట్రెండ్ అవడం విశేషం. ఇండస్ట్రీలోని చాలామంది నటీనటులు సమంతకు పుట్టిన రోజు శుభాకాంక్షలు తెలియజేశారు. ఈ సందర్భంగా ఆమె మరిన్ని మంచి సినిమాలు తీయాలని, తన ఫౌండేషన్ ద్వారా మరిన్ని మంచిపనులు చేయాలని మనం కూడా కోరుకుందాం.