దీపికకు ఎర్త్ పెట్టిన కంగన
on Jul 6, 2015
కర్లీ హెయిర్ బ్యూటీ కంగనా రనౌట్ పొడుగుకాళ్ల సుందరి దీపికకు ఎర్త్ పెడుతుందా? బాలీవుడ్ లో నంబర్ ప్లేస్ న్ రీప్లేస్ చేస్తుందా? బీటౌన్ జనాలంతా ఉత్కంఠగా ఎదురుచూస్తున్నారు. క్వీన్ తో సత్తాచాటుకున్న కంగనా....తను వెడ్స్ మనుతో పీక్స్ కి చేరింది. పైగా ఒక్క సినిమా హిట్టైతే పారితోషికం అమాంతంగా పెంచే బ్యూటీలున్న ఈరోజుల్లో ఓస్థాయికి చేరేవరకూ డబ్బుల ఊసెత్తలేదు.
ప్రస్తుతం అమ్మడు ఆరుకోట్లు డిమాండ్ చేస్తోందట. అంతకు పైసా తక్కువైనా కనీసం దగ్గరకు రావద్దని తేల్చిచెప్పిందట. పైగా బాలీవుడ్ లో టాప్ హీరోయన్ అనగానే అంతా కంగనా మాటే చెబుతున్నారట. దీంతో నిన్నటి వరకూ నంబర్ ప్లేస్ లో దుమ్ములేపిన దీపక సెకెండ్ ప్లేస్ కి వెళ్లిపోయిందని డిస్కస్ చేసుకుంటున్నారు.
తొలిచిత్రం నుంచి ఈ మధ్య విడుదలైన పీకూ వరకూ వందకోట్లకు తక్కువ కాకుండా వసూలు చేసిన దీపికకు ఉండే క్రేజ్ అంతా ఇంతా కాదు. అలాంటిది వరుస నాలుగు చిత్రాలతో కంగనా...దీపికను అధిగమించేసింది. దీంతో కంగన ది బెస్ట్ అంటున్నారంతా. మొత్తానికి దీపికకు ఎర్త్ పెట్టడం ఖాయం అని ఫిక్సైపోయారు. మరి దీపక ఫస్ట్ ప్లేస్ ను ఎలా కాపాడుకుంటుందో చూద్దాం.